السؤال عن طليقي 2024.

السلام عليكم ورحمة الله..

أسعد الله أوقاتكم..

أنا كنت متزوجه(ملكة) وبحمدالله وفضلة تم الانفصال..
طليقي جدا سيئ طبعا مفهوم السوء يختلف من شخص لأخر
لكن انا اتكلم عن مفهومي..

إتصلت بي وحدة قبل كم يوم تسألني عنه..قالت متقدم لأختي وحابه أعرف سبب إنفصالك عنه..

صراحة أنصدمت وماقدرت أقولها شي..

حاولت ابتعد تماما عن النقد أو المدح..

بس قلت لها بعيدا عن الموضوع اختك صغيره ليش تاخذ منفصل مرتين وعنده اطفال علما بأن طليقي كان منفصل قبلي وعنده ثلاث اطفال..ومايحتاج زوجه يحتاج لمربيه لاطفالة فقط..

موقفي كان صعب إن مدحت سأكون منافقه..وإن ذميت ربما ينظر الي كحاقدة أو أريد الانتقام..

لكني والله تمنيت ان أي احد ينصحني قبل أوافق عليه..لما أصبحت الان مطلقة..ولكن قدر الله وماشاء فعل..

قلت لها أسألوا عنه..وخلي البنت تستخير كثير..انا مااقدر أقول اي شي..

سالتني عن سبب الإنفصال قلت لها اولا مافي نصيب بيني وبينه والسبب الثاني عدم التوافق بينا الاختلاف بيننا كان كبعد السماء عن الارض بكل شئ..

طليقي سيئ بنظرتة للزوجه.. يراها..مجرد عبده..خادمة..مالها اي حق..تعبت كثير معة والله..مع انها كانت مجرد ملكة..لكن ذقت المر..ولا اتمنى أحد يشوف إلي شفته..

ماطلقني إلا بعد مادخلت مشاكل بالمحاكم لمدة سنة وبطلب خلع..وزوجتة السابقه نفس الامر..وكان حارمها من اطفالها.. رغم اني والله اقنعتة وقلت له لاتجعل الاطفال سلاح تحارب فية لكن هو ماعنده خوف من الله..ودايم يذم فيها..فيه خبث داخلي واهم شي عنده مصلحتة..حتى عيالة مهمل فيهم وحارمهم من امهم..ولايهتم ..يحاول يظهر بمظهر الملتزم الي يخاف الله..لكن مع المعاشره تظهر شخصيته الحقيقيه

والله هو جداا سيئ وكان متزوج قبلي وحده وماعلم احد استمر معها 6شهور ثم تركته وطلبت الطلاق..

يعني انا كنت الزوجة الثالثة…

حسيت اني شيطان أخرس لاني ماوضحت الأمور..
لكن بعض الناس ينظرون للطليقه انها ظالمة الرجل وتريد وضع كل العيوب فية..وفي نفس الوقت رحمت البنت انها بتتورط مثلي..والله اني اعض أصابع الندم واقول ياليت احد علمني حقيقته قبل أتورط بالزواج لكن الله له حكمة بهذا…

والان تجيني لحظات ضميري يؤلمني افكر اتصل واقولها عن كل شي واريح نفسي وارجع اتراجع لعل تفهم تصرفي خطأ وأنة من باب التخريب مو اكثر..قلت لها أتصلي بزوجتة السابقه يمكن تفيدك انا مجرد ملكة هي عاشت معة..قالت ماقدرت اوصلها نهايئاً..

وأنا للأسف ماعندي أي وسيلة تواصل لها ولاكان عطيتها وريحت ضميري..

اذكر في يوم قالي انه زوجتة لما طلبت الخلع قالت انه مقصر معه في الأمر الخاص وانه عاجز..

طبعاا هو قالها من باب الذم وانها إمرأه سيئه ولاهو رجل كامل..ومن باب السواليف مره ثانية قالي ترى انا شغلي كثير وممكن انقطع عن البيت لمدة شهر واكثر..فعرفت انه كلام زوجته صحيح..

الرجل سيئ ..لكن مدري هل يحق لي الكلام عنة وقول الحقيقه ام الصمت أفضل…

احترت جداا من الموقف..واشعر بالندم مع التردد…