يجرحوني وما يخلون الجرح يبرى الا وثاني فوقه ~ 2024.

السلام عليكم
كيفكم ان شاء الله بخير
رججاء الي تدخل تقول وجهة نظرها في الموضوع بصراحة
أول شيء انا بنت وادرس ثاني متوسط ~
ولي أخت أول ثانوي مدرستي ومدرستها بنفس المبنى
المهم كلمتني قبل فترة بان صاحبتها تبي تمشي معاي وتتعرف علي وكذا
انا ما رفضت ولا قلت شيء اعتبرته شيء عادي جدا
المهم ان اليوم اختي المصون نادتني عشان امشي معاهم هي وصاحبتها
قلت أوكي ورحت معاهم بس طبعا أول مرة امشي مع بنت اكبر مني ومااعرفها يعني انا كذا خلقة اخجل وارتبك بس اخفيه محد يلاحظ يحسبوني ماابيهم اذا ارتبكت أو خجلت لأني اجلس اعض شفايفي وكذا
المهم ارتبكت شوي وما قدرت ابتسم كيف ابتسم وانا مرتبكة وحالسةة أعض شفايفي هه المهم صاحبة اختي لاحظت اني ماابتسمت ولا شيء وعلى بالها ماابيها وكذا وقالت لاختي خلاص شكل اختك ماتبي تمشي معاي خليها ترجع اختي قالت لا هي تستحي المهم مدري شقالوا وبعدين أختي قالت خلاص ارجعي اقعدي مع صاحباتك اسمعي اذا نادى علينا استغربت بس قلت أوكي ورحت ولما ركبناا السيارة قالت فشلتيني مالت عليك ! قالت لي انك منفسه ماتبينها < يعني باختصار انا نفسيه هه عادي وربي تعودت على ذي الكلمة ياكثر مااسمعها بس والله اكذب اذا قلت انها ماتأثر فيني والله هالكلمة بس عقدتني قلبي مجروووووح منها وقلت لاهلي اذا كبرت بدخل علم نفس ! قالوا لي اختي واخوي الي جابنا من المدرسة عشانك نفسية ! بس طبعا أبوي ما كان موجود لانه يخاصمهم اذا قالوا لي نفسية ! والله احس اني صرت نفسية من جد أول كنت ابكي قدامهم بشكل تلقائي مجرد ماانجرح كنت ابكي قدام الي يجرحني ويجلس يتريق علي اما الحين اكتم بقلبي ومسحت كلمة فضفضة من قاموسي اكره ذي الكلمة والله تجررحح مره من كثر مااكتم واتحمل ولاني معد ارد على الي يجرحني بس اعطيه نظرة وارفع حاجبي سموني باردة ! ما يكفي نفسية يعني هه أتمنى يحسون مااقدر أتحمل صرت اتظاهر البرود قدامهم ومن جوا اتقطع وانجرح وينزف قلبي بس دمعتي محد يشوفهاا بس خلاص مستحيل أتحمل انا مو جماد ايييه انا إنسانة عندي مشاعر ومجروحةة ومكسورة حيل أخاف بيوم من الأيام انفجر وما اقدر امسك دموعي
انا ابي ادخل علم نفس لحبي له عندي ميول له حتى اني عندي خبرة فيه
بس الي عندي الي مفروض يكونون سند لي تتريقوا فيني وخلوني مسخره وصار اسمي نفسية هه يا سبحان الله كل فترة اسم وانا صغيرة نادك < اختي نفسها سمتني كذا ! وبرضوا سموني عجوزة سمعت ان عمي سماني كذا صراحة استغربت على انه يحبني اكثر وحدة ويعزني وكلهم يدرون بس سماني كذا بعد ما عرفت انه هو الي لصق ذا الاسم فيني من طفولتي صرت مااحبه زي أول يعني أول كنت اعزه كثير واحبه اكثر شخص لين ما جاء ذاك اليوم وعرفت وصراحة انقهرت وكرهته الكل يسميني كذا حتى الي اصغر مني بس الحين معد تأثر فيني خلاص تعودت على كلمة نادك الي قريبه من اسمي الي هو ندى وتعودت على كلمة عجوزة وصرت لما اسمعهاا ابتسم عادي احس اني صرت متبلده وبقوه بعد حتى نفسيه بتعود عليها تجرحني عشان صاحبتها ! طيب انا كذا طبعي يااختي الحنون