قامت من النوم وهي شبه سكرانه لانها مانامت زين*
غسلت وبدلت ملابسها ونزلت لامها وابوها*
رهف : السلام*
الام والاب : عليكم ااسلام*
راحت للمطبخ واخذت من الثلاجه ريد بول*
وراحت جلست على الكنب بعربجه*
رهف : بكرا بدرس .. كشرت .. ييع*
ابورهف : بدخلك مدرسه داخليه*
رهف بدون اهتمام : اها .. وراحت لغرفتها*
من بكرا*
رن المنبه الساعه 6 طلعت يدها من تحت البطانيه ومسكته وصبخته بالجدار*
وقامت ولا كان شي صار*
تسبحت وهي واقفه تناظر شعرها اللي مايتعدا رقبتها وتفكر بصوت عالي : اليوم بروح مدرسه داخليه .. ييع يعني كله بنات .. طول عمري عايشه بين اولاد .. ليش الحين فجاه يتحولون كل اللي حولي بنات*
قطع تفكيرها امها : لانك بنت .. عيشي مع جنسك شوي*
رهف مكشره : اكرههم*
امها : جربي ماراح تخسرين .. ويالله ابوك ينتظرك*
وطلعت*
رهف رجعت تفكر : اوف راحت ايامكم ياسعود وفيصل .. ههه والمهلوس عزوز*
شالت شنطتها بطفش : ارووح احسن*
رهف استغربت بس ابتسمت ابتسامه اوسع
اخذت مفتاح الروم وراحت وهي تمشي*
نفس المعلمه وكان اسمها سحر : صباح الخير*
رهف ناظرت المعلمه اللي باين عليها صغيره : صباح الخير*
سحر تتقدم لرهف وتكمل مشي معها : اظن تعرفين قوانين المدرسه*
رهف : يعني .. نفس اي مدرسه*
سحر ابتسمت : لا .. هنا تختلف شوي .. كيف يعني دخلتي مدرسه ماتعرفين ايش هي*
رهف بتنبله : الا شسمها هالمدرسه*
سحر : ماتعرفين !!*
رهف : لا*
سحر : مدرسه الـ….*
رهف : طيب*
سحر : هنا راح تتعلمين مناهج تختلف عن باقي المدارس .. ابتسمت ووقفت لانهم وصلو الروم .. انتظرك بعد عشر دقايق فالصف*
رهف جت بتتكلم بس راحت سحر قالت وهي تفكر : اوووف يعني ايش مناهج تختلف اكيد اعربي عرفي اقسمي ولجة راس .. والله فظاوه*
دخلت الروم وكان فيه بنت جالسه تبكي*
رهف وهي ترمي شنطتها بدفاشه وهي خلقه تكره البنات ولا اللي قدامها تصيح بدلع : يالييل نفسيات على الصبح .. هيه انتي .. بنت ايش فيك*
البنت : حبيبي خانني*
رهف بوجه متنح : واذا*
البنت زادت بكي : اوووف*
رهف ماعطتها وجه وطلعت للصف
رهف تكلم روحها ( مافيه احد يبيني اطقه هنا ولا هنا )*
وهي طالعه شافت بنتين يتهاوشون*
الاولى : انتتي اللي جبتييه لنفسك*
الثانيه : انا مالي دخل بالسالفه انتي سبب هذا كله*
الاولى : قلتلك انتي السبب*
الثانيه : انتي*
الاولى معطت شعر الثانيه : انتتتي !*
وقامو يتظاربون*
الثانيه : وانتي شدخلك*
رهف بكذب عدلت ياقتها وبدت تصنع تعابير الحزن : انا مراقبتك من اول .. ماهان علي اشوفك تنظربين .. انا احبك صدقيني*
الثانيه : تحبيني انا ؟*
رهف هزت راسها بايه*
الاولى كملت ظرب على الثانيه*
رهف مصدقه كذبتها وظربت الاولى لين اعدمتها *
وجت معلمه واخذتهم عالاداره ^^
يوم راحو المديره مطيره عيونها : مو انتي الطالبه الجديده*
