السلام عليكم …انا مشكلتي اني عايشة بالماضي وفشلت كل محاولاتي في الخروج منه واقناع نفسي ان اللي فات مات ادري انه مو كل الناس كان الماضي سعيد عندهم لكن انا غير الماضي صنعه لي والدي هو في نظري محور المشكله وهو اللي وضع هالدائرة حولي
ابوي ماكان يصرف علينا ولايهتم فينا وشايل يده منا تماما وهذا كله بتحريض من زوجته الي بحياتها ماشافت خير وحدة جيعانه وطماعة وتبي تاكل كل شيء لحالها اهملنا والدي بسببها وقطع عنا كل شي الا شيء واحد وهو الاذية والضرب واللسان السليط يعني يدخل يهاوشني ويضرب اخواني ويبهدل امي وبتحريض من زوجته (ماني متأكدة) لكن اضن ان لها دور كان ابوي يرفض كل الخطاب اللي يجوني يرفضهم بدون سبب مقنع بس عشان يرضي حسد زوجته اللي ماتبيني اتزوج وتبي تقطع نصيبي حتى تشفي غلها في امي وفيني وياليت على كذا ابوي زوج خواتي اللي اصغر مني قبلي (خواتي من ابوي) يعني تخيلي عرسان يرفضون وانتي لاحول ولاقوة وفوق هذا يتزوجون الصغار قبلك ليش كل هذا بأي حق تمنع العفيفات من الزواجابوي هذا اناني مرة انسرق منهم الفين ريال راح واخذ مصروفنا اللي كان يرسله اخوي الكبير لنا وكان مقداره الفين ايضا وحجته انه اتهم احد اخواني بانهم سرق منهم الفين يعني تخيلوا مايصرف وياخذ فلوسنا وهذا كله غيض من فيض آه لو احكي لكم اكثر والله ماتصدقون انا عموما ماسكت واعترضت على رفضه لخطابي راح وزوجني من واحد حقير عديم المسئولية وعديم العقل وتطلقت منه وجبت ولدين يعني ابوي حتى لما اعتقني ما اختار لي رجل كفء اختار اخس خلق الله اليوم انا مطلقة مع اولادي وموظفة وظيفة مرموقة بس قلبي مليان على ابوي بالذات اكرهه وناوية اسوي وقف لامي الله يرحمها وابوي ادعي عليه وهو بقبره واقول بقلبي والله مااسوي له وقف وصدقة جارية وهو السبب مو انا لا حد يقولي سامحيه ما اقدر اسامحه من قلبي عصبن عني
خلاص سامحيه خصوصا انه الان يحتاج منك العفو ياحبيبتي
اذا رب الكون يسامح انت ماتسامحي خلاص ابدي من الان صفحه
جديده وانسي كل اللي فات وعيشي لحظتك ومستقبلك الماضي خلاص
اشطبي عليه وشيليه من ذاكرتك نهائي بالله كيف تبين تنسي الماضي وانتي تفتكريه
والله العظيم انا مثلك تعذبت بطفولتي بس خلاص الماضي نسيته ولاخليته
ياثر فيني لانه فتره وانتهت وانا الان عايشه للحاظر وبس
عشان كذا حاولي تنسي وتسامحي كل الاشخاص اللي كانو بماضيك مافي احلى من التسامح
ترى كل الناس تغلط بس مو كل الناس تسامح
اتمنى تراجعي نفسك ومهما كان هذا ابوك لازم تبريه حتى بعد وفاته
دمتي بود اختي ..
يقول الله تعالى "والكاظمين الغيظ والعافين عن الناس"
ولا تحسبين أنك لوحدك عانيتي الظلم والاضطهاد من والدك ,
الدنيا مليانه ظلم ,أنا مثلك عانيت من ظلم الوالدين وانحرمت من حبهم وعطفهم
لدرجة أني فكرت في الانتحار أكثر من 20 مرة وقمت بتنفيذ خطة انتحارية بس ربي
لطف بي والحمد لله ,
الحين بعد ما توفي والدي سامحته لوجه الله وأمي سامحتها الله يعطيها الصحه والعافية
رغم الجروح الأليمة اللي ما زالت تؤلمني ليومي هذا والله ما قويت أقسى عليهم مثل ما كانوا
يعاملوني بقسوة ,
أختي بالآخر سامحيه ما راح تندمي وادعيله بالرحمة والمغفرة.
اللهـ يعينكـ ويفرج همكـ..
اكثري من الاستغفار وادعي ان ربي يعوضكـ عن كل الظلم اللي شفتيهـ بحياتكـ..
اللهـ يرزقكـ الزوج الصالح الحنون اللي يقدركـ ويحترمكـ…
ياعزيزتي وانا اقرأ موضوعك بصراحه ماخطر ببالي انك تتكلمين عن ناس هم الان في ذمة الله…
معقوله؟؟ معقوله كل هذا حقد بقلبك؟؟ ارحمي نفسك ياعمري قبل ماترحمين والدك .. ترى الحقد وحمل الالم في القلب يؤذي صاحبه قبل ان يؤذي من تسبب به .. يعني والدك اللي ظلمكم الان في ذمة الله .. ووالدتك المظلومه ايضا في ذمة الله .. وانت بوظيفه مرموقه وصحه جيده ومستوره وربنا اكرمك باطفال .. ولسه حاقده؟؟
يااااااااااااااااااااااه
تعبتي قلبي وانا اقرا كلامك ..
ادعيلك من قلبي ان ربنا يغسل مابقلبك من كدر وغل وحقد .. مو علشان خاطر احد وانما علشان خاطرك وخاطر اولادك هذوله المساكين .. شنو ذنبهم ويكون عندهم ام حقوده؟؟
حبيبتي
احنا الان في ايام مباركه .. ارمي حمولك على الله واطوي صفحات الالم من حياتك .. وتفاءلي بالايام القادمه..
ربي يسعدك ويفرحك باولادك ويجعلهم قرة اعين لك .
تحياتييييييييييييييييي
حبيبتي ما النا حق نحكيلك اشي الا انك تسامحي ابوك و تعفي عنه
لانو شو ما عمللك بيضل ابوك وهو السبب في وجودك بهاد الدنيا بعد الله سبحانه و تعالى
الله يسعدك بحياتك و يهنيك و يحنن قلبك على ابوك خيتووو
