[السلام عليكم ورحمة الله وبركاته
تفضلو قولو بسم الله
المقادير و الطريقة
كناخدواللحيمات كيتقلاو مع البصلة و العطرية ملح بزار سكين جبير قزبر يابس تبزيرة زيت الزيتون
كنوجدو الخضرا مطيشة لفت خيزو كرنب قرعة خضرا و حمراو لفيتة صفرا و فيلات و حميمصات للدراري
نجمعوكولشي في الكوكوت بعد ما سدينا على اللحم تا دخلو الطياب
كسكسو غسلتو 2 مرات في بانيو و صفيتو و خليتو يشرب شوية و عاود سقيتو ب شوية الما عيني ميزاني ملي نشف دهنتو بشوية زيت
من بعد التفويرة الأولى درت لو الملح و عاود سقيتو و خليتو يبرد شوية ودرتو يتفور المرة التانية
من بعد سقيتو المريقة تكون غير قليلة وخاترة السمن درتو مع المرقة
بنفس الطريقة ممكن نصوبو اي نوع من الكسكس هاد النوع تايتقالو الخماسي لانو مكون من خمسة مكونات ممكن يتصاوب ولكن انا تنشريه واجد لاني ماعنديش الوقت
نتمنى يعجبكم و اي سؤال انا رهن الاشارة
تسلم يداكى
فييييييييييين الطريقه
بانتظار الوصفة
تحية طيبة
او باللغة العربية ياك يفهمو الاخوات وشكرا لك
