منقووووول أعجبني
بسم الله الرحمن الرحيم ,,
السلام عليكم ورحمة الله وبركاته ,,
السالفه ومافيها صقيقتي الله يجزاها خير اليوم الفجر ارسلتلي جدولها الرمضاني والله يعيني امشي عليه ,,
وحبية انزله للي حابه تستفيد ,,
شوفي أصلي الفجر وأجلس على السجاده أدعي وأقرا قرآن لين شروق الشمس كذا الساعه 6 بعدين أنام وأقوم 1 الظهر أصلي عاد على حسب اذا كان الفطور علي او لا ((يوم عليها هي ومرة اخوها – ويوم على اخنها ومرة اخوها الثاني )) واليوم اللي ماهو علينا الفطور أبقرا قرآن طول الظهر ولاصليت العصر أدخل المطبخ أساعدهم بحط الفطور لاخلصنا نصف السفره بعدين نجلس ندعي لين يذن ونفطر عاد المغرب إلى العشاء سوي أي شي تحبينه أو أراجع حفظ سورة البقره أو أجلس على محمولي وأفتح فضائل رمضان وبعدين صلاة التراويح بالمسجد لارجعتي جلسه مع الأهل وأكل وسواليف إلى 12 أو 1 بعدين إذا ودك تنامين لك ساعه عشان تقومين على الطاعه ولاجت الساعه 3 روحي صلي لك ساعه قسميه الربع الأول أستغفري والربع الثاني أدعي والربع الثالث أقري قرآن والربع الأخير صلي أحسن كذا بعدين تسحري وصلي وأجلسي على سجادتك وعيدي الجدول وأبي أشري تفسير السعدي قرآن معه تفسير –
هاه وش رايك ؟؟
عندك أي أضافات
أنا ودي أداوم على السنن الرواتب اللي بعد كل صلاة شفت ماجاني النوم فتحت محمولي قلت أبقرا عن فضلها علشان أتشجع فتحت في قوقل طلع لي كذا شي بس هالحديث أثر فيني أحس خلاص أقتنعت عاد أنا كل شي أحب أسويه عن قناعه عشان أثبت عليه ويدوم هذا الحديث :
عن أبي هريرة – رضي الله عنه – قال: قال رسول الله – صلى الله عليه وسلم -: (( إن أول ما يحاسب الناس به يوم القيامة من أعمالهم الصلاة، يقول ربنا – جل وعزَّ – لملائكته – وهو أعلم -: انظروا في صلاة عبدي أتمها أم نقصها؟ فإن كانت تامة كتبت له تامة، وإن كان انتقص منها شيئاً قال: انظروا هل لعبدي من تطوع، فإن كان له تطوع قال: أتموا لعبدي فريضته من تطوعه، ثم تؤخذ الأعمال على ذاكم))
وجزاك الله كل خير
وجعله بميزان حسناتك
