السلام عليكم ورحمة الله وبركاته
بصراحه انا اول مره اكتب مشكلتي في منتدى عام واتمنى من الجميع مساعدتي فانا في امس الحاجه لكم بعد الله تعالى ..
طبعا مافيه غير الازواج مجننينا في هذي الدنيا لكن الله لايجعل الدنيا اكبر همنا..
باختصار……..
ابغى استشيركم هل ابلغ عمي ابو زوجي بمشكلتي لان مالي غيره اشكيله ولده وتصرفاته واسلوبه,لاني ما اقدر اقول لاهلي لان على بالهم اني عايشه بدون مشاكل كبيره توصل للاهل.
انا متزوجه من 11 سنه وتزوجت وانا صغيره ما ادري عن الزواج ولاشي باختصار كل شيئ كان على البركه
زوجي اكبر مني بكم سنه , غالبا" طبعه هاديئ مو نكتي جاد في كل شيئ حتى الهدايا مالها اي اعتبار في حياته,مره اهديته في اول سنه من زواجنا ورده قلي انا ما احب هذي الحركات ,ومره طقم رجالي من نكتار والله ولا كأنه شاف حاجه ومع ذلك من بكره استخدمه واعجبه.وغيييروه وغيييروه كثييييييييييييييييييير
ما يحب الاسواق (وهذي اكبر معاناه معه)الاعند الضروره القصوى وبمضاربه كمان .اولاده عادي بس انا الف حجه وحجه لين تصير مشكله .
ولايمدح ولا يشكر
كل ماطلبت شيئ قالي يابنت النعمه >>>>>>>>>>>يتريق عليه ………… واحنا احوالنا زينه زيهم مو مولينيريه………..طبعا"مايحب الهدايا فانسي انه راح يهديلي حاجه ابدا"
حتى السفر ما اسافر زي الخلق والناس الا رجله على رجلي موحركات اني اسافر مع اهلي ولا اخواني الا مره لاننا كنا متخاصمين وكان زي التأديب ليه واولاده متعلقين فيه فرجعت له (طبعا"اهلي ما يدرون بحاجه وعلى بالهم اني رايقه) ومن هنا كان الغلط اني ماحطيت ليه اعتبار وتقدير لاني احبه وما اتخيل نفسي مطلقه ابدا"..
والجوال مايسدده الا بعد ذله واحراجات مع الناس باعتبار ان الحاله الماديه له جيده….
ما يهتم لحاجاتي ومتطلباتي كانثى واحب التغيير في الملابس والاثاث والديكورات بالمره
بعد زواجنا ب 4 سنين لاحظت انه يكلم بنات وكان يسكر الباب الفاصل لقسم الرجال لما يجي عنده صديقه ويسمرون بس مايطولون ولاحظت ان صديقه يطلع بهدوء و باب البيت ماله حس واطالع من تحت الباب ما اشوف جزمة الرجال وكنت اول ماجاء شفتها وعرفت شكلها طبعا" الحركات هذي بعد ماشكيت فيه………
واكلمه على جواله اشوفه مشغول ويطوووووووووووووووول بعدين ادق الباب يجي يرد عليه ويقولي لسا يسمرون ,يجلس حوالي الساعه الى ساعه ونص وانا ازعجه . وايام الفواتير كنت اشيك على مكالماته واعرف الايام الي كان يكلم فيها والاحظ نفس الرقم والمده شيئ موطبيعي طبعا" نفسيتي كانت زفت غير المكالمات الصباحيه اول مايداوم وقبل مايجي البيت ,وجمعت الفواتير هذا غير الهجران ولا يفكر فيه ولايمشي ولاسوق ولاسمرات عند الناس لان ايامها كل العالم مسافره ومصيفه وانا محبوسه مع اولادي ومو تاركني اسافر لوحدي عند اهلي (وكنت غبيه اصدقه انه يحبني ,لكن بعد فتره صار يقولي عشان اهلك مايتعودون ويمونون عليه وخطوط حمراء وماني عارفه ايش, يعني تقدرون تقولون انه معقد وشايف نفسه ) لين طفح الكيل وواجهته طبعا هوه تفاجاء مني كان يحسب اني غبيه ماافهم او على نياتي ………وكل هذا وانكر وانا وانا وانا من هذي الحركات وانه رجال ما عنده لعب ولو يبغى يتزوج فانا اول من يدري وحن عليه وحس لحظتها بغلطته بس بصراحه كانت هي القاصمه بعد شوية تنكيدات سواها من اول .بس بعدها ماصرت الاحظ عليه شيئ واذا حسيت بحاجه احس انه فترة كم يوم بس ……..
