أنا أحب واحد من ست سنين وأحبه حيل وهو يحبني وتقدملي قبل سنتين لكن اهلي رفضو لان كان مب مكون نفسه واهله كأنو ساكنين بشقة وهم من إمارة ثانية ولكن الحين الوضع تغير كثير وبيخطبني وانشاالله اهلي يوافقو المهم قبل لما خطبني أهله كانو يرمسوني وارتحت لهم وايد أمه وخواته ولكن اخوانه ما كانو متقبليني وأخوه الكبير كان يقولي من غير علم أهله لا تتصلي فأهلي خلج بعيد كنت وايد اضايج وحتى اخوه الي اصغر عنه يوم كنت اتصل بإخته يسكر الفون بويهي وللعلم ان انا ما كنت اتصل دايمن وأمه وأخته هم الي يتصلو فيني ويسألو عني بس بعد رفض اهلي قطعو عني مدة شهور وبين فترات كانت اخته تتصل فيني بس عقب ما اخوه خطب اتغيرو علي وايد ما كانو يهمو فيني وكانت اخته تقهرني كله تقول انا رمست مرة اخوي وطلعنا وسرنا الصالون والله قهر يعني اخوه علي يتفلسف بس على مرته عادي تتلصق بأهله والله حزنت وايد ومرة اخوه من جنسية ثانية والله قمت اكرها كره العمى حتى حبيبي ما يحبها المهم انا صارت لي ظروف وخطبني واحد غير وأهلي وافقو عليه وانجبرت وفيوم كتب الكلاب لي كان يوم مأساتي يوم حبيبي عرف وربي أنصدم ومرض لا اكل ولا شرب ولا رقاد وقلت له لا تخبر اهلك بس أمه حنت عليه لين ما قالها وزعلو وايد مني وتغيرو علي بس انا رحت عندهم البيت وراضيتهم وقلت لهم اوعدكم اني راح اتطلق وبالفعل خلعته قبل العرس ما كملت معاه ثلاث شهور والحين كلمت شهر من خلعت وهالايام أمه وخواته ومرة اخوه بيو بيتنا بس انا ما متقبله مرت اخوه اكرها كره حتى قلت لإخته انا اكره مرة اخوج واخوج لأنكم تغيرتي علي بسبتهم تمت تقول لا والله احنا نحبج وجي والله صرت اكره اخته احسها مصلحة بس تباني أكون مرة اخوها عشان مصلحتها لانها تعرف اني ما بقصر فيهم والله اني أعاملهم أحسن من مرة أخوهم بس أحسهم يحبوها اكثر مني معني انا اعرفهم قبلها بس ماني عارفة شسوي .
قبل كل شي كيف اخو خطيبج يتجرء ويقول لا تتصلين حق اهلي ماستحى ع دمه ؟
وكيف اخوانه ما متقبليني .. سلامات .. شفيهم ..!
لو منج تعرفي شو بسوي .. والله ما راح اهتم لاخوه لا لاي احد احيد يسكن في داخلي حب هالانسان وماعلي من احد دام ماسوي شي غلط يمكن بضايق من كلام اخوه الكبير وبعض اللي حصل لكن احب شخص حب كبير يخليني ما اهتم لمثل هالسوالف ..
وبعدين حبيتي احسج مسوية سالفة حق مرة اخوهم براااااااااااااااااااااااااااااااااااااايها سوي طاف لا تهتمي سلام عليكم وعليكم السلام وبس لا تحتكين فيها وايد ولا شي ..
اعتبري وجودها كعدمها واحد ..
موفقــة عيوني ..!
وش دخل مرة أخوه بسالفتك انتي وياه وانك تكرهينها
واخوانه خلي علاقتك فيهم رسميه
ألف مبرووووك والله يوفقك
لا وتروحين تراضيهم لاترخصي نفسك كل هالقدر!!!!
ست سنين ما فكرتي هيك علاقه ماتجوز؟؟؟؟
خلي يتزوجك اولا وبأقصى سرعة
مرخصه نفسك ماكان لك اهل وسامحه لهم انهم يلعبو بعقلك وتروحيلهم وتراضيهم!!! وخلوك تطلقين
والغريب انك كارهه مرت اخوهم وهي منهم وفيهم وانتي اجنبيه
ولابينك وبينهم اي علاقه شرعيه
غير حبيب وحبيت وخرابيط!!! ايش شغل البزارين ده
ولمن فكرو يجوك يخطبوك كمان مسويه غيره وقلبك اسود كرهت مرت اخوه وكرهت اخته
ماتقوليلي مين بقي ماكرهتيه !!! حبيبتي صفي نيتك واكبري واتركي عنك شغل اليهال
سؤال اخير اهلك ايش وضعهم وكيف ساكتين على تصرفاتك !!
راح ينقال عنك تغاري منها**
واصلا ليش الحقد ف قلبك مب من صفات المسلم**
