اسعد الله مسائكم ياحلوين….كيفكم ..
اليوم عملتلكم اكله طيبه …كتير وغلبه كتير كتير…
وهيه العكوب…ما بعرف اذا كلكم بتعرفوه هوه كله شوك وبغلب
اللي ما بيعرف يتمكن منه …وانا كتير بتغلب فيه …
بس بسويه لانه بصراحه اكله طيبه كتير كتير كتير…
وهي صورته قبل ما اعمل في شيء…
مكونات اكلة العكوب….
طبعا العكوب ..واللحمه ..والرز …والبهارات والملح حسب الرغبه
ورز…وشعريه …وزيت …ولبن مخيض 2كيلو…
الطريقه …
طبعا لازم نقيم الشوك من العكوب وننظفه كويس بالمقص..او السكين
ولازم كتير ننتبه لتنظيفه…وبعد ما نخلص التنظيف.
نقطعه قطع صغيره وننقعه بالماء الدافىء ونغسله عدة مرات
حتى نتاكد انه نضف كتير…
وبعدين نقلبه عالنار راسا بشوية زيت حتى يدبل ويستوي..
ديروا بالكم العكوب ما بتنظف وينترك لتاني يوم ..ابدا
لانه الشوك يرجع ينمو عليه لازم راسا بعد تنظيفه نقلبه عالنار
واكيد منكون حاطين اللحمه عالنار تنسلق…
وبعد ما تستوي اللحمه نضيف لها العكوب ونتركهم مع بعض
يغلو شوي …وبس ينضجوا كويس بقدح لهم الثوم بالزيت
…….وانا بسويه عطريقتين اولادي بحبوا العكوب مع اللبن
وزوجي بحبه عمرقته ..عشان هيك بسويه عطريقتين
اللبن بحطه عالنارحتى يغلى وبس يغلى بضيف عليه العكوب
واللحمه وبتركهم مع بعض يغلوا وبضيف لهم الثوم المقلي بالزيت
والرز اكيد كلكم بتعرفوا طريقته انا سويت رزبشعيريه معاه
جربوها اكله طيبه كتير وهيه بالشتاء موجوده
وان شاءالله تعجبكم….
وهذا الصحن لاول واحده بترد صحه وعافيه
|
المشاركة الأصلية كتبت بواسطة ميوررة
 اول مرة اسمع فيها بس يمكن الي عندنا نسميها فرسن الشاة انتي من وين
|
اهلا فيكي حبيبتي انا من الاردن…انا حطيت صورته
وهوه يطلع من الارض بدون زراعه بقدرة الله
وانتي من وين حبيبتي
للاسف لايوجد عندنا حتى نطبق الوصفة
مشكورة حبيبتي
العكوب بسمع فيه..بس ولا مرة ذقته…
لكن هو معروف عنا بسورية لكن مو منتشر كتير
تسلم ايدك ياعسل
يقييييم باحلى نجوم
احنا في العراق نعرفه باسم الكعّوب
بتشديد العين
واسمع عنه بس عمري ماذقته ولا كانت امي الله يرحمها تطبخه
ولكن طريقتك هذه ياعمري خلتني اندم اني ماطبخته
وهو ايضا قليل وموجود تقريبا فقط في قرى الموصل بسبب قربنا من الشام
يعني في بغداد مااحد يعرفه
تحياتييييييييييي
الله يذكرك بالخير يا ماما
بصراحه كانت تمووووووت عليه وتعملنا اياه بس ما كنا نحبه
هلا بس تعملو بحكيلها احكي معي على طول لاني صرت احبه بس ولامره عملتو
مره جابو جوزي .. عطيته لجارتي
يسلمو يا عسل وصحتين والف عافيه
مشكوره