بتقولون يوووووووووووووووه سالفه قديمه بس كل الم كان يتراكم فوق اللي قبله وكان يجيني اكتئاب ماابغى اشتغل ولا اسوي اكل وحالتي انا واولادي حاله ووالله ما فيه احد يدري ايش قاعد يصير, ليه عمري ماشكيت من جفافه وخيانته وكنت كل بين فتره وفتره انفجر اتضارب معه واحيانا"قدام اولادي ويهجرني من بعدها كم اسبوع لين اتعب وامل واذل نفسي له في أي ليله وترجع المياه لمجاريها رحت لدكتوره نفسيه بالدس وهوه مايدري مرتين مع اخويه اللي اصغر مني واكذب عليه واقوله رايحه لنساء وولاده (الكذبه نفسها لزوجي واخويه ومره للاذن)طبعا"هوه مايحب اني اشكي وامرض فرحت بطلعت الروح …………..
ولافاد شيئ لان الخلل عنده كنت كل ما احس انه يكبتني اصبروامشي واكتئب ومره اصحصح واذا مره مره قلبت عليه وتخاصمنا وكل ماقلت اني صابره قال ماشاء الله تاخذين حقك اول باول .
طبعا"المصروف مااعرف عنه حاجه ولاكان يترك لي شيئ………
الين مليت واضطريت اني ابيع ذهبي وكانت عندي كميه حلوه عشان عيادة الدكتوره ……….. والباقي خليته يوديني البنك وفتحت ليه حساب واشتريت اسهم ماسكه ليه فلوسي ……..
غير الارباح البسيطه اللي طلعت ليه من مساهمات معه بفلوس المكافأه……..
كان بين الفتره والفتره يقول الرجال مو جبور يودي سوق ومستشفى واشياء سخيفه ويقول اسألي أي شيخ ,,,,,,,,,,,,,,,وبعد مده قلبت عليه وصرت اقول انا مو مجبوره بتنظيف وطبخ واقوله شوف القران واسأل أي شيخ ……..
جلست بدون شغاله الفتره الاخيره توحمت عليهم فما حبيت اغث نفسي بهم (فترة حملي الاخيره)و اجيب بالساعه كل فتره وفتره بس مايخلي التريقه (يتمسخر يقول :ماشاء الله هذا الشيئ محد شاله ,وهذا محد كنسه , واولادي محد اكلكم )وكنت اتنرفز منه .
انتقل لشغل فيه قسم نسائي ودائم مكالمات مع مديرة القسم النسائي مع انها حرمه كبيره بس صراحه بايعتها تكلمه حتى بعد الدوام وهوه توه واصل البيت ويكلمها من نص ساعه الى ساعه الاربع طبعا" وانا ادري و كلامهم كله عن الشغل ,,بس انا زوجه واغار مره اعدي واذا كنت زعلانه ابدى اعلق واقول عيب حتى لو شغل مو لدرجة انك تستشيرها في وضعك واتكلم على الحرمه واقول انها ماهي متزوجه رجال يغار عليها واقوله تخيل اني انا مكانها في الوظيفه هذي والله يموت ,,,,,,,,,,(لان عنده حركه بايخه دائما"يسأل من اللي دق ومن ارسل وهات الجوال افتحه وصار يعرف الرقم السري حقي غصبا" عني عصبي ,وهوه لو اموت ما المس جواله طبعا" هذا الكلام بعد مشكلة شكي فيه ,ولا اول كان عادي يعطيني جواله ,,وصار اذا نام يتركه تحت المخده اللي ينام عليها ..يخلي الواحد غصب يشك حتى لو ما لاحظت شيئ عليه بس تأديب ليه )
وبخصوص هذي الحرمه يقول كلامنا كله في شغل وانا اكلمها قدامك وهيه تدري اني انا ادري ,واقوله الموانه الزايده غلط والشيطان ما مات ,,,,,,,,,,,الحين اخاف يكلمها من ورايه حتى لو في شغل بس عشان يفتك مني ومن حنتي…
على العموم هوه انسان مو سهل التعامل معه وشديد وعقابه يجيب الكآبه.
اذا رضي طبعا"بعد ما اذل نفسي له على بالي عشان الحياه تمشي .اغلى واحلى المطاعم والكوفيات والملاهي والفنادق والشقق لانه يحب اولاده موت ………..
