السلام عليكم ورحمة الله وبركاته
اولا الله لايحرم احد من كلمة ماما
والله يعوض كل محرومة خيراااا فى الدنيا والاخرة
والله يبارك فى اولادنا ويبارك لهم ويقدرنا على تربيتهم حتى ينتفع
الاسلام بيهم
دى حكايتى مع حملى الله يكملى على خير انا وكل حامل
يارب تعجبكوااا
اقول بسم الله الرحمن الرحيم
اناحسيت بحملى قبل الميعاد ب 13 يوم وسبحان الله طلع حقيقة
للاسباب الاتية
1- اسمريت بشدة
2- انتفاخ
3- صداع رهيب
4-طبعا دخول الحمام (اكرمكم الله ) بكثرة
5- عند الاستيقاظ من النوم دوخة وغيامة على عينى وافقد الاتزان
ولكن بالنسبة للطعام عادى ماحسيت بشئ لكن زوجى لاحظ انى بنهج حتى وانا نايمة بدون بذل اى جهد
شك ان عندى انيميا قضيت اسبوع العسل عملت كل شئ تنطيط وجرى وملاهى وبحر وكل شئ ممكن يقلق بعدها قررت
انى اعمل تحليل دم لكن زوجى كان مفكر تحليل انيميا عملت التحليل طلعت النتيجة ايجابية والحمد لله
بكيت من شدة الفرحة حاولت اخبى على زوجى لحد مانوصل للبيت
لكن معرفتش لانى كنت ابكى
طبعااا استنيت الميعاد يعدى علشان اتاكد استنيت بعد الميعاد ب10 ايام وذهبت للدكتور قالى مبروووووووووووووك
انت حامل على اساس انه بيفاجئنى ههههههههههههه
وبدات رحلة الحمل التى لم تنتهى الى الان
وكانت دى اول مرة اذهب للطبيب
بعد مابشرنى بالخبر قام بالاجراءات التالي
وضعنى على الميزان وكان وزنى 65
وشاف الضغط لقاه 100 على 70 قالى منخفض شوية يااميرة
وشاف البيبى بالسونار وكان كيس صغير
واعطانى روشتة فيها نوعيين من البرشام اول نوع
1-فوليك اسيد مرة واحدة بعد الغذاء
2- يتروجستان مثبت 3 مرات يومياا
وطلب منى عمل فحوصات عن الدم
1- الفصيلة وكانت النتيجة A
2- السيولة الحمد لله مفيش سيولة
3- الاتش بى طلع موجب
4-الهيموجلوبين طلع 12
5-السكر الحمد لله لايوجد سكر مرضى
6-صورة دم كاملة كرات الدم الحمراء والبيضاء الحمد لله النسبة كويسة
7-وتحليل بول الحمد لله لايوجد شئ به
وسالنى اذا كان زوجى مدخن وطلب منى عدم الجلوس بجانب المدخنيين
والراحة النفسية والجسدية مهمة فى هذة المرحلة
والتغذية السليمة يعنى ابعدى عن الحاجات الصناعية والمعلبات
قالى كل حاجة تكون فريش طازجة زى العصير البيتى بلاش المعلبات وابعدى عن الدهوون والاملاح والسكريات قالى خليكى معتدله
وقالى الاستشارة كمان اسبوعيين
[img]
الشهر الثانى
وطبعاا عملت الفحوصات اخدت فلوس كتير هههههههه
وقبل مايمر الاسبوعيين اتغير حالى تماما
1-انعدمت الشهية نهائى
2-التبول بكثرة كل ربع ساعةفى الليل والنهار بيقل شوية
3-كثرة النوم وخصوصااا بالنهار
4-صداع رهيب رهيب رهيب مصاحب لية دوخة
5-النفور من ناحية زوجى كنت اكره العلاقة وكنت اهرب ههههه
6- العصبية المبالغ فيها يمكن العصبية كان سببها خوفى من الاجهاض
7-حالتى النفسية متغيرة مرة فرحانة ومرة ابكى معرفش لية
8-سوء التغذية بسبب عدم الاكل وظهور اسمرار حول العين وجسمى بدا يقل فى الوزن
[img]
[/img]
اضطريت لزيارة الطبيب قبل الموعد بيوميين
وقام بوزنى لقى وزنى 63 وقام بقياس الضغط لقاه 90 على 70
وعملى سونار واطمن على النونو وورانى النبض وفرحت اوووى
[img]
[/img]
وقالى انا هكتبلك نقط للضغظ واكتبلك برشام للصداع
1-النقط اسمها ايفرتول عند الحاجة فقط استخدامها
2- وبرشام ميجراسيد للصداع عند اللزوم الا يزيد عن 3 مرات فى اليوم
ونصحنى بالاتى
1-عدم وجود علاقة الا مرة كل اسبوع لانى اشتكيت من الاحساس بألم اسفل البطن
2-عدم اكل الحار والموالح والسكريات
3- تناول المثبت والمكمل الغذائى لمدة ثلاثة شهور
4-الراحة وعدم نزول السلالم باستمرار
5-تناول الطعام مرة كل ساعتين ولكن وجبة خفيفة
6-اطلع على الفحوصات وطمنى وقالى الحمد لله كله تمام
وسالنى على التغذية قلت لة لا اكل نهائى اكلى كلة فواكهة فقط وعصير