رهف ببراءه : انا*
المديره : ايه*
الثانيه قامت تناظرها لانها قالت لها مراقبتك من اول وهي توها جديده*
رهف توهقت ولقتها فرصه عشان تطلع من السالفه كلها همست للبنت : انا كنت مراقبتك عن طريق بنت هنا بالمدرسه والحين انا جيت لك*
البنت صدقت وقالت بسرعه : استاذه هذي .. واشرت على رهف .. مالها دخل هي كانت بتفك بيننا*
الاولى جت بتتكلم : لـ…*
رهف قاطعتها : ايه صح انا كنت بفك بينهم*
المديره : لحظه .. اتصلت وشوي وجت استاذه سحر*
المديره : اعتقد هذي وحده من طالباتك يا استاذه*
سحر : اعتذر يا استاذه ريم*
المديره : بسامحك لانه اول يوم .. ويالله توكلو*
وطلعو رهف وسحر*
رهف ( شدخل الاستاذه هذي بالموضوع )*
سحر : بعشر دقايق سويتي كل ذا*
رهف ابتسمت تسلك*
سحر : رهف انتي توك جديده ولا تعرفين هالمدرسه ابد .. هنا لك معلمه وحده .. وهي انا اسمي سحر .. تتعلمين هنا كيف تتعاملين مع الناس .. انا هنا مسؤوله على كل تصرفاتك .. شكلك واخلاقك وشخصيتك*
رهف بعفويه : اييه كل ذا من راس ابوي*
سحر ابتسمت : قلتي شي*
رهف : لا ابد*
دخلو الصف وكان مافيه الا عدد قليل من الطالبات تسع طالبات ورهف العاشره*
بعد الدروس*
رهف راحت الروم لقته مقفول وجلست تطق بصوت عالي*
طلعت وحده من الروم اللي جنبه : هي انتي يالمزعجه*
رهف ماعطتها وجه وبتلت تطق*
البنت : هيه انتي يالكلبه*
رهف ناظرتها : ميين الكلبه .. وراحت لها وهي ترفع كمومها*
البنت مامداها تكلم الا رهف سوتها كفته*
وراحت عالاداره ^^*
رهف باستهزاء : يعني حسستني انه كثير
سحر بحده : رهف .. استاذه ريم انا اعتذر*
رهف بقهر : طيب خلو اللي معاي تفتح البااب مو حاله ذي .. تلقونها ماتت وانتم ماتدرون*
المديره تذكرت وخافت : امشو نشوف شفيها*
وراحو الروم ولا فتحت .. جابو مفتاح السبير ودخلو لقوها منتحره بس مابعد ماتت اخذوها بالاسعاف وانقذوها وفصلت عن المدرسه .. والمديره طلعت قرار انه ممنوع احد يقفل الروم*
رهف بالروم تتذكر شكل البنت وهي تبكي : هه اكيد انتحرت عشان حبيب الغفله*
سحر : اييش ؟*
رهف ناظرتها : ولا شي*
راحت رهف اخذت فره بالمدرسه دخلت من باب الطوارئ بتشوف ايش هذا*
وكان فيه دريشه كبيره تطل على البحر وكان شكله مره حلو المكان لفت نظرها بنت جالسه ترسم وملامحها كانها صينيه او يابانيه والرسمه كانت حلوه وجلست تناظرها
البنت انتبهت : فيه شي !*
رهف قربت : رسمك حلو*
البنت ابتسمت : شكرا*
رهف استغربت اول مره احد يشكرها ^^*
رهف : انتي من متى ترسمين*
البنت : من يوم انا صغيره*
رهف ابتسمت واسكتت*
البنت سلمت على رهف : معاك شوق فصل 3/4
رهف اقشعرت من يد البنت لانها تكره البنات بشكل بس مابينت عشان ماتفشلها : وانا رهف نفس الصف .. عقدت حواجبها .. بس ماشفتك اليوم *
