السلام عليكم
تقبل الله طاعتكم
خواتي حبيباتي
جيتكم اهني ابي منكم التشجيع والدعم والدعاء الطيب اللي يبرد القلب
جيتكم انتوا لان خواتي اللي ع ارض الواقع ما وراهن خير وماوراهن الا الاحباط والطقطقه والطنازه .. ما وراهن لا تشجيع ولا شي .. يعتبروني انا طايحه من عينهم .. لان الكل عنده شهاده الا انا
انا متزوجه وعمري 23 سنه
وضيعت من عمري سنين وما كملت دراستي قبل الزواج كنت ماخذه الدنيا لعب ونوم اما بعد الزواج طلع قلبي
والحين اشتهيت اكمل دراستي وربي ودي اكملها سنتين وبعدين ادش جامعه المهم اكمل واكسر خشوم الكل وارفع راسي ويروح الكسر اللي بقلبي
الكل يقول مستحيل تكملين انتي ما كملتيها قبل تكملينها بعد الزواج انتي وانتي وانتي ولا بعد حامل وببطنج بيبي مستحيل تكملين
كلامهم هذا صار ما يهمني بسبة هالكلام هذا انا بكمل
بس اخاف انكسر وما اقدر
طلبت منكم الدعم والتشجيع لا تخلوني
ردودكم بخليها عندي بحفظها كل ما تحطمت قريتها واتشجع من جديد
لا تخلون اختكم
,*
مين قال ماتقدرين ؟؟
الا تقدرين ونص لاكن عن طريق الدراسة عن بعد ..
وافضل الدراسة عن البعد ..
ابحثي بقوقل عن جامعات منطقتك فيها دراسة عن بعد ام لا !!
الحقققي على تسجيل ف الجامعات لا يفوتكك
ب التوفيق ..~
&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()
واقريهم بشهادتك
والله يوفقك
|
المشاركة الأصلية كتبت بواسطة بالهداوه
 وعلييكم السسلـآم ورحمة الله وبركاتةة
,* الا تقدرين ونص لاكن عن طريق الدراسة عن بعد .. وافضل الدراسة عن البعد .. ابحثي بقوقل عن جامعات منطقتك فيها دراسة عن بعد ام لا !! الحقققي على تسجيل ف الجامعات لا يفوتكك & |
وانا كنت بدي احكيلك سجلي على النت بجامعة واختاري أي مجال حتى لغات أو تكنولوجيا الإتصالات هذي المجلات سهل تخذيها على النت وادرسي وإنت بيتك والأحسن انك ما تحكي الحد غير جوزك عن الموضوع إن شاء الله يكون متفهم ويشجعك كمان
وإن تعلقت همت المرء بما وراء العرش لنال
خلي عندج عزيمة واصرار وطموح وهدف عشان نفسج مب عشان الناس يشوفون انه انتي كملتي
شفنا وايد حريم عندهم عيال كملو دراسة وفيه منهم اللي كانت حامل
يعني ماهي صعبة الدراسة
ممكن تكملي دراسة عن طريق ( المنازل ) …. مدري شو تسمونها عندكم بس هي طريقة تسجلي في مدرسة او مركز تعليم الكبار و تاخذي الكتب وتدرسين في البيت ووقت امتحانات اخر الفصل تمتحنين يعني بدون ما تداومين في المدرسة
موفقة
استغفر الله العظيم الذي لا إله إلا هو الحي القيوم و أتوب إليه 
