بعض العرب ما ينعطي وجـه بالحيـل
وليا عطيته وجـه صـار لـك علـة
وبعض العرب ماله سنع لكنـه حليـل
بالضبـط كانـك لا تمعـنـت ظـلـه
وبعض العرب شقرا و شقرا مع الخيل
ما ينفعـك لـولا الرمـوش المظلـه
و بعض العرب لا يعجبـك ثرثرةليـل
و باكـر تـرى مـا قالـك شـي لله
وبعض العرب مرسال مادري مريسيـل
يسايـر العالـم و هـو حاصـل لـه
وبعض العرب يصلخ و ينفخ و هو ريل
و في زعمه انه يفهـم الكـون كلـه
وبعض العرب ما غير بندق و دربيـل
و منين مـا هـب الهـوا جايـز لـه
وبعض العرب يطلع كما طلعة سهيـل
و يغيـب نجمـه قبـل دربـه تدلـه
وبعض العرب يوذيك بالقـال والقيـل
تجلس معـه ساعـة ولاخـرى تملـه
نذل و خسيس يفصل الهـرج تفصيـل
و ليـا لقـا لـه طـيـب يستغـلـه
وبعض العرب منظر و كشخة وتحليـل
شبح بحـال و حالـه اخـرى كرلـه
لا شفت زوله مـن خيـار الرجاجيـل
و ليـا عرفتـه مـا تجيـه بمحـلـه
و بعض العرب ماضيه ليل علـى ليـل
كـذ بصمـوه وصــوروه الادلــه
وبعـض العـرب لا والله الا تهاويـل
مهمـا عقـدت الحبـل لازم يحـلـه
كـذ دربـوه و لكعـوه الرجاجـيـل
من قبل لا يصير الحـدث جاهـز لـه
وكانك شجاع صحيح حارب اسرائيـل
قبـل اليهـود القـدس لا تستحـلـه
وكلـش يهـون الا الثـلاث الغرابيـل
المهـزلـة والمسكـنـه والمـذلـه
المهـزلـة والمسكـنـه والمـذلـه
يسلمووووووووووووووو
تجلس معـه ساعـة ولاخـرى تملـه
نذل و خسيس يفصل الهـرج تفصيـل
و ليـا لقـا لـه طـيـب يستغـلـه
الزين ابدعتى
عاد ماحب القيل والقال
تسلمى على هالجمال
والحلو انك اختي
تسلمين يالزين مبدعه