رفض وقالى لازم الطعام علشان البيىى وخصوصا
اللبن والبيض والجبن والسمك
بس انا كنت فاقدة الشهية لا احس بالجوع نهائى
وقالى الزيارة القادمة كمان اسبوعيين وتكونى اتغذيتى
قلت لة ربنا يسهل
الشهر الثالث
ومروا الاسبوعيين على سلام مع الراحة التامة
لكن النفسية متقلبة مرة عايزة اخرج ومرة عايزة مكلمش حد
ومرة اضحك وارقص ههه وفضلت ارفض الطعام لكنى كنت مشطبة
على جميع الفواكهة اللى فى السوق
واستمر الوضع على ما هو علية لكن مع بعض التغيرات
1-الاسهال بمغص شديد
2- نزول 3 نقاط من الدم افزعونى
4- عدم تناول الطعام لسة مستمر
5- كان حملى بمغص شديد لان البيبى كان ساقط على المثانه
اتصلت بالدكتور بسبب الدم قالى ارتاحى تماما ولا تجهدى نفسك
ولا تنسى المثبت ولو استمر الدم تاتى فورااا بس الحمد لله انقطع
وارتحت وانا كلى خوووف من الاجهاض وادعى ربنا وكنت لا اطيق اى كلمة فى هذا الوقت واضطربت العلاقه بينى وبين زوجى بسببى لانى كنت مكتئبه بسبب النوم الكتير وقله الطعام
وذهبت للطبيب للمراجعة وقام بالاتى
وزنى 62 وضغطى 100 على 70
وعمل لى سونار للاطمئنان على البيبى
[img]
[/img]
اعطانى برشام للاسهال اسمة
1- انتينال مطهر معوى 3 مرات يوميا
وطلب منى الراحة علشان النقطتين بتوع الدم لان سببهم كان
قلة الراحة الجسدية والتوتر النفسى
وفعلا انا اليوم دا نزلت السلالم عدة مرات
وطلب منى الراحة الجسدية والنفسية وفضل
يتكلم مع زوجى بسبب سوء التغذية لان وزنى بدأ ينزل ويبان عليا
الارهاق ونصح زوجى بمحاوله اختراع اى شئ حتى اشتهى الطعام
وقالى الزيارة القادمة كمان اسبوعيين
وزوجى زعل منى وحاول يأكلنى بس منفعش كان يطبخ اشياء كتير حلوووه ولكنى لا استطيع حتى النظر اليها
وفضلت بنا مشاكل بسبب الطعام لانى كنت اكره الطعام بطريقة مبالغ فيها
وكمان المغص كان يأتى من وقت لاخر ولم اتعاطى اى دواء حتى الدكتور لم يكتب لى اى شئ وقالى عادى
وفجأءة اتوحمت على الخرشوف وكنت بالشهر الثالث
بحثت عنة بكثرة لكن بلا فائدة
واتوحمت على البرقوق هو كمان مش لاقيتة
زهقت من الوحم قلت اتوحم على حاجة موجودة ههههههههه
اتوحمت على مانجوووو بمزاجى واكلتة طبعاااا واكلته بكثره
بصراحة نفسيتى كانت تعبانة بسبب قلة الطعام كنت بحس انى هموت
لو اكلت لانى اكلت مرة وقمت بالترجيع
وكنت بفكر انى عمرى ماهأكل تانى لكن دلوقتى عرفت
لما شطبت على اكل البيت هههههههه
وجاءت الزيارة الاخيرة فى الشهر الثالث
وقام الدكتور بوزنى وزنى 60 والضغط 90 على 60 وطبعاا
فحصت السونار والبيبى بخير وقالى كمان اسبوعيين تمنعى
1-الفوليك اسيد وابدالة ببرشام حديد اسمة هيما كابس مرة واحدة بعد الغذاء
2-الاستغناء عن المثبت
3-عمل تحليل نسبة الهيموجلوبين اللى كانت النسبة فية 11
4-عمل تحليل عن الاملاح فى البول
5- الراحة
6-تناول اللبن والبيض والزبادى والاسماك والجبن القريش
وقالى ان الجنين بخير وبيكبر بس لازم تهتمى بنفسك
وقالى الزيارة القادمة كمان شهر
يعنى فى الرابع ان شاء الله
وبقت المراجعه كل شهر وعرفت فى الشهر الرابع انها بنوته
دى حكاية الثلاث شهور كان نفسى اكمل بس للاسف
المسابقة لحد الثالث بس
والحمد لله الاعراض دى كلها خلصت فى اول الخامس 
ربنا يكملنا على خير انا وكل المسلميين ويرزقنا بالذرية الصالحة
ويرزقكم كلكم بالذرية الصالحة ويبارك لنا فى اولادنا وفى اولاد
المسلميين ويرزق كل متزوجة قريبااا
حتى الصور الله يوفقك يارب حبيبتي وتقومي بالسلامه يارب
الله يتمملك حملك على خير ويرزقك منه قرة عينك حبيبتي
موفقه
تم التقييم
الله يعطيك العافيه
بالتوفيق
موفقة حبيبتي
انشاء الله ربي يثبت لك حملك
ويرزقك بالذرية الصالحة المعافاة
موفقة حبيبتي
اتمنى لك كل التوفيق والحظ السعيد في هذة المسابقه
تحيتـــــي
