مرحباااا
شخباركم؟
مبارك عليكم الشهر و عساكم من عواده
انا رحت الكويت يوم الاريعاء الماضي لأول مره وللاسف مااعرف شي هناك
لا اسواق شعبيه ولامجمعات و حتى مطاعم راقيه
رحت مجمع كارفور ماشاء الله روووووعه بس كبيييييييييير كثييير
انا من دخلت و شفت مساحته تعبت قبل مااتسوق وهناك شفت الشعب الكويتي و فعلا حسيت انه شعبه اغنياء و يحبون الشياكه و الأناقه من خلال لبسهم او زينتهم (با النسبه للزينه تفوق التخيلات) وللأسف شفت شابين يلاحقو بنتين و دي رحت لشابين وسمعتهم كلام و قللت من قيمتهم بس قلت لنفسي ( ياغريب كن اديب) وهذه المشاكسات موجوده في كل الدول الي ابغاكم تساعدوني فيه عندي كم سؤال و ابغى اجابه
بعض لوحات السياره مكتوب فيها مثلا
الكويت 4
و بعدها رقم لوحة السياره
شنو يعني رقم 4
البعض مكتوب الكويت العاصمه لكن لفت نظري وجود الرقم
# شنو الاسواق الشعبيه و المجمعات الي عندكم و في اي منطقه ؟
# المطاعم الراقيه الي فيها قسم عوائل وفي اي منطقه؟ لان تعبنا و احنا ندور على مطعم في النهايه اخذنا سندويشات من ليالي الاندلس
# الفنادق و الشقق السكنيه ليش اغلبها مافيها لوحة تدل ان هذا فندق او شقق؟ لان من الساعه 9 الليل الى الساعه 1 ماحصلنا الا كم فندق و فل مافي مجال في النهايه نزلنا السعوديه و اخذنا سكن في الخفجي و اليوم الثاني رجعنا الكويت
# شنو اسماء الاماكن السكنيه الي عندكم و يكون سعرها معقول و في اي منطقه؟
لان حصلنا شقه فيها غرفتين وحمام 1500 ريال سعودي
مو معقول احنا عندنا فندق انتر كونتيننتل الليله 500 ريال وهذا الفندق راااااقي جدا فكيف بشقه عااااديه جدا في الكويت 1500
#
الي اعرفه ان الدينار الكويتي عندنا 15 ريال سعودي صح او لا؟
الان انا عندي 19 دينار كويتي كم يكون با السعودي؟
ابغى اعرف ها المعلومات حتى ان شاء الله في شوال اروح الكويت و اعرف و ين اتمشى
و لكم خالص شكري 
رح اساعدك قدر المستطاع وانشالله بنات الكويت الباقيين يفيدوكي
بالنسبة للمجمعات الحلوة الكبيرة اللي لازم تزورينها هي سوق شرق-ايفينيووز-والمارينا وايد حلوين
بالنسبة للاسواق الشعبية تلاقينها بمنطقة حوليٍ بالمجمعات الصغيرة
بالنسبة للمطاعم عندهم وايد مطاعم حلوة بس المشكلة ناسية اساميهم بس انصحك تروحين مطعم البردوني لبناني هو والله جناااان انا احبه وايد
عندك مطعم ابراج الكويت هو قديم شوية بس انا احبه
وفي قصر النخيل انا احبه برضووو بس لا تساليني باي مناطق لاني ما اذكر هههههههه
الدينار الكويتي حوالي 15 ريال صحيح انتي معاكي الحين حوالي 285 ريال سعودي
بالنسبة لعلامة 4 على لوحة ارقام السيارة ما عندي اي معلومة
انشالله البنوتات يفيدوكي
بالنسبة للفنادق بالكويت والشقق واسعارها برضو ما عندي اي معلومة بس عندي موقع لهم وهذا هو اذا تحبي
فنادق الكويت
انشالله اكون افدتك يا قمر
بنوته كوول
مشكوره فديتك
مزوحيه يعطيك الف عافيه
اولا: الكويت حلوة حيل بس الجو شوي متعب بس الحمد لله ،،، المطاعم كثير منها : فريج بو صويلح ( منطقه السالميه ،، حولي ) للمأكولات الكويتيه وفيه كبائن بس زحمه ،، ميس الغانم رووووووعه ،،، ابراج الكويت حلوة ،،، فريج عقاب في أجيال منطقه الفحيحيل ،،، وكثير بعد أما المجمعات فيه عندج البيرق جديد،، المارينا ،، المهلب ( حولي ) ،،، الحمراء مول في الفروانيه ،،، العربيد (بجانب الحمراء مول)
الشقق والفنادق سعرها غالي شوي ( جربي المناطق الشعبيه مثل ابو حليفه ،، العقيله ،، المهبوله ) اما الرقم 4 فخاص للمرور على مااعتقد وكلمه العاصمه تدل على ان السيارة من منطقة او محافظه العاصمه وهكذا،،،، اما بالنسبه للعمله تقدرين تروحين لمحلات للصيرفه بالكويت .
ارجوا انج استفدتي مني بشى تبين شى انا موجوده سراب الكويت
بالنسبة للرقم 4 هذي الارقام الجديدة بالاول كانت الكويت العاصمة وحولي والجهراء … الخ على حسب محافظات الكويت يعني انت وين ساكن او مسجل باي مرور تتبع المنحافظة بس غيروها الى ارقام احسن يوحدون الديرة تبدي من رقم 1 ومادري كم وصلو
بالنسبة للاسواق عندك مارينا – الفنار – ليلى جاليري – البستان – جاليريا 2024 – زهرة – منيرة – وكل هذي المجمعات في شارع سالم المبارك بالسالمية
الافنيوز الشويخ – 360 جنوب السرة – سوق شرق بمنطقة شرق
الكوت – كويت ماجيك – المنشر بالفحيحيل -( بيروت – السندس – بلازا – الحميضية ) كلها بحولي
وغيرها من المجمعات
الاسواق الشعبية :
سوق المباركية – المحاميد
بالنسبة للمطاعم
على خط البحر شارع الخليج : كنتاكي – هارديز – ابل بيز – فرايديز – فدركرز – تشيليز – الابراج – نايف – نينو – ماكي -بيتزا هت – برجر كنج – برج الحمام – الصنوبر – هارد روك
عندك شارع المطاعم بالسالمية
اما بالنسبة للمقاهي
عندك فندق الموفمبيك بالبدع مقاهي على كيف كيفك – واجهه سوق شرق
بالنسبة للشقق والله ماعندي فكرة واتمنى لم اقامة طيبة بالكويت