وتغير شويه من ناحية المصروف وصار يعطيني بس على اساس انها فلوسي اصرفها على عياله واطالبه بردها فيردها…
قبل امس كنا اسعد ناس وتمشينا قبلها احلى تمشيه بس نرفزني لما قال وهو يكلم اولاده يشكيلهم بطريقه السخريه شوفو مارتبت البيت ,وسبحان الله يوم الخميس هذا بالذات رتبت البيت كله والمطبخ وجهزت الاكل بس علق على كم خداديه طايحه في الصاله . وطلب مني اطبخ في الليل وكنت قايله له طيب بس غيرت وقلت ماني طابخه . تنرفز وهدد وتوعد وصارت مشكله وقلت له انا مو عبده عندك وكلمه مني وكلمه منه وصرت ادفعه وامد يدي وهو يقول اتركيني وشقيت ثوب النوم حقه وصار مد يد بيننا . وتخاصمنا ودايم يهددني بالطلاق بكلمة انتي انتهيتي ..فاخاف واجلس آكل في نفسي….
الحين افكر اقول لابوه لانه رجال عاقل وراعي دين وعمره 65 واخاف يموت وهوه مايدري عني ابغاه يوصيه عليه على الاقل يستحي من ابوه ويقدره …………..
لاني بحاجه لاحد يساعدني ويوقف معي واخاف من الطلاق وانا عندي 4 اولاد واهلي مورايقين ليه وهذا الشيئ اللي يخلي زوجي يحن عليه واذا سكت وماعلمت احد اولادي راح يندمرون من هذي البيئه اللي عاشين فيها واخاف اتطلق بعد ما اكبر ……ووووووووووووووووووووووووووووووووووو كفايه لحد هنا طولت عليكم وان آسفه بس ابغى رد سريع قبل مايسافر عمي يوم الاربعاء .كيف اصوم وانا في هذي الحاله لا اهلي ولا اهله والعيد جاي …
تكفوووووووووووووون رد سريع استناكم….
والرجاء رفع الموضوع لو بدعوه ضرووووووري[/color]
والله يسخر لك زوجك ويفرج كربك
آآآآآآآآآآآآآآآآآآآآآآآآآآآآآآآآمين
يا اختي اعذريني ابي اعتذر منك قبل لا اتكلم لان يمكن كلامي يضايقك شوي00بس مادام طرحتي مشكلتك هنا يجب عليك تقبل جميع الاراء 00وانا راح اطرح لك رايي بدون مجامله لك
يا اختي العزيزه بصراحه في بداية موضوعك وانا اقرأ توقعت الاقي عندك مشاكل كبييييييييييييييييره مثل ان زوجك يشرب والعياذ بالله او يزني او يضربك او يرتكب معاصي في حقك او حق اهله بعييييييييييييييييد الشر عني وعنكم وعن القارئات كمان
لكن اسمحيلي كل مشاكلك تعتبر تافهه وصغييييييييييييييييييره وخلقتي منها كووووووووووووووومة مشاكل000يا عزيزتي00الحياه ما وقفت عند انك ماشريتي الشيئ الفلاني او ما سافرتي 00عيشي حياتك مع اولادك وانبسطي فيها واحمدي الله على ما انتي فيه 00يكفي من نعم ربي عليك انك صرتي ام 00الا تستحق منك هذه النعمه الشكر لله عليها 00حافظي على اولادك واهتمي فيهم هذا اهم بكثيييييييييييييييييييير من الاسواق والسفرات
يا اختي في ناس تتمنى كسرة خبز وما تلاقيها 00وفي ناس تتمنى تحضن ولو طفل واحد وتنعم باحساس الابوه والامومه00وفي بنات قاعده تعاني من العنوسه وفقد الزوج 000وانتي ولله الحمد ربي انعم عليك بكل هذي النعم فليش ما تحافظين عليها وتحلين هذي المشاكل البسيطه التي لو قارنتيها بمشاكل اناس كثر لوجدتيها من اتفه المشاكل واصغرها
