مرحبا اخواتي العزيزات انا باختصار عايشه بالاردن وجوزي بالسعوديه بجده صارلنا سنتين كل واحد ببلد والسبب انه انا بشتغل ببنك بالاردن والحمد لله مبسوطه وكان جوزي معي بنفس البنك و طلعله فرصه عمل انه يصير مدير فرع بجده .و طبعا هو سافر وانا ضليت مع اطفالي 3وساكنه مع اهله بنفس البيت. " الله يعيني" طبعا انا مبسوطه مع اهلي وصديقاتي وشغلي وحياتي كلها بالاردن وطبعا كل هادا الحكي ما اله معنى من دون وجود زوجي حبيبي بجنبي . وان شاء الله بشهر 8 رح اترك شغلي واروح مع زوجي على طول على جده علشان شغله هناك.
المشكله اني متعوده على حياه غير .اطلع كل يوم على شغلي واحيانا مع صحباتي واخر الاسبوع عند اهلي .وبصراحه حاسه حياتي الاجتماعيه رح تلتغي وانا ابدا مش متعوده على قعده البيت .
مشان الله احكولي شو اعمل ؟؟ رح امل ولا لأ؟ كيف رح تكون حياتي ما بعرف!!!!!!!
على فكره جوزي بيجي على الاردن كل 4 اشهر اسبوعين . وهو الحمد لله كتيير ملتزم وانا واثقه فيه.
واكيد زوجك تعرف هناك على اصحاب له من نفس جنسيتك وجنسيته بتقدرو تعملو علاقات معاهم انتي بتتعرفي على نسوانهم وبتتزاورو
هذا القد رايح يبحث لك عن عمل وحتى اذا مالقيتي بالبنك ممكن تشتغلي اي عمل حر
وربي يوفقك للخير وانت ادعي لنا اننا نزور مكة ولو لعمرة
وربي كريم
صدقيني الواحده مننا تقدر تتأقلم مع الحياة الجديده اذا كانت هي مقتنعه
واذا ظلت بداخلها ترفض التأقلم حتى لو يودوها لأي مكان راح تبقى رافضه الحاله الجديده بداخلها
الله يسعدك ويجمعك بزوجك بأقرب وقت ويوفقكم
امين يارب
