السلام عليكم كيفكم بنات انا قبل هالمرة طرحت مشكلتي بعنوان آه رحمتك يارب وبصراحة حابة اشكركم على نصايحكم اللي نصحتوها لي في مشكلتي مع اختي ان شالله يارب تذكرتو مشكلتي اللي انا الاخت المطلقة وتاتيني مضأيقأت من اختي اللي تصغرني سنا وهي ماشالله فتاة واعية وبالعشرينات بس لا حياة لمن تنادي لم تتغير بالعكس مثل ماهي بمضأيقأتهأ لي لانو امي الله يهديها ما وقفتها عن حدها والاخت الفاضلة استقوت علي وافترت اكثر واكثر مع الايام لانو ماحد بصفي وماحد ينصفني امام مضأيقأتهأ لي امي تبغأني طول عمري اسايسها على ولا تبغأني ادافع عن نفسي إللى ان نفشت ريشهأ علي بسبب امي الله يهديها انا افضفض لكم مو علشأن ابغأ حلول منكم لانكم ما قصرتو في المرة السابقة نصحتوني ووجهتوني بس انا ابغأ ارائكم في شي ثاني اني حتبع اسلوب جديد مع اختي وانا عارفة انو امي حتزعل علي لانها المدللة وانا المطلقة اللي ما اشرفهم والاسلوب اني انا بطبيعتي من زمأن اخذ مكياج واغراض خاصة لي واحطها على الكمودينة علشأن اخواتي يستعملوها بترخيص مني وانا كدا معودتهم من زمأن بس بصراحة حميز اخواتي عنها حخليهم يستعملو كل شي في غرفتي إلا هي حمنعها ما حخليها تستعمل شي إلين ما تحس باللي تسويه فيني وانا عارفة ان امي حتاخذ موقف مني علشأن رضا الاخت بس بصراحة من اليوم ورايح حميز اخواتي عنها في كل شي وإذأ امي استفسرت ما حتكلم حسكت سكوت تام بدون تبريرات ﻷن التبريرات ما نفعت معاهم كل ما يشوفو مني تصرف قاسي على اختي ما حبرر لهم حقولهم كدا وخلاص إيش رايكم بتصرفي اللي حطبقة للايام الجأية
الله يوفقك
الله يفرج همك
