{(الفراق :: لمحمد البريك)} << انشوده في قمة الروعه -اسلاميات 2024.

كلمات النشيدة /

من سمع قولي يقول القلب سالي
والحقيقة كل هم (ن) معتليني

اكتب الفرقى على لوح الليالي
و ارسم البسمة على روح السنيني

غربة الدنيا بها يكتب مقالي
والدموع أشتات و العبرة تجيني

تهت في دنيا حلاها لزوالي
بين سجات القهر و أحلام عيني

راح منهو يرسم أيام المعالي
راح عنا بين غصات الحنيني

مات و أبقى في ضمير الكون صالي
حسرة الماضي على الهم الثخيني

والله إن القلب تصلاه الصوالي
والهموم اللي توارت تغتنيني

فارق اللي تفتخر فيه الليالي
من عقب ماهو مثل حبل الوتيني

ما بقالي غير سجات الخيالي
في زمان (ن) مثل تعتيم الحزيني

{ .. يالله إني طالبك يا ذا الجلالي
تغفر لخل (ن) غدا قبره رهيني

تدخله جنات عدن ما تبالي
يا سميع يا مجيب يا معين ..}