بدخل مستشفى الأمل وبيضيع مستقبلي والسبب أختي الطبيب يجيب 2024.

السلام عليكم
كيف الحال أخوات
راح ادخل في مشكلتي على طول
مشكلتي أختي اللي من لحمي ودمي
راح اقولكم البدايه

قبل عشر سنين ولما كنت في المدرسة
ماشفت نفسي فجأة الا كرهت الروحة للمدرسه
وكرهت المذاكرة وكل شئ فيها
حاولت بكل ماقدر اني اكمل ماقدرت
فطلعت والسنة اللي بعدها قلت برجع
فرجعت بس ماقدرت اكمل
وماياست قلت السنة اللي بعدها
رجعت والحمدلله
حتى تخرجت ودخلت افضل الجامعات
من ديك الفترة والى يومكم صارت تعاملني على اني
انسانه مو سويه وانا فيي شئ ناقص غير البنات
واني موطبيعيه وهذا طبعا على كلامها
دايم تقول لي خصوصا لما نشابق
انا دايم اقول ان هالبنت مو طبيعيه ولا هي مثل باقي البنات
لدرجة صرت اشك في نفسي ساعات
واقول صحيح انا مو طبيعيه ولا مثل باقي البنات
والا ليش تعاملني كذا دون الباقي
طبعا كانت تتقصدني بحركات غريبه جدا
لهذا اليوم مو فاهمتها
اول شئ لما كنت اجلس اشاهد وتكون هي جالسة تقوم تمد رجايلها وتحطهم قبال وجهي واضل اتهزهم
ومرات تسوي نفس الحركة بس تقوم تحكهم مع بعض
وهي رجايلها فيهم جفاف فيطلع صوت وتقربهم من وجهي
طبعا ماسكت عنها وكلمتها وتركت هالحركة
مع ان اخواتي وقفو معاها ضدي وقالو لي
هذي مشكلتك مو مشكلتها انك ماتحبي هالحركة
قلتهم لهم كل واحد حر في تصرفاته
بس ماحب احد يتقصدني بالحركات هذي
بعدها شافت لها حركة ثانيه
صرت من ادخل المكان اللي هي فيه تقوم تهز برجولها
حتى لو قدام الناس مايهمها ويوم كلمتها طلعت انا الغلطانه
وقفو ضدي بس اتهاوشت معاها كذا مرة عليها
وقلت لها لهدرجة انا اسبب لك توتر
ليش انا من دون الباقي تسوي لي هالحركة
قالت اني معقدة واني ابي اتحكم في تصرفاتها ووو
تركت هالحركة بعد معاناة معها وبعد فترة ليست بقليله
انتقلت الى حركة تنتف الشعر اللي في وجها
بمجرد ادخل مكان هي فيه
او تقوم تغمض وتفتح عيونها وتشد على عيونها بقوة
اذا قمت اسولف معاها سوالف عاديه جداا والى يومكم هذا على هالوضع
بعدها قامت لما تشوفني
جالسه تحط اصبع رجولها الكبير بين اصبعها الكبير في الرجل الثانيه وتقوم تحركه وطالع فيي
او تمد رجايلها وتخليهم مشدودين وتقربهم لي حتى اشوفهم
والحين متعلمة حركة جديدة
اذا قامت او قعدت تقرطع رجايلها
كللللللللللللللللللللللللللللللللللللل هالأشيااااااااااااااااء
تسويها لي انا دون خواتي وبدون اي سبب
ماعمري غلطة عليها او تعرضت لها في اي شئ يسئ لها
اخدمها من عيوني واكثر وحدة اطاوعها في شغل البيت
حتى هي دايم تقول الى صاحباتها عن شيمتي واني مطيعه
حتى لو غلطة يوم اني طلعت من المدرسة بس هذا مو عذر
لها تعاملني كذا خصوصا انها تعرف ان الشئ كان غصب عني
لان صابتني عين قوووووويه
عجزت اعرف ليش هي كذا
خصوصا انها كانت موقفه معاي وتشجعني
بس في نفس الوقت كانت تأذيني بحركاتها
والى يومكم هي توقف معاي وتسمع لي
بس مادري ليش كل ماجاها تزيد معاي في حركاتها
وانا من النوع اللي يحب المواجها
فدوم اصارحها عشان ارتاح
واقول لها اذا في شئ اتكلمي بس هي ابد
تعصب وترد علي
انتي مدري كيف طلعتي معقدة دون خواتك
وانتي عقلك اصغر من عمرك
حتى اللي اصغر منك مايفكرو مثلك كذا
واللي قاهرني حتى الباقي ماقامو يحترموني
والسبب
تعاملها لي لانها هي الكبيرة
ويشوفو كيف تصرفاتها معاي
فطحت من عينهم
حتى اسمي ماعاد ينطقوه
اذا جابو طاريي يقولو (ديك قالت او ديك سوت )
اتخيلو يابنات
عشر سنوات وانا أعاااااااااااني
بعد ماكنت من اوائل دفعتي في الكلية
نزل مستواي
لان دخلت مرحله اكتئاب حااااااااد
بعدها جاني الوسواس القهري
(نتف الشعر ) صارت أماكن كثيرة في شعري فاضية
جاني شرود دهني
نسيان فضيييييييييييييع
ادخل المحاضرات واطلع مدري ايش قال الدكتور
صابتني حاله اضحك حتى لو في مواضع الحزن والعزاء
بعد ماكنت رشيقه وزني وصل
70 كيلو لاني اكل من غير احساس
صرت من اشوفها يدي ترتعش
تعالجت فترة عند دكتور نفسي بس للأسف
كان الأدويه سعرها غاليه
فاضطريت اخبر اهلي عن علاجي حتى يساعدوني
بس للأسف وقفو ضدي واعتبروني مجنونة
هي بالذات
قالت لي اتوقفي العلاج احسن لك
هذا اللي تسويه دلع انتي مافيك شئ
وقفته مضطرة عشان المادة
بس كنت ارجع اشتري حبوب بين فترة وفترة
وكشفتني وتهاوشت معاي
بعدها انا تركتهم من نفسي
لان الاعراض الجانبيه ماقدرة عليها
خصوصا ايام الدراسة
(نعس-وتشوش في التفكير -ورجفه في اليدين …)
وبعد معاناه طووووووويله تخرجت
ولكن للاسف بمعدل جدا سئ والسبب
اختي
والان اكمل دراستي ولكني لااستطيع التركيز ابددددددددددد
خصوصا انا مجال الطب يحتاج عقل صافي ما يشغله اي تفكير

ايش هالحركات اللي تسويها بعقلها شي