بسم الله
اخواتي انا ما فكرت اكتب مشكلتي هنا اﻻ ﻻني بدات اكره الحياة و مالي اي رغبه فيها
عمري 25 ومتزوج من 6 سنين من ولد عمي
من يوم كنت صغيرة كنت احب ابن خالي وهو يقول بأنه يبادلني الشعور
طبعا ما قبلت بولد عمي اﻻ بعد ضغوطات والكل يقولي ماعندك سبب للرفض
ﻻنه معروف باخﻻقه وجامعي و عنده منصب في شركة عالمية
انا كنت صغيرة و غبيه فاطعت امي وابوي وكﻻم الناس ووافقت ودست على قلبي وقلت بنسى ابن خالي
من فترة الملكة وزوجي يحاول يتقرب وانا اجامله ماني قادرة احبه ابددا
لين صرت امثل عليه اني احبه وهو مو غبي يحس بس مامرة قالي انه شاك
ابن خالي صار يترجاني فترة الملكة اتركه عن طريق الجوال ويحلف انه بيتقدم
فاتحت امي بالموضوع و بدات تبكي و تسبني وتقول انتي غبيه وصحيح كنت غبيه عشان وافقت من البدايه
شلت ابن خالي من راسي وصرت امثل على زوجي لين تزوجنا
حاولت ابادله المشاعر والدﻻل اللي دللني بس مدري انا مسحورة وﻻ وش فيني
رجعت اتواصل مع ابن خالي بعد الزواج بست شهور تقريبا الزبدة اقل من سنه
احس كلما كلمته وسولفت معه كرهت زوجي
لين يوم اقنعني وانا بكل غباء زافقت انه يجيني البيت يعطيني هدية وزوجي بشغله في الصباح
بعد ما مشى زوجي بنص ساعه فقط لدوامه جا البيت وفتحت له الباب بس عطاني الهدية وكلمني شوي وكنت خايفه
طبعا حاول يقبلني لكني رفضت وطلع من البيت
دخلت داخل وقعدت افتح هديته وانا نادمه ع اللي سويته
شؤي واسمع صوت الباب كنه حد دخل حسبته ولد خالي وخففت بدون مافكر كيف دخل
قمت ووجهي متغير وشفت زوجي داخل ومعصصب
وشاف الهدية على سريري وطلعت عيونه
على طوول ضربني وقعد يصررخ وش جاب ولد خالك عند بيتي وشنو هذا اللي ع السرير
وقذفني وسبني وسب اهلي وكنت منصدمه ﻻنه مامرة رفع صوته حتى
وقالي انا داري عنك من زمان بس ساكت
حاولت اشرح له قالي قومي انقلعي بيتكم وصلني البيت ورجع دوامه
كنت اررجف ومو عارفه وش اقول ﻻهلي لو تركني عندهم فترة
كتبت رساله اس ام اس طويلة واعترفت له بكل شي وبكل شفافيه
واقسمت بالرساله اني آسفه من قلب ومستعده افتح معه صفحه جديدة اذا سامحني
بعد ماخلص دوام جا اخذني من بيت اهلي
ما قال وﻻ كلمة لين وصلنا البيت
ورجع يقول وش يضمن لي انك ما زنيتي معه
رحت جبت القران وحطيت يميني وحلفت له
المهم مابقى اﻻ ابوس رجوله وسامحني
طبععا معاملته صارت جافه جدا معاي
وصارت مناسبه بعدها بفترة وشاف ابن خالي فيها
رجع البيت معصب ويقول كيف بتربين عيالي ووووو…..
فهمته اني انسانه واغلط زي غيري واني مستعده اثبت له بأي طريقه اني بستمر معاه ع الحلوة والمرة
والحين بعد كل هذي السنين وعندي ولد و بنت وهو للحين ما نسى و يعاملني معامله قاسيه وجافه ويبخل علي
يعني عشان غلط واحد اعيش طول عمري في هم
يكفي الشعور بالذنب اللي عندي
صارحته انه اذا ما غير اسلوبه مقدر اعيش معه وقلتله صحيح انا غلطت بس هذا الشي من زمان
صفحه وانطوت لين متى اتعاقب عليها
قلتله غير اسلوبك وﻻ بطلب الطﻻق
انفجرر علي وصار يصرخ عند عياله ويعيد ويزيد انتي خاينه وانا استمريت عشانك بنت عمي ووووو…..
يعني خﻻص الله كتب علي العذاب طول عمري من بعد هذا الخطا ؟
ما انكر انه احيانا يحن ويتغير بس هالشي يصير بالكثير يوم او يومين بالشهر
اذا الله يسامحه زوجي له حق ما يسامح؟
انا ماعد يهمني شي اما اعيش بكرامتي وﻻ اقعد عند اهلي خﻻص مقدر
يا ليت اشوف ردود ناس فاهمتني وفاهمة وش قد انا حاسة بغلطي
الله يجزاكن خير اخواتي
حافظي على زوجك واضح انه يحبك كثير وهو مافي منه شكله انسان جدا طيب
ووجوده نادر معظم الرجال لوعرف انها قبل الزواج كانت تكلم واحد طلقها ووحدة قرأت قصتها عرف انه كانت تدخل شات وتكلم شباب ف الشات فقط وهذا كان قبل الزواج طلقها
الغلط منك يااختي زوجك ماغلط بالعكس واضح انه ونعم الرجل لوواحد غيره كان سوالك مصيبة الغلط منك ومن ولد خالك
عيشي لابناءك بلاش ما ينخرب بيتك ويتشتتوا الاولاد
اصلحي ما بينك وبين الله يصلح الله ما بينك وبين زوجك
لا تلومي زوجك على معاملته الجافة
اي رجل بمكانة ممكن يعمل الي عمله واكثر واحمدي ربنا
انه ما طلقك بساعيتها
هو ستر عليكي وانتي لازم تصحي لنفسك قبل فوات الاوان
موفقة
ومن حبه مو قادر ينسى انج كنتي متعلقه بغيره
وهذا الشي اكيد مو قادر ينساه
ثبتي له انج تحبينه وان الي صار كان فترة مراهقه
كنتي صغيره بداية زواجج
حاولي تغيرين حياتج
حاولي تسوين له أجواء رومانسيه
عشاء رومانسي او حمام رومانسي
في النت عدة أفكار راح تلاقين
وشتري له هدايا
حبيبتي ثبتي له ان مافي احد غيره في قلبج
والله يهديه
|
المشاركة الأصلية كتبت بواسطة gollnaz
 بقولج اياها صراحة، كانت خيرة من الله يوم ما صارلج نصيب مع ولد خالج ولا في رجال شريف يروح لبيت وحدة متزوجة ويعطيها هدية لا وفوق هذا يحاول يبوسها!!!! مافي لا عرف ولا دين يقبل باللي سواه واحمدي ربج زوجج انسان عاقل وما تهور وذبحج لو واحد مكانه سوا اكثر من اللي سواه خصوصا انج من البداية حسستيه انج مجبورة عليه. ما اقدر اقولج الحين غير تحمليه وحافظي عليه لو ما يحبج ما رجعج الرجال اذا بغى ينفصل مافي احد يمنعه لا عيال ولا غيرة وانصحج لا تهددينه بالطلاق خلج عاقلة وحافظي على بيتج. الله ييسر الامور
|
