مشكلتي الحزن ادايم احب ابكي ون طفشت من زوجي عند اتفه سبب احسه مايحبني وحسه ضالمني ويستمر معي الحزن والبكاء يوم كامل انا ام السته اطفال وزوجي ماهو مقصر معي بس مثل اي رجال يبي وحده تحمل وتصبر وتطلبه مره ومرتين انا لا لو دقيت ومارد على طول حزنت وحسيت ودي ابكي ومرات لا طلبته شي وماجابه خلاص طابت نفسي وصرت مابي هالغرض لو يجيبه ماعاد يهمني هل انا طبيعيه ولا مريضه نفسين مااستمتع بشي دايم اميل للحزن اللي حالتها مثلي تقولي واللي عندها نصيحه تنصحني
ما أصاب عبداً هم ولا حزنٌ فقال: اللهم إني عبدك ابن عبدك ابن أَمَتَك، ناصيتي بيدك، ماضٍ في حكمك، عدلٌ في قضاؤك ، اسألك بكل اسم هو لك سميت به نفسك أو أنزلته في كتابك أو علمته أحداً من خلقك أو استأثرت به في علم الغيب عندك ، أن تجعل القرآن ربيع قلبي ونور صدري وجلاء حزني وذهاب همي ، إلا أذهب الله همه وغمه، وأبدله مكانه فرحاً ، قالوا: يا رسول الله أفلا نتعلمهن ؟
قال: بلى ، ينبغى لمن سمعهن أن يتعلمهن .
بسألج الحياة فيها أشياء وآيد حلوه ماتستاهل نكدر روحنآ علشانها
والإنسان الطبيعي يحزن فترة قصيرة ساعة ساعتين بالكثير يوم وبعدين يرجع لحآلته الأصلية
إنتي زي كذا تصيرين نكدية وتعيشين حتى بيتج بنكد زوجج وأبناءج الله يحفظهم لج ويصير بيتكم منبع للطآقة السلبية
أنا لآحظت من حديثك إنك جاعله زوجج محور حياتج .. أهو جزء من حياتج فقط ومو كل حيآتج
خلي نفسج أهي محور حياتج إنتي كذا جالسة تركزين على زوجج بقوة إّذا ماجاب لي أزعل وإذا مارد علي أزعل … ليش طيب ؟؟
يآحلاة الإنسآن البشوش اللي حتى وأهو عنده مصآيب يبتسم ويحمد ربه
وشسما هم بعد عيوني الإنسان الحزين أغلب النآس يبتعدون عنه مع إنه أهو كويس وخلوق وزين بس يبتعدون لأنه يبعث لهم طاقة سلبية هائلة تخليهم ينفرون منه …ترضينها على نفسج يقولون عنج النكدية والحزينه ؟
خلاص أجل إنتي أصلا مو حزن لكن مر في حياتج مواقف خلتج حزينه وتشربتي هالطبع وأهو مو فيج أصلا
لذا تخلصي من الحزن وبس .. والمؤمن هش بش وأمره كله خير
وحللي فيتامين دآل لأنه نقصه يسبب الحزن وعدم الشعور بالسعادة
إنتي مع زوجك من سنين كيف بعدك ماتعودتي على طباعة
إنتي مو توك تعرفينه عشان يحزنك كل ردت فعل تصدر منه
خلاص حبيبتي بين الازواج كل شيء يحصل يكون عادي
نسى ماجاب عادي اكلمه مره وعشر حتى لو مايريد يجيب
اطلبي منه من حقك وبدون تحسس هذا سنين وياك
خلاص كم بقى من العمر عشان نضيعه في هم وغم
وتحسس هذي اسمها مشاكل روتينيه يعني لازم تمر مرور الكرام
اما الحزن الدائم هذا وسوس تربى داخلك وقاعد يكبر
ذكري الله عشان صحتك وعيالك وترا الدنيا ماتسوا كثر الحزن
ترانا ضيوف فيها اتمنى تتركي الحزن وتبتدي من اليوم صفحه جديدة
كلها فرح وسعادة وحاولي ماتجلسين كثير بروحك
الله يسعدك
بكذا راح تخلين الناس تتطفش منك واولهم زوجك انتبهي
الله يهديك ويصلحك
راح تتحمليها ؟؟؟ امانه !
جاوبي نفسك ..
فما بالك بزووج ؟؟ والمعروف عن الرجال انهم ما يتحملو زينا صبرهم محدود
انتبهي يطير منك !
