تكفوون من له خبره في الحياه الزوجيه يرشدني ويساعدني ..
انا متزوجه وكان زوجي يحبني والحين صرت عادي عنده او اقل لان شخصيتي ضعيفه جداا كل شي يبيه اسويه كاني شغاله عنده .. خليته مثل الملك بالبيت حتى الريموت اقوم اجيبه له وانا حامل بالتاسع صار هو يقومني على اتفه شي !!
ما اعرف ادير الكلام عنده يقولي مافي جمله مفيده عندك .. يقولي بس شاطره بالملابس ..
صرت اكره البس عنده لاني لالبست ما اعجبه يقولي كبري عقلك خليك مثل الحريم . مع العلم اني اكبر منه بسنتين ونص .. دايما يقولي شوفي خواتي (خواته متزوجات وعمرهن 19 وحلوات بس انهن ملعبات وملسونات بعسل ورجالهن كوكو عندهن مدلعينهن لابعد حد)..
بالاضافه انه يقولي انتي مو محترمه ابدا ويبي لك اللي يربيك وانا ساكته ومايحب اخواني رغم ان اخواني دكاتره ومهندسين بس الشكوى لله المحبه مو غصب .. يقولي اقري ثقفي نفسك مثل الحريم وانا ما احب اقرأ يكفيني مدرستي ومناهجي .. احس اني موعااجبته مررره ..
مع اني احبه واحاول اقوي شخصيتي بس ما اقدر ..
مع العلم انا اللي درسته وكبرته على حسابي واعطيته اللي ما اعطاه ابوه ماديا ومعنويا بس انا احس تحطمت صرت اخاف اقول عنده اي سالفه يقولي سولفي زين حطمني حطمني حطمني جدااااا..تخيلن حتى النت ما يخليني ادخله وخواته الصغار ماوصلن 14 سنه دايما على النت ..والمتزوجات جولاتهن من افخم الجولات رغم اني معلمه ما تهنيت بالجوال المتسنع !!!!!!!!!!!!!!!!
هل من تصرفاته يحبني ؟؟؟؟
تكفن ردن علي مالقيت غيركن اشتكيله بعد الله. حللن شخصيته؟؟
كيف اغير حياتي وهل انا غلطانه بتعاملي معه وكف تعاملن رجالكن ؟؟
بس حاولي تكون شخصيتك قوية شوي
يمكن يكون غيران منك لانك معلمه وكذا وبنفس الوقت يخاف تشوفي نفسك عليه وعلى اهله وتقوليه نفس الكلام الي قلتيه الحيين انا اشوف انه يحبك بس يبيك تعاملينه مثل الطفله الدلوعه تدلللع شوي وتتتغلى شوي وكل شي بحدددوووود وانتي اعرفي هالاوقات وتنسى انها معلمممممه لا تقولييين مايحب ويتمسخر علي وكذا انتي جربي مافيها ضررر
اتمنى اكون افدتك الله يسخره لك يااختي
كثرة دلال الزوجه للزوج احس انها تضيع الزوجه يصير يتعود ان كل شي هي تسويه
لكن تفاهمي انتي وزوجك كلميه انيك محتاجه منه حنانه وتفاهمه اول شي وان الحياة اخذ
وعطى لازم الزوج يعطي حتى يشوف من الزوجه اكثر واكثروالله يسخره لك …………..
وانتي البسي وتدلعي …..لنفسك مو له < بس لاتقولينها له بعدين يزعل
ودام انك معلمه ….اشتري اللي تبغيه جوال …..وثقفي نفسك
اجلسي مع المعلمات اللي معاك …..ودايما تناقشواا في موضوع
اقرئي كتب …لو قبل النووووووووم ،،،، اطلعي على اخر الاخبار
الحين تقدري تحملي كتب في الجوال ….وتقرئيها
الله يوفقك ….ويسسعد قلبك ،،،ويسخر لك زووجك
