بسم الله الرحمن الرحيم ,,,,,,,
في البدايه أخواتي حبيت أعبر عن إعجابي الكبيربالمنتدى, ثانيا حبيت أعرض مشكلتي وأنا كلي ثقه بالله ثم في أخواتي الفاضلات على إيجاد حل لمعاناتي 
،،، راح أبدأ بسرد مشكلتي:قبل ما اتزوج حلمت كغيري من الفتيات في بيت يضمني أنا وزوجي والأطفال ، ودايما" لما اتخيل هالشي كنت أتخيل اسره سعيده مترابطه،،لما تزوجت حسيت بزوجي الحنيه وحسيت معاه بالأمان وانسجمت معاه على طول وكان شهر العسل على اسمه زي العسل وكان كل شي تمام،بس لما رجعنا من شهر العسل بالتدريج بدأ الوضع يتغير ،،علما" بأننا نقيم في شقه بجانب أهله ،صار زوجي يجي للشقه واحسه مجبور و مو طايقني وماينام عندي إلا ساعه أو أقل ويروح يكمل نومته بغرفته عند أهله ويتركني لحالي واحيانا"كان مايجي ينام عندي بالمرهوأحيانا" يمر يجلس معي شوي ويطلع ومع ذلك كنت انبسط بالوقت القصير اللي يجلسه معاي وكنت أطلب منه يبقى بس كان يتحجج بأنه مشغول ويطلع،ومرت الشهور وحملت وكان زوجي مبسوط كثير خاصه الشهرين الأول والثاني حتى انه كان ينام عندي بس من شهري الثالث رجع لوضعه السابق وصار احيانا" يمر يجلس شوي ويطلع واغلب الأحيان لا،،بشهري الخامس صبري نفذ ورحت له لغرفته عند اهله وحكيت معاه ان وضعنا هذا مو طبيعي بالنسبه لمتزوجين ماكملوا السنه ووضحت له اني احتاجه كزوج يكون جنبي يحسسني بالأمان والحنان و الأستقرارهذا غير انو أنا حامل لو لا سمح الله يصير لي حاجه وأنا لوحدي ما أحد يدري لي بس للأسف لاحياة لمن تنادي،،رد علي قال انتي تريدين تتحكمي فيني وتسيطري علي قلت له والله آخر همي اني اتحكم فيك 
ومرت الشهور وأنا صابره ومتحمله كنت اصبر نفسي أقول بكره الله يرزقني بطفل يونس وحدتي وبالفعل مرت الشهور ورزقت بطفل وصار لي دنيتي وحياتي الله يخليه لي يارب،بس مع ذلك ظل بحياتي فراغ كبير وأنا عارفه مايملأ هالفراغ إلا زوجي الغايب الحاضر ،،ماكنت اشوفه إلا عند أهله دقايق لأن احنا أكلنا وأغلب الوقت عندهم إلا وقت النوم أكون بالشقه،ووضعنا هذا مستمر وحالتي النفسيه تعبانه وهو مو حاس فيني والمشكله انو مبسوط ومرتاح وإذا حكيت معاه زعل وما أعجبه ويدور اي سبب حتى يزعل ويبعد بزياده،هذا غير انه حقي بالفراش مقصر فيه وماينام معاي يطول فيه احيانا ست شهور أو أربعه …صار حلمي الكبير الأستقرار سواء اسري أو عاطفي ،،اشتاق له واشتاق لوجوده بحياتي واشتاق له زي أي إمراه تشتاق لزوجها 
،بعد ولادتي تغير علي كثير في كل شي بإحساسه وتصرفاته واهتمامه حتى نظراته يعني رغم انه من البدايه كان بعيد عني إلا انه كان أفضل من هيك بكثير يعني كان يعوض بعده عني بإهتمامه وووو،،أنا كل يوم انهار واتعب تاركني لوحدي كأني مو انسانه ولا زوجه كأني قطعه اثاث مهمله حتى كلام حلو ماعاد يقول لي ما اسمع إلا التلميحات و الكلام الجارح وليته بس منهانسان اناني مايفكر فيني يفكر بأهله وأصدقائه وعلاقاته وبس،،أهلي حسوا فيني دايم جالسه افكر وبالي مشغول مو معاهم ،وانا حكيت معاه بوضعنا للمره الثانيه برضوا مانفع ،مو قادره اتحمل اكثر حكيت لأهلي يمكن يتغير شي ،وبالفعل كلموه اهلي بشكل ودي وبالطيب واعترف انه مقصر معاي وتحجج انه هو تعبان مابين أمه وابوه ومرضهم .. برضوا ماتغير أي شي ،، بعد فتره رجعت تكلمت معاه ويحجج بأعذار مو منطقيه بالمره.. تعبت تدمرت نفسيتي صرت احس اني اخته موطايقه هالعيشه دايم مزاجي سيء نفسيتي بالحضيض،،،والحمدلله على كل حال بس اتمنى الاقي حل لمشكلتي راح أكون شاكره لأي وحده تحاول تساعدني
بصراحه هذه اول مره اسمع بمشكله مثل مشكلتك
ايش يعني متزوجين وعندكم شقه مستقله وهو تاركك
انا كنت راح انصحك انك تكلمي احد من اهلك يتكلم مع زوجك ولكن انت ماشاء الله عملتي هذه الخطوه
والنتيجه انه تحجج بمرض اهله
طيب اذا كان مايقدر يستقر بسكن منفصل عن اهله ليه كان من الاول المفروض يقول انه امه وابوه مريضين ومايقدر يتركهم
الان امامك حل واحد بس
هو انه ترجعوا تعيشوا مع امه وابوه عشان يكونوا تحت عناية ابنهم وبنفس الوقت مايتركك لحالك
حبيبتي هذه مو عيشه
ايش يعني ينام ببيت اخر وانت لسه عروسه؟
والحين صار عندكم طفل
انا اشوف هذا الرجل ابدا مو طبيعي اذا رفض اقتراحك بالعيش مع اهله
هذا اللي اقدر اقوله
وان شاء الله الاخوات يفيدوك بحل اخر يمكن يريحك
تحياتييييييييييييييييييييييي
وليش تاركك لوحدك ومايجيكي الى دقائق
حبيبتي اشغلي سورة البقرة ببيتك او اقرئيها بصوت مرتفع ومسموع ..
اختي انصحك ترقي نفسك وبيتك
اسال الله ان يهدي زوجك ويرجعه لكي باحسن حال
تحياتي
اختي احسست من كلامك عن زوجك ان زوجك ناوي على نيه والله اعلم انه يبغاك تطلبي تعيشي معاه في بيت اهله ويبغاك انتي تطلبي منه كذا عشان قدام اهلك بعدين يقول اهي الي قالت نروح نعيش في بيت اهلك مع بعض بدل مانام بعدين عن بعض وتتركي شقتكم وعشان كذا هو يميل كثير لهله وبيت اهله وينام عندهم والله اعلم
بس انصحك اختي تصبري وتتوجهي لله بدعاء والاستغفاررر واوعك تتركي شقتك عشان زوجك وتعيش عند اهله لان الحرمه ماتحس بقميت نفسها الا في بيت مستقل لها ولعيالها واصبري وانشاء الله يطفش ويرجعلك
والله يوفق بينكم اتمنى فدتك
