السلام عليكم ورحمه الله وبركاته
اخواتي اريد منكن النصيحه
انا عمري 36 سنه ولم اتزوج ولا اعرف سبب هالمشكله
مانخطبت الا مره وكان نظره ضعيف ولا عنده شغل
هالخطبه كانت من 3 سنوات ولا انخطبت غيرها
عمري 36 سنه ولا انخطبت الا مره مو شي غريب
وكمان اختي اصغر مني عمرها 35 سنه ولا تزوجت
ونخطبت مره وكان مدمن مخدرات وتم رفضه
انا رفضته قلت مانقصني الا الفقر واختي الرفض كان
بسبب ادمانه
اخواتي انا واختي من عائله لها اصلها ونسبها يشرف
ولا فينا عيب وحلوات وراعات بيت ممتازات
وكل يوم نسمع هذي انخطبت وهذي تزوجت
الكل تتغير حياته الا احنا مكانك سر
احس بنقص ليش احنا مالنا نصيب انا مؤمنه بالنصيب
بس تحز بالنفس تشوفي الي حوليك ينخطبو ويتزوجو
حتي المطلقات والارامل يجيهن نصيب وحنا لا
مابعرف ايش السبب لقطع النصيب
نفسي حد يقصدنا لو مافيه نصيب المهم حد
يطق بابنا
وكمان خريجات من الجامعه جمال واخلاق ونسب
يشرف كل من برتبط فينا
خواتي عزيزاتي حد سمع بهذا الشي
ياريت اسمع ارايكن بموضوعي
اكثري من الصدقة وقرآءة القرآن والدعاء عند السجود
ربي يرزقج ويرزق خواتج بالازواج الصالحين عاجلا غير اجل
موفقة
استغفر الله العظيم الذي لا إله إلا هو الحي القيوم و أتوب إليه 
ليش تحسدين المطلقات والأرامل
صفي نيتك السوداء وافتحي قلبك عشان ربي يرزقك
أعوذ بالله الناس ما يعطون خير
و الرزق شباب ورا الباب
من اسباب منع الرزق هو ( الحسد ) نعم الحسد وادخلي شوفي اليوتوب مليان يتكلم ويمنع استجابه الدعاء
كيف تعرفين في قلبك حسد لاخوانك انك تنقهرين اذا صار لهم شي وليش انتي ماحصل لك شي مع انك افضل منهم !
ليش ماتتمنين لهم الخير وتتمنينه لنفسك!
ليش تجلسين تاكلين بعمرك اكل والنصيب بعد مو في بيديهم دامك قلتي مؤمنه بالنصيب!
قلبك يحتاج تطهير الرزق من الله
انتي اتخذي الاسباب توكلي على الله حبيبتي
اكثرتي من الاستغفار بقلب صادق ان الله بيرزقكك
كم استغفارك بالليوم 10 ! اكثري فوق 400
لحديث ( من لزم الاستغفار جعل الله له من كل هم مخرج ومن كل ضيق فرج ورزقه من حيث لايحتسب )
كرري حسبي الله ونعم الوكيل / وان الله بيكيفك شر ماهمك
اكثري من الصلاة على النبي صلى الله عليه وسلم
وادخلي هذا الموضوع وشوفي بيفيدك ان شاء الله
.ღ. آحلامي ستتحقق مع الحبيب بإذن الله .ღ.
وعليك الدعاء وتحري اوقات الاستجابه وخلي امك وابوك يدعون لك
تصدقي كثير بنيه الزواج الصالح
تقدرين تكلمين خطابه وش فيها يااختي كلميها
واسال الله ان يرزقكك الزوج الصالح الطيب والذريه الصالحه لي تقر فيها عينك ياحبيبتي
ويشرح صدرك ويسهل امرك انتي واخواتك واللهم امين
بس الي اعرف الزواج قسمة ونصيب
بس والله انصدمت بس كم مرة خطبوج والله قهرتيني بنات اعمارهن 27 و24 وحتى 20 وراح يموتن على الزواج
حتى مرة قريت وحدة عمرهة 17 وتكول تاخرت اريد اتزوج
بصراحة موضوعج اثر بية كلش
مع العلم عمري 20 بس حاسة نفسي بسن اليأس
