السلام عليكم ورحمه الله وبركاته
انا بدخل بالموضوع
انا ياجماعه الخير زوجي هو سبب مشكلتي
متزوجة من اربع سنوات وعندي ولد من عمر زواجي
وزوجي مضايقني بغيرته الزايده او ما اعرف شكه فيني ……..
بخبرهم كيف يسوي معاي اروح مثلا مع اهلي يتم يدقدق كل عشر دقائق بدون سبب مقنع بس يخترع اي شي وعلى أسأله
وين وشو تسون ووين الحين بالضبط
ووين الولد وعطيني اكلمه
ويوم اكون فالبيت عند اهلي يتصل اكثر من مئة مره وين وانا ادخل الغرفة علشان اكلمه براحتي يقولي ليش ما اسمع صوت احد روحي عندهم علشان اسمع صوت وانحرج اروح
وارجع الغرفة مثل المجانين ويرجع عاتصالات يعني على هل حال حتى لو فالبيت ما اخلص منه وين ومين عالخط اقوله ما
احد يقولي الا في خط ثاني واحلفله
ويوم اجلس ع النت وانا جالسه بجانبه اشوف مين تكلمي
وع مين تردي وشو تكتبي وانا والله العظيم ما اعرف استخدم الماسن ولا ادخل دردشات بس اجلس مع منتدانا الغالي سيدتي وفوق كل هذا سباني أرويه انا شو اسوي والله شي يضايق
يعني هذا شي يخصني يوم اكتب حلول للمشاكل في هذه الصفحة لا يبا يحشر عمره ويشوف انا شو ارد
ويا ويلي لو امسك تلقوهم او اعطيه اياه حتى لو يدق له احد
وانا جايبه بلاك بيري والله يقولي ممنوع تضيفي احد ولو يشوف ضائفه احد ليكسره
اصلا ما عندي احد ما عندي اصدقاء كل شي ممنوع بس اهلي واهله عادي
والله ملئت………
الجنه بلا ناس ما تنداس
احياناً اقول بضاربه واسوي واقوله انت ما عندك ثقه فيني
يقولي الا بس انا كالريح اخسرك بسبب احد يضحك عليك
اقوله انا واعيه يقولي الشيطان شاطر بعده ما مات 
انا حلوة والله مو مدح بس يمكن هذا السبب
مو سبب انا بنجن والله تعبت كل شي رويني ووين وأشياء كريهة ساعدوني الله يساعدكم
**
انا لو مكانك اطنشه على تصرفاته ،،،،، ولو يتصل وانا عند اهلي عادي اكلمه وسط الصراااااااخ
واقوله هااااا ما اسمعك ايش تقووول
ولو ظل يدقق اسووي مثله لما يجلس على الجهاز اشوف ايش اسووي اطفشه هههههه
الله يكون بعونك …. ويهدي زووجك ،، ويبعد عنكم كل مكروووووه
الله يكون معك اوصيك بالصبر
وخلي كلشي واضح له علشان يرتاح وان شاء الله كلها فتره وتروح
عكس زوجت اخوي هيه بتعمل معاه نفس الاتصالات وتتحجج انها تبي شي وهيه بس غيرانه عليه وهوه فاهمها ومخليها علا راحتها علشان ماتمرض اكثر
الله يهديه ويخليكم لبعض
