السـلام عليكم ورحمة الله وبركاتة
حبيت انقل لكم تجربتي مع الكيس المائي ,, عشان أي وحده عندها هالكيس تستفيــد
قررت الدكتورة تعطيني حبوب منشطة وقبل لاتعطني فيه اجراء لازم اي طيب شاطر ومتمرس يسويه وهو أشعـة ,, بعد الاشعه عرفت ان عندي كيس مائي وهو كيس تقريبا يصير عند كل الحريم واحيانا يروح من حاله وهو اللي يسبب الام في الدورة ,, احيانا وحده تقول لك انا في الدورة يعورني جنبي اليسار ووحده ثانيه تقول جنبي اليمين على حسب مكان الكيس
معلومة مهمه لكل وحده تبغى تأخذ حبوب منشطه ( كلوميد ) قبل ماتاخذينها سوي أشعه لاانه اذا كان فيه كيس مائي راح يكبر مع الحبوب وبالاخير ينفجر ,, هذا كلام دكتورتي لي ,, بعض الدكاتره الله يهديهم مجرد ماتجيهم الوحده متأخره في الحمل يعطونها كلوميد بدون اشعه
صاير الكلوميد مثل حبوب البنادول
المهم علاج الكيس المائي هو : حبوب منع الحمل عشان يصغر وبعدين يختفي واذا مافادت الحبوب يسوون لك عملية سحب كيس
بالنسبة لي أنا مافادتني الحبوب ماغيرت حجم الكيس ,, فأضطريت أسوي عملية سحب كيس تقريبا العملية تكلف 1500 ريال ,, في البدايه كنت متخوفه بس الحمد لله العمليه طلعت سهله ومدتها خمس دقائق فقط
طبعا العمليه من تحت تشبه كثيررر الاشعه
اي وحده عندها كيس مائي لاتخاف الموضوع جدا سهل ,, واتمنى اني قدرت افيدكم لو بجزء بسيط