الي دايم تاخذني فحظنها ولما تشوفني مهمومة تخليني افضفض وارتاح بعدها أيه أتمنى انها كذا لكن للأسف هه خلاص وربي الكلمة تجرح مهما أظهرت ملامح جامدة الداخل غييييير عكسسس وربي كأنها سكاكين أخخ بس احس بقهر حتى لمن أقول أحلامي يتريق علي اخوي الي قلت عنه قبل شوي مرة جلست اكلم أبوي وانا متحمسة وبكل جدية اكلمه يجي اخوي الي كان جالس وسمع يضحك علي ويقول ارحميناا انتي ومخططاتك مشكور يااخوي ماتقصر
كلماتهم زي السكاكين والله توجع بس مايحسون كل ما سويت شيء ولا نرفزوني وما رديت الا بابتسامةة ساخرة قالوا هذي باردة مستحيل يجيهاا الضغط دخلتوا جوا ؟ شفتوا شيء من الي اعيشه بسببكم ؟ حسيتوا باالمي ؟
للأسف كلها لا ، المهم اليوم قال اخوي العزيز بعد ما قالت له اختي المصون عن السالفة قال هيا كذا اذا احد قال لك يبغى يجلس معاها قولي ما عندي أخت هذي عندها حالة نفسية جرحتني بس ضحكت عشان اقهره
وهي ايدته الله يوفقك يا شيخةة ادعي لكم من قلب ان الله يوفقكم ويسعدكم وانتوا تجرحوني ! يا كثر ما ألمتني ذي الكلمة بس اسكت ابي ادخل علم نفس وأبي ادخل ادارة أعمال بعد مااخلص علم النفس وأبي أحقق أشياء كثيرة بس محد يدري بطموحي معد اعلم احد أخاف يتريقون علي والله اني مااقول لهم شيء اسكت واكتفي بضحكة اتريق فيها عليهم ، ججلست تخاصم فيني على حركتي مع صاحبتها تحمد ربها ما قلت لها لا مااحب كذا ايييه مااحب امشي مع وحدة اكبر مني لوحدناا ومافي أي صلة قرابة بيننا لانهم بيحسبون اننا خويات < حركات ذي الأيام الله يشفيهم بس
وانا مااحب كذا اكره ذي الحركات والي تسويها استحقرهاا واسميهاا شاذة بس طبعا عمري ما عايرتهم كذا صرت افكر اتحول بوية!! لان بنضرهمم البوية قوية هه تخلف بس شلت الفكرة من راسي لأني اتقرف من البويات اصلا !
اخوي اليوم قال لي تحمدين ربك احد يبي يمشي معاك ! خير شايفني عار ؟ ولا حقيرة ولا عديمة شرف ولا أيشش ؟ يعني ماني اختك من لحمك ودمك!! وكمل وقال بعدين تعالي قولي ما عندي صاحبات < كان عندي بس ماارتاح معاهمم وغيرتهمم لشلتي الحالية ! طالعت فيه بنظرتي الي يكرهها الي هي رفع حاجبي وابتسامة ساخرة هه ، ما رديت عليه طبعا وقال بقول لا أبوي يشيل عليك النت والكمبيوتر مدري على ايش تقعدين ! حتى في اخلاقي وتربيتي شاك الله اكبر مشكور يااخوي مشكور
اختك الي عمرها ما تعدى ألـ 13 مفروض تلقى احترام وحب منك بس لقت العكس فرق بالعمر وفرق بالعقل 17 سنة وعقل منحط !!! الله يعينك على نفسك بس ، توي قلت لابوي على الي قاله عشان يكون عنده خبر وما يفتي من عنده وشكله واقف بصفي الله يخليه لي يا رب
وأمي اتصلت < معلمة وكلمت اختي من جوال اخوي وقالت لها اعطيني ندى
وكلمتها وكذا واعطيتها الجوال ترده لاخوها الي شك فيني وفي اخلاقي شوي وجاء عندي يخاصم يقول ليه فتحتي الأغاني ! تفتشين يعني ! خخيير خير وحلفت اني ما فتحتها بس ما صدق مع نفسه اصلا نسيت ان عندي اخو عمره 17 سنة هه _ معليش طولت حيل ~
أتمنى تساعدوني ، ياريت الإدارة تنزل الموضوع ~
وششكرنن

&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()