اسعد الله اوقاتكم
الاداره الحلوه بليز نزلو موضوعي رجاءا ^_^
كيف الحلوين
اختكم انسانه هاديه ورقيقه وعلى قولة صديقتي مالي نفس 🙂 خطبت وتملكت وهنا المشكله
اني لما اروح معه مكان ويتكلم ويسولف معي غالبا اكون مستمعه وساكته واذا سأل او فتح موضوع اتكلم عادي قبل حوالي اسبوعين اتصل فيني وقالي ابي اقابلك اليوم ورحت اشوفه وتفاجأت من سؤاله سلم وتكلم كلام عادي بعدين سألني انت موافقه برغبتك او لا او كنت موافقه ومع الوقت بعد تعرفتي علي اكثر ترددتي قلت لا انا موافقه برغبتي وماترددت قالي لانك ما تتجاوبي معي كنت اعتقد انه خجل وحيا بس انا دايما الي اطلب اشوفك واكلمك واراسلك وانت ما سويتي هالشي والا مره لا تخافي اذا ماتبني قولي مارح اسويلك مشاكل واحسك مو مرتاحه معي قلت له انا كذا طبعي هاديه وساكته مو سالفة اني مو مرتاحه اومجبره على الزواج منك حسيته ما اقتنع وبنفس اليوم كلمني قالي اليوم وانا اكلمك واسألك ما كان في ردت فعل منك وكاني اكلمك في موضوع عادي واجاباتك مره مختصره قلت له قلتلك لو ما ابيك بقولك ما ابيك
المهم بعد بكم يوم طلب يشوفني واعتذرت منه واليوم الثاني اعتذرت لقيته مرسل شفتي ان كلامي صح دايما اقولك نطلع تطلعين ليش بعد ما كلمتك بالموضوع تعذرتي على رغم هدوءي ماادري ليه رديت عليه هالرد وقلت له قلتلك من قبل لو ما ابيك ما وافقت عليك مارح اضيع حياتي مع واحد مابيه بس شكلك انت الي ماتبني وقاعد طلع حجج وسوالف عشان تتركني تونا في بداية الطريق تبي تترك اترك سبق وتكلمنا في الموضوع ورديت عليك وانتهى ليه تعيد وتزيد فيه
ارسل شكرا لك ما توقعتها منك
ياربي هالحين هو الي يسوي كذا وهو الي يزعل قهرني رفع ضغطي يعني انا احبه ومعجبه بشخصيته كثير لكن هاذي اطباعي وكم مره حاولت اوصله هالشي وهو ابدا مصمم اني كذا لاني ما ابيه وانا يوم رفضت اطلع معه قلت يمكن لان نشوف بعض ونكلم بعض هو اخذ الفكره مع العلم ان الناس تتعرف على بعض اكثر وفعلا كانت عندي ظروف وقلتها له ليه يسوي كذا هذا وشلون اتعامل معه 😭
ومو قصة انك ماتبيه ولا مجبورة ع الزواج
الله يهديكم لا تسوو مشاكل من شغلات تافهه لساتكم باول الطريق
الله يهنيكم ويسعدكم ببعض
علشان كدا ماحد فيكم فاهم التاني
بس للاسف ردك جدا قاسي وسيئ واكيد جرحه
كل الرجال وقت الملكة تجيهم شكوك لأنه يبغى وحدة تبغاه زيما انتي تبغي واحد يبغاكي
عادي سألك وعادها كلمتين منك زي اللي كتبتيها هنا
كنت مشغولة حبيبي
انا معجبة فيك ومافي شي جاني منك يخليني اغير رايي < وانتهى
لازم يسمع منك لاتحسبيه يفهمك عالطاير انك تبغيه لازم تبيني
ليش الرد الجامد وانتي لسة أول الطريق وعلى أبسط شي
بكرة حتسمعي كلام أكبر فخلي الزعل عالشي اللي مستاهل زعلك
اسأل الله ان يتمم لكم على خير ويسعدكم.
انتي خططي مثلا يوم تطلعي معه وابعتي له مسج انك مشتاقيتله ودائما حضري مواضيع تحكيها معه لا تكوني ساكته انتي افتحي مواضيع وتناقشي معه وابعتي له مسجات حب واسألي عنه دائما وبيني انك بتغاري عليه ومهتمه فيه وشوفي بعد هذا الاهتمام كم راح يزيد حبه لكي وراح يصير اسعد انسان
ترى اولاد يطفشون بسرعه
