كان في زوجين يعيشون قصة حب واحترام وكان الزوج يحب زوجته كثيرا يقول انا اي مكان اذهب اليه افكر في زوجتي حتى في المكتب لما اكون جالس مع الموظفين افكر فيها واتخيلها امامي واتمنى اني ارجع البيت بسرعه عشان اشوفها حتى لو اسهر مع اصدقائي اكون دائم التفكير فيها 
ففي يوم من الايام جلس يفكر يقول انا ليش دايم التفكير فيها ليش اي مكان اروح صورتها ماتفارقني اكيد هي مسويه لي شي عشان انا دايما افكر فيها فقال لازم اسألها يمكن مسويه لي عمل لان ما اعتقد ان في زوج يحب زوجته بهذه الطريقه انه مايقدر يفارقها ابد وفي يوم من الايام جلس مع زوجته وقال لها انا ابي اصارحك بشيء بس ما ابيك تزعلين مني ردت عليه الزوجه الحنونه وقالت له قول اللي في خاطرك لا تخجل قال لها انتي مسويه لي سحر قالت ليش وهي تضحك قال لها لاني اي مكان اروحه اكون دايم التفكير فيك وصورتك ما تفارقني ردت الزوجه الحنونه وهي تضحك ايوه انا سويت لك سحر بس سحر بالحلال رد الزوج وهو مستغرب من ردة فعلها شلون سحر بالحلال قالت انا كل يوم لين اصلي القيام ادعي دعاء وهو : (( ياالله ياكريم انك تحببني في زوجي وتحبب زوجي فيني وتجمع شملنا ولا تفرقنا ابد )) والحين بس عرفت ان الله سبحانه وتعالى استجاب لدعائي ففرح الزوج من تفكير الزوجه العاقله الي كانت تبي تحافظ على حياتها الزوجيه بالدعاء لله عزوجل .
اتمنى ان هذه الفكره تكون فكره كل زوجه عاقله تريد الاستقرار والحفاظ على حياه زوجيه مليئه بالحب والاحترام
واتمنى ان القصه اعجبتكم مثل ما اعجبتني واتمنى انكم تنفذونها
يعطيك الف عافيه
ولقبك كثيررر حلووووو
