اولا بسم الله الرحمن الرحيم اليوم يا بنات راح اتكلم عن موضوع مهم جدا وهو تحدث اوتكلم البنت مع الشاب عالنت الموضوع ده انتشر جدا وللاسف البنت هبله وعبيطه وبتصدق شوفو بيضحك على عقلها وبيقولها ايه
عمر علاقتنا ما هتكون علاقة نت وبس
اكيد علاقتنا هتستمر بعد الكليه
انا اقدر اصلا استغنى عنك
مهما حصل مش هسيبك ولا هتخلى عنك
دا انا من غيرك حياتى جحيم
انتى انسانه جميلة واطيب منك مفيش
و عيرها الكثير من كلمات الاعجاب
كام بنت سمعت الكلمات دى !
وافتكرت ان ده خلاص هو فارس احلامها ،،،،،، هو ده الانسان اللى بتحلم بيه
وفضلت تحلم بيوم فرحها وباليوم اللى هتتجوز فيه وهى مش عارفه انها لعبه فى ايد واحد مش عارف ان ربنا موجود
واكيد فى يوم من الايام هياخد حقها منه (يمهل ولا يهمل)
احلام البنات لما بتحب
بتكون طايره من الفرحه
حاسه انها فى سابع سما
شايفه الدنيا منورة وبتضحك لها ومبتفكرش لمجرد التفكير ان ممكن فى يوم من الايام ممكن يكون بينهم فراق
بتفكر دايما فى يوم فرحها اللى منتظراه من زمان
وبتحلم بيه
معنوياتها مرتفعه وكل شىء بتعمله بحب واستمتاع
بتدعى ربنا ليل نهار يقرب البعيد وتكون فى بيت الانسان اللى اختاره قلبها واللى هتملاه سعاده وحب وفرح
وفجاه !!!!
تفوق على صدمه
سقوط من سابع سما لسابع ارض !
بتقولها مش من حقك اى حاجة
مش من حقك تحلمى و لا تفرحى
واقرب شخص لقلبها
بيقولها :
ربنا يوفقك فى حياتك
انتى تستاهلى كل خير
انا مش عاوزها تبقى علاقه والسلام
اصل الظروف
واصل واصل واصل
على اساس يعنى انه مش عارف ظروفه قبل ما يقول كلمة اعجاب واحده
صدمه بكل المعانى مبيعبرش عنها غير الدموع والالم !
صدمه!
عندما يصارحك من تحب انك لا تعنى له شيئا
ولكن ماذا بعد ؟
من البنات من تاخذهم الصدمه لصمت رهيب ومجرد دموع بلا صوت
ومنهم من تتمنى ان لم يحدث وداااااع من هذا وتعيش فى اوهام
ومنهم من تحاول ات تعيد اللى فات وتتوسل وتحاول بناء ما انكسر وتدوس على كرامتها من اجل سلامة قلبها من الالم والحزن
ومنهم من تكتفى بالدعاء
والاخرى تلجا لصديقه تهون عليها هول الصدمه
وغيرهم الكثير ذو الانفعالات المختلفة ولكن السبب والمصيبه وايضا النتيجه واحده شعور بالانكسار !
فاقول لكل بنت مرت بهذه الظروف
لا تحزنى ولا ترجحى سوء الحظ
ابكى كلما شعرتى بحاجة للبكاء فالدموع غاليه ولكنها تريح
فرب العالمين لا يمسكى بسوء ابدا
ولو كان هذا خير لكى لاستمرت الامور وانتهت النهايه التى تتمنيها !
وتفائلى فسوف يعوضك الله بالخير كله وتتذكرى وقتها وتقولى
سبحان الله كان يريد لى الخير ولكن جهلى صور لى الحظ الشؤم
فهذه حملة لتوعيه البنات ضد انكسار القلوب و الحزن والالم
وهذه نصائح لكل فتاه وكل شاب من اجل حياه افضل :
حافظى على نفسك ولا تنجرفى وراء كلمة اعجاب وثناء عليكى
اتقى الله فى بنات الناس واعلم ان كله سلف ودين ولو بعد حين
تقربى من الله وايقنى ان نصيبك سياتى فى يوم من الايام وليس مطلوب منك ان تبحثى عنه
عودى الى الله واستغفرى فانتى لست معصومه من الخطا ولربما تكونى طرف فى جرح قلبك وثقى فى ان القادم افضل
( انا عند حسن طن عبدى بى ، فليظن بى ما شاء ) لا تجعل مشاعر فتاه وسيله لقتل وقت فراغك فالمشاعر غاليه على اصحابها
وحبيت اجبلكم الموضوع ده عشان يا بنات لو اى بنت ضعفت واولكم انا لو ضعفنا نرجع لضميرنا ونفتكر الموضوع ده
وانتظر ردودكم يا بنات وارجو انا تكونو استفدتم والسلام عليكم ورحمة الله وبركاته
أنا بعرف بنت صار معها نفس الغلطه
بس هي تابت لله وانشالله يغفر ذنوبها وذنوبنا
الله يحفظنا ويبعد عنا اولاد الحرام
