السلام عليكم ورحمة الله وبركاته
حبيباتي انا جيتكم هنا ابغى مساعدكم بعد الله واتمنى تردون علي باقرب وقت الله يسعدكم
مشكلتي ..انا عمري اثنين وعشرين تقدم لي ولد خالي اكبر مني بعشر سنوات عسكري مدخن عايش في منطقة بعيدة عن اهله من يوم تخرج من الثنوي(عاش حياة صعبة يوم كان عايش مع ابوه كان يتعذب بالكلام والضرب من هو صغير )واحتمال هذا سبب من اسباب بعده عنهم
وما اعرف الكثير عنه بس مدحو قوة شخصيته وكرمة وكمان قالو حنون وغيوور سألت عن اخلاقة قالو ما نعرفه كثير ..
بس احسه مجهووول يعني من يوم تخرج وهو بعيد عن اهله وما يجيهم الا في الاجازة الكبيرة من كل سنة وحسب مصادري يقولون كل سنة يجيهم احسن من اللي قبلها بالنسبة للصلاة والتخفيف من الدخان خاصة في السنتين الاخيرة هذي والله اعلم
وحنا ما نعرف عن ماضية شي اللي هي السنوات اللي عاشها لوحده بعيد
انا استخرت وما حسيت بشي يعني عادي وفكرت كثير وقلت لاهلي اسألو عنه قالو واثقين في خالك اكيد الولد تمام صليت كثير واخر كلامي كان .موافقه .وصارت خطبة رسمية وشافني وشفته ووافقنا على بعض بس في وحده عرفت بالسالفة اصرت علي الا اسأل عنه وراح اخوي يسأل عنه وباقي ماجانا بخبر..
امي وابوي موافقين من البداية عادي بس صرت احسهم مترددين امي تقول انا خايفة من ماضيه وش كان
ووحده من خالاتي حسيتها ترددت يوم سمعت الخبر بعدين قالت الله يوفقكم
انتووو وش رااايكم فالولد الله يخليكم
وانا مقهوووره ان السؤال ماكان قبل كل الخطبة والنظرة والمشكلة خلق الله كلهم عرفو انه خطبني يعني قصدي لا سمح الله لا سمح الله وطلع ما يناسبني بعد السؤال .عارفة بتقولون احمدي ربك
. نعم الحمدلله حمدا كثيرا بس احس صعبة مدري ليش اتمنى تساعدوني
واعطيني رايك لو تقدم لك وحد مثل هذا وش مووقفك ؟؟؟؟
وادعولي ربي يكتب لي اللي فيه الخير ان شاءالله والحمدلله انا لحد الان مستمرة على صلاة الاستخارة
ادعي الله، ان الله سميع مجيب،
موفقه،
استخيري اكثر من مره وادعي واستغفري واهم شي دينه وخلقه اسألو عنه اذا يصلي بالمسجد كيف تعامله مع الي حوله
والله يوفقك لما فيه الخير
بإمكآنكِ إنتِ تغيري فيـهه , ولآتسألي عنهه كل من هب ودب
ترآ بعض النآس يحسدون الله يكفيككِ شرهم
اذا تبين اسألي أبوكِ أخوكِ لأنهم الأقرب لكِ وإذا مرتاحين لهه خلآص
والله يوفقككِ ويتممها لكم ع خير يـارب