حل مشاكلك في يدك انتي 00تجاهلي وتغاضي الامور الصغيره التي تصدر من زوجك وتغيضك مثل قال قدام اولادي وكلم فلانه 00ومن هالامور 00تغاضي عنها تماما وخليك اكبر منها 00كوني هادئة الطباع مع زوجك حتى يحب معشرك 00اغلب الرجال ان لم يكونو جميعا يسيرون على نفس الوتيره 00لا يحبون الزوجه النكديه التي ترفع صوتها على اتفه الاسباب ولا يحبون ان يشعروا بانهم موضع شك وريبه من قبل زوجاتهم 00اعطيه ثقتك لتكسبي حبه وتقديره لك 00معليش انا اعرف ان الغيره طبع في المرأه ولابد منها خاصة اذا كانت الزوجه تحب زوجها كثيرا 00لكن اذا استمريتي فيها بهذا الشكل سوف تسعين الى طلاقك فعلا
غيري من سلوكك معه 00قابليه بابتسامه مليئه بالرضا عند دخوله الى بيته 00اشغلي نفسك عن التفكير فيما يفعل او مع من يتكلم بشغل بيتك وتربية اولادك 00خليه يحس بوجودك عبر طبخك وترتيبك لمنزلك 00لا تقولين قررت اطبخ ولما زعلني تركت الفكره00هذا بحد ذاته يقضي على وجودك في منزلك 00انتي المرأه والسيده والملكه في بيتك فكوني جديره بهذي الالقاب 00ارضي بما قسمه الله لك ولا تفكري باكثر من ذلك وتأكدي بان ما قسمه الله لك لن ياخذه غيرك والعكس صحيح000انا اتعجب عندما قلتي مديت يدي عليه ؟؟؟؟؟؟؟؟؟00كيف راح اولادك يحترمون ابوهم بعد هذا الشيئ
الله يهديك ان شاءالله 00يا اختي لما يشتد الخصام بينك وبين زوجك ويبدأ الصوت يعلى سواء منك ولا منه اتركي المكان واخرجي حتى تهدأ اعصابك هذا افضل حل اذا كنتي الى هذا الحد عصبيه 00وعند الغضب تعوذي من الشيطان فان ما انتم فيه من خصام من الشيطان يكبر الوسواس في راسك تجاه زوجك ويجعلك
تكبرين الموضوع وتعطينه حجم اكبر مما يستحق00واستغفري كثيييييييييرا عند احساسك بالغضب يأكل في صدرك وصدقيني رايحه تحسين براحه عجيبه تدخل الى نفسك بعد الاكثار من ذكره سبحانه00وعند صدور امر من زوجك قد يغضبك 00لا تناقشيه فيه على الفور 00اذهبي وتوضأي وصلي ركعتين 00واجلسي بعدها تعوذي من الشيطان وصلي على النبي الهادي عليه افضل الصلاة والسلام 00وبعد هذا اذا احسستي انك لا زلتي مصره على مفاتحته في الموضوع اذهبي وناقشيه بكل هدوء00هذا افضل من الصراخ وحل المشاكل بالشتم والسخريه من بعضكم البعض
واخيرا اعذريني على الاطاله واتمنى ان تتقبلي رايي بروح رياضيه ولا تزعلين مني00يعلم الله كل غايتي من الموضوع هو اصلاح ذات البين لوجه الله تعالى
وربي ييسر اموركم ان شاءالله لما فيه الخير لكم جميعا
|
المشاركة الأصلية كتبت بواسطة مشكلتي
 واذا سكت وماعلمت احد اولادي راح يندمرون من هذي البيئه اللي عاشين فيها واخاف اتطلق بعد ما اكبر ……[/color]
|
حبيبت قلبي …مدام البيئة اللى انتى فيها سيئة ……تحملين وتجيبين عيال لية ؟؟؟؟ والله سوف تحاسبين عن كل واحد منهم .وشوفي اذا في لحظة قصرتي في حقهم . ترى كل المشاكل تأثر عليهم حتى لو الاغراض المادية موجودة .انا أقولك من اليوم ورايح خذي حبوب منع الحمل ويكفي المشاكل اللى بينكم ولو جبتي عيال أكثر حأتكبر المشاكل وياليل ما اطولك . وبالنسبة لمشكلاتك أعملى جلسة مع النفس وشوفي انتى في اش مقصرة وحاولى تصلحينة وبعد كذا زوجك اذا شافك مو مقصرة في شيئ لكي الحق انك تحاسبينة في تقصيرة ..
