أنا وأمي الطبيب يجيب 2024.

السلام عليكم ورحمة الله وبركاته
موضوعي طويييييييل كتييير..بس اقرأوه للآخر وشوفوا معاناتي
في البداية ..انا بحس حالي اني اكتر وحدة عندها مشاكل وهموم وواجهت حزن وتحديات وصعاب كتيرة
اول مشكلة واهمها واكبرها هي امي
امي ..وما أدراك ما امي
طبعا امي هي كل شيء عندي ..احبها الى حد الجنون..لا اتصور البيت بدونها ..اصلا ما بضل ولا ثانية في البيت ازا ما بتكون موجودة..بخاف عليها من كل شي..بموت ازا بصرلها اشي..بس شو الفايدة…ماما هي اكتر وحدة عاملتلي مشاكل وعقدة وعدم ثقة في نفسي وخجل وخووووف
طريقتها وأسلوبها وبكائها من الصبح لليل عملي عقدة نفسية
امي حنوووووووونة لابعد الحدود بس مو هاي الحنية اللي بدي اياها منها
اعطيكم امثلة على تصرفات ماما اليومية واللي بتأثر فيي كتير
متلا بكووون امزح معها في شغلة معينة ..بتئلب الموضوع لجد وبتسير تسمع فيي حكي انا بكرررررهو ..متل(خليكي متل ما انت…انا سحبت ايدي منك….وبتسسير تصيح وتعيط )طبعا لسا في حكي تاااااني ..بتستفزني كتيييييير وانا بسير اصيح وهي بتسير بتبكي

ماما ما عمرها فهمتني اشياء لازم افهمها بمختلف مراحلي العمرية ..ما عمرها حكت معي بموضوع وناقشتني بكل هدوء واسلوب راااقي…انا هلا عمري 18 سنة وبدي اخطب ان شاء الله بس لهلا ماما ما عمرها حكت معي على اساس اني بنت كبيرة …ماما ما بتضحك..ما بتمزح…ما بتفهمني…ما بتحكيلي اي شي…..باختصاااااااااار انا وماما ما منحكي الا لما بدنا نتخانىء

ماما دائما زعلانة مني ..بس انا ما بكون ئصدي اني ازعلها او اعصب عليها ..بالعكس انا بدي اياها تفهمني وتحس فيي ..وفي الوئت اللي باجي لحتى احكي معها بطريئة عااادية بتئلب الموضوع لنقااااااش عنيف بينتهي بصياحي وعصبيتي وكلامي الكبير وبينتهي ببكاااااااء ماما اللي ما بينتهي ابدا

انا كنت ثانوية عامة ..ما الئيت اي اهتمام من حدا..كنت ادرس في بيت لحالي تحت بيتنا ..ما حدا عمرو فكر ينزلي كاسة مي..كاسة عصير..أي شي..ما حدا كان يسألني كيف دراستك ..ووين وصلتي ؟؟…حتى ماما اللي مفروض تكون متبعتني على كل شي ما شفت منها ايام دراستي الا تلطيش حكي وكلام طالع ناازل

وهلا بدي أسجل بالجامعة …كل صاحباتي بيحكولي اهلي واهلي حكولي اتخصص هاد التخصص…الا انا ما حدا بساعدني ..ولا حدا بناقشني
انا محرومة من هاي الشغلات كلها ..
انا بنت صبية بدي اخطب ولهلا بشيل الشعر بشفرة الرجال لانو ماما ما عمرها حكتلي بدي اجبلك كريم او اي شي تاني لازالة الشعر وحتى ولا عمررها حكت معي بمواضيع متل هيك

انا ما بحكي مع ماما ولا بأي موضوع بخصننننننني …ولا بأي شي…ماما مهمتها من الصبح لليل عيااااااط..وانا مهمتي صيااااح …انا دائما بخلي ماما تبكي …بس هي اللي بتخليني اعمل هيك..تصرفها واسلوبها..دائما بتحكيلي انت كاسرتيلي ألبي…طيب وانت يماما شو عاملة فيي؟؟…انت حطمتي ثقتي بنفسي..اعملتيلي خوف وخجل وضعف شخصية