السلام عليكم ورحمه الله وبركاته؛؛؛؛
انا متزوجه من 3 سنوات وبصراحه مو قادره أتأقلم مع أهل زوجي ولا بأي شكل من الاشكال,, ماظل شي وما عملته معهم ميشان أكسب محبتهم بس ع الفاضي…
وهما للأسف بيكرهوني بشكل مو طبيعي لان أم زوجي ما كانت بدها أياني لأبنها بس للأسف صار النصيب…
كل شي ممكن تتخيلوه فالدنيا من مصايب عملوها معي أهل زوجي حتي ان حماتي بلغت فيا الشرطه بتهمه سب بناتها وكانت بدها تحبسني وكل هاد عملو فيا ميشان أطلب الطلاق بس انا مو قادره أطلب الطلاق لان عندي بنت وولد….
من فتره رحت ع بيت اهلي عشان ألد أبني عندهم ولما ولدت ابني ماحدا فيهم سال عني مع اني سميت أبني ع أسم أبو زوجي ميشان أرضيهم بس ع الفاضي..
ولما روحت ع بيتي كل اهل زوجي طلعو من البيت ميشان مايشوفوني ولا يشوفو اولادي…
بعدها بشهر حماتي عملت عمليه "أستأصال الرحم" ورحتلها ازورها ع المستشفي بس هي احرجتني قدام الجميع وكسفتني لما مديت ايدي ومارضيت تسلم عليا….
وبعدها بشهر زوجي اترجاني اروح واصالح امه برغم كل شي عملوه فيا رحت ولكنها حكت معي بقرف وحكتلي…"أذا بدك نصالحك ونحكي معك عنا شرط انو خوات زوجك يغلطو عليكي ويحكو شو مابدهم وانتي ماتردي عليهم لانهم بيظلو خوات زوجك….."
استفزني حكيها بصراحها ومشيت وخليتها وحكيت لألها مابدي ازور الجنه ….
بتعمدو يقهروني ويزلوني بأي طريقه… وانا وربي تعبت وزوجي عارف اهله شو بيعملو فيا لكنه ضعيف جدا قدام اهله وما بيقدر يعاتبهم ع تصرفاتهم….
بعد كل هاد القهر انا اقسمت يمين معظم اني هعاملهم متل ما بيعاملوني…
المشكله…. حماتي راحت تعمل عمره وانا مارضيت اروح اودعها لانها ما بتسأل عني ودايما بتذلني…
زوجي زعلان ومو راضي يحكي معي… والكل بيعاتبني كأني قتلتها وبيحكولي مهما غلطت بتظلها حماتك وهي الكبيره ولازم تحترميها بس وربي انا مو قادرة اتحمل ماحدا بيحترمني فيهم ولا حدا بدو أياني….
احكولي انا غلطانه ولا لأ…. شورو علي يا أخواتي….
………………………..
……………………
……………..
قال رسول الله – صلَّى الله عليه وسلم -: ( لا يحلُّ لمؤمن أن يهجرمؤمناً فوق ثلاث فإن مرت به ثلاث فليلقه فليسلم عليه فإن ردَّ عليه السلام فقد اشتركا في الأجر وإن لم يرد عليه فقد باء بالإثم وخرج المسلِّمُ من الهجرة ) رواه أبو داود بإسناد حسن ، وقد قال أهل العلم : إنَّه لا يحلَّ لمؤمن أن يَهجر مؤمنًا فوق ثلاثة أيام، فإن مرَّت هذه الأيام الثلاثة فليلقه وليُسلِّم عليه، فإن ردَّ عليه السلام فقد اشتركا في الأجر، وإن كان البادئ أفضل، وإن لم يرد عليه فقد باء بالإثم، وخرج البادئ بالسلام من التَّبِعة .
ولذا يجب على المسلم إذا مرت به هذه الثلاث , أن يبادر في الصلح مع أخيه بطرح السلام ونبذ التهاجر والتدابر فما بالك بحماتك
سارعي في كسب الاجر وبادري بالسلام والتسامح
وتذكري يا اختي بان اكرم خلق الله سيدنا محمد (وانك لعلى خلق عظيم)سورة القلم بعث "ليتمم مكارم الاخلاق " فاذا بادرتك حماتك بالاساءة اللفظيه او الفعليه ..الخ بادريها باخلاق الاسلام الساميه وعندئذ سينظروا لكي بنظره احترام بالمقابل سينظروا على حماتك نظره احتقار اذا استمرت على افعالها ولم تتدارك الامر , ولكن نتمنى من الله بان تتحلى حماتك وكل المسلمين باخلاق الاسلم .
المعذره على الاطاله وشكرا .
ياعيوني هم مايعتبرو رحم لك ولا بيكونو إلا لأولادك ولزوجك فقط ومنشأن هيك لاعاد تهوبي ناحيتهم إلا برمضان وبالعيد وعقلك برأسك تعرفي خلاصك
أبعدي بخيرك وشرك ؤخليهم يبعدون بخيرهم وشرهم
مراح أحدد مين فيكم الغلطان لكن بخبرك حاجه
لو ايش مأعملتي ولو تصالحتو ولو تأسفو لك على كل شيء خليها برأسك هالكلمة لو شو ماصرتي مثلا ملاك نازل من الجنة مرت الابن أاللي هي مرت الأخ ماتنحب
نعم ماتنحب مهما أظهرو الحب بداخلهم عدم رضا لك وغيره حتى لو مأوصلت للكراهية
كان هو يحل الامور يكلمهم
الله يهديهم ويحنن قلوبهم عليك
وزوجك كلميه وفهميه انو تصرفاتهم
بتزعجك..وازا بدهم يشوفوا الاولاد
ارسليهم مع ابوهم
وارتاااااحي من حركات رفع الضغط..
وبالنهايه اهتمي بحياتك فقططططط
