السلام عليكم ورحمة الله وبركاته
بنات انا حابة احكيلكم قصتي مع ماركة حقت مكياج وكريمات عناية بالبشرة كنت احسبها طبية بس زي ما يقولو التجربة خير برهان
انا رحت فيسز بالنور مول وهناك بدأت قصتي اسمعوها:
دخلت المعرض ووقفت عند واحد لابس بالطو ومحسب نفسو انو دكتور يعني شغل نصب وسألتو على كريم اساس طبعا زي ما نصحتني زميلتي في العمل وبدا يشرح ويقولي هادي ماركة طبية ومنتجاتها خالية من العطور والكجول ومختبرة طبيا المهم الله يهديني صدقتو واخد كريم الاساس وبعدين بدا يشرحلي عن كريمات العناية بالبشرة ويقولي هذا الكريم للعين وهذا الكريم للوجه ويوريني يعني انو كيف الخلايا الميتة والثلاث خطوات تبع التنظيف يعني برضو شغل نصب بس يبغى يبيع المهم اخدت منو كريم الوجه ومزيل مكياج العين(الطبي)للعيون (الحساسة)وبدات استخدم الكريم ولا حظت بعد عشر ايام بدأ يطلعلي حب صغير في وجهي قلت هذا يمكن من الجفاف ولا شي
المهم سكت عنها وبعدين جاتني مناسبة وبعد ما رجعت استخدمت مزيل مكياج العين (الطبي)وصحيت الصباح الله لا يوريكم عيوني حمررا
رحت بسرعة على مستشفى المغربي وطلعت المفاجأة انو معاي التهاب في عيني من جرثومة دخلت على عيني وقلت للدكتور كدا كدا قلي لا تصدقي كل هذا الكلام هذا كلو كلام تجاري وشركات تبغى تبيع وبس
على كل حال هذي قصتي مع هذي الماركة واتمنى انكم تستفيدو من تجربتي ولا تصدقو كلام البياعين كلو وانا ماني حابه اذكر اسم الماركة بس عشان تنتبهو هي اسمها كلينك يعني انهم بيسموها عيادة بلا فشكلهم والله لا يسامحهم
واتمنى لكم التوفيق
يلا الحمد لله عسلامتك وماتشوفي شر والف شكر لانك شاركتينا تجربتك
واشكرج ع التنبيه ..