الله يوفقك ويصلحك ويهديك ويحنن قلب زوجك عليك ،
تحيتى ……
باين عليه مثقف حسب كلامك لكن الظاهر يستحي يكون رومانسي معك عشان يعني قوة الشخصية ومدري ايش ويسوي رومانسي برىا البيت مع غيرك احتمال
لكن اكتبي له كلام زي ذا اللي كتبتيه هنا كلميه على اللي في قلبك
افتحي قلبك له مثل ما فتحتيه لنا وحسينا فيكي ورأفنا لحالك واحنا ما نعرفك فما بالك بانسان عاش معاكي 11 سنة ؟؟؟ وش بيكون موقفه من المصارحة بالمك ومعاناتك .؟؟؟؟
عسىا ان تحل المشكلة
والله مثل ما زعلنا عليكي وقلوبنا رقت لحالتك ما اعتقد انه مارح يحس فيكي
يا الله .. الواحدة فينا ما تتزوج الا عشان تسعد وترتاح وانتي صبرتي عليه 11 سنة والله كثير
المشكلة انو مقصر لو كان كريم معاكي قلنا معليش طنشيه وعيشي حياتك مع اولادك وتجاهليه بيستغرب من تصرفك ويحاول يتقرب لك لكن دام مقصر ما ينفع التجاهل
تعالي له من طريق الحرام والحلال وما يجوز تظلمني ولا تغضب الله وتقصر مع اهلك
اختي اكتبي له خليكي حبيبته وعشيقته لا تجعليه يبحث خارجا
الله يهدية ويوفقك
اذا انتي حاسة ان كلامك مع ابوه رح ينفعك كلمي عمك دون تردد
الله يكتب لك الخير يارب ويسخر لك زوجك تسخير العبد لسيده يارب
انا أقولك الصراحه كلمي أبو زوجك عشان يتفاهم مع ولده وويوقفه عند حده زوجك شكله عارف أنك متعلقه في عيالك عشان كذى يهددك وشكلك موظحه انك ماتبين الطلاق بس ماأقول
الله لا يفرق بينك وبينه وبين عيالك مايضيع غير العيال الله يهدي الرجاجيل الي يهددون الحرمه في عيالها
الله يتم عليك ماشالله عليك صبوره
الله يسخره لك تسخير العبد لسيده ,,ياراك في عينه كبيره وفي عين نفسك صغيره ,,وتكون محبته في الله ورسوله وفيك ,,ويشوفك أفضل مره في حياته
ولا تنسين الاستغفار ,وصلاة أخر اليلي,والدعاء في السجود
موفقه يابعدي
واصلح لكِ زوجكِ .. وابعد عنكما الشيطان
آمين يارب..}}
يا اختي العزيزه بصراحه في بداية موضوعك وانا اقرأ توقعت الاقي عندك مشاكل كبييييييييييييييييره مثل ان زوجك يشرب والعياذ بالله او يزني او يضربك او يرتكب معاصي في حقك او حق اهله بعييييييييييييييييد الشر عني وعنكم وعن القارئات كمان
شوفي اختي الله يجزاك خير كلامك كان جدا" مريح وتبغين الخير ليه وحسستيني اني انا الغلطانه بس وهوه ماشاء الله ولا كأنه سوا حاجه ,,,,,,,,,,وكلامك عن اللي زوجها يشرب ولا يزني وحالته حاله هذا الكلام كان يسمعني اياه من ايام زواجنا الاولى بمعنى احمدي ربك وانتي انسانه ماشفتي غيرك ولاحمدي ربي على نعمته,,,يشوف نفسه ملك مايخطي عمره ما يعتذر دائما" انا اللي ابدأ حتى تعود ومليت من هذي الحركه ,,,,,,,,,,
احسه قوي وشايفني ضعيفه ,,,,,,,,وعارف شخصيتي ,,,حتى انه يقول في بعض المواقف مع اهلي او اهله بانك ضعيفه ويمشونك على كيفهم ,,ما يقولها تريقه الا مقهور مني بس مايعرف يعبر ,,,,,بس مسكت معه ….وانا اعرف اني في خير ونعمه واللي يشوفني يقول موباين عليك انك مخلفه 4….اتمنى اسمع منه زي هذا الكلام ابد ولا عمره بس انبسط اذا كنت بمستشفى يجونك ذا الفلبينيات يمدحون ويعطوني اصغر من عمري…….
بس والله خايفه اعلم احد ولا اسكت……..وحركة اني امشي وافرغ نفسي لعيالي هذي على طول مسويتها بزعل ولا بدونه وان كانت تزيد لحظات الزعل مدري احس اني اركز على عيالي واتركه …….
وانا ماقلت اني احب السفريات بس اشوف غيري كثثثثثثثثثثثثثثثير يسافرون بدون ازواجهم صح ما احب هذي الحركه بس احسهم ممشين ازواجهم على كيفهم وانا عمري ما فارقته