شوق ارتبكت شوي بس ظيعت السالفه : عاشت الاسامي .. ابتسمي*
رهف : لييش !*
شوق ابتسمت : برسمك*
رهف ابتسمت واستغربت من شوق لان اول مره بنت تعاملها كذا .. لانها كل ماقابلت انثى كفختها او تهاوشت معها .. وكل من شافها ينتقدها على عربجيتها.. وسرحت*
شوق قطعت سرحانها: شوفي .. حلوه ؟*
رهف ناظرت الرسمه وطيرت حواجبها لانها متقنتها حييل : اللله .. ماشاء الله عليك مره تجنن*
شوق ابتسمت : انتي اللي تجننين*
رهف ابتسمت واستانست على شوق : اقدر اخذها ؟*
شوق : اكييد*
رهف ابتسمت : مشكووره*
شوق ناظرت ساعتها : يوووه انا لازم اروح الحين .. تامرين على شي*
رهف وقفت : ابد سلامتك*
شوق : الله يسلمك .. باي*
رهف ابتسمت : مع السلامه*
رهف ناظرت الرسمه وابتسمت*
فاجاها دخول سحر : رهف .. انتي هنا وانا ادورك*
رهف نزت بس مارفعت عينها عن الرسمه : بسم الله .. ايه هنا شبغيتي*
سحر تقدمت : تكلمي بادب .. اطلعي خلص وقت التجول بالمدرسه*
رهف ماعطتها وجه وراحت توريها الرسمه : شوفي حلوه صح ؟ .. ناظرت الرسمه وهي مبتسمه .. قالت لي شكرا .. وكانت فرحانه فيني .. ناظرت المعلمه .. والله شعوور حلو عجزت اوقف عن اني اتذكر شكلها وهي تقول شكرا*
سحر تناظر رهف باستغراب : طيب الكل يقول شكرا*
رهف ناظرت سحر بوجه بدون ملامح : بس ماحد قال لي*
وراحت للروم وهي تناظر الرسمه وفرحانه*
سحر ضيقت عيونها وهي تناظر رهف كانها تناظر شي بعيييد وفجاه دمعت عيونها !
شموخ صديقة سحر من ايام الدراسه والى الحين : تشبهها كثيير .. ناظرت سحر بحزن .. الله يرحمها*
سحر ابتسمت : الله يرحمها *
شموخ ابتسمت : نروح نشرب لنا شي ؟*
سحر : يالله*
وراحو*
رهف بالروم علقت اللوحه فوق سريرها وكل شوي تناظرها*
لين نامت*
قامت الساعه ثلاث الفجر فيها نوم لاكن فيه شي لازم تسويه **
قامت من السرير ودخلت الحمام ودخلت تحت الدش بدون ماتفصخ ملابسها تبي تصحصح بسرعه قبل لاحد من المعلمات او الاداره يقوم طلعت ولبست دون ماتنشف شعرها*
واخذت كاميرة الفيديو وطلعت*
اول ماطلعت عند الباب فتحت الكاميرا تصور واتجهت لغرفه الاداره ^^
المكان هدوء ومافيه الا قليل قايمين راحت للاداره وطلعت مفتاح الباب وفتحته دخلت وقفلت الباب وحطت الكاميرا على الطاوله وراحت تدور بملفات الطالبات*
رهف : فصل 3/4 شوق …. شوق .. شوق .. شوق ايووووه هذا هو*
فتحت الطابعه وطبعت كل شي بالملف واخذت النسخ ورجعت الملف مكانه واخذت الكاميرا وطلعت*
قاعده بالروم تناظر باوراق شوق*
رهف تسجل صوتها بمسجلها الصغير: شوق كونج يان اصلها صيني ! .. ابوها وامها متوفين .. ابوها توفى وهي ببطن امها .. وامها اصلها سعودي ! .. كيف تجمعت هذي .. ههه بس والله اسمها سكبه .. عاشت عند جدتها .. وو وو ههههي << شهقه .. وفيها انفصام شخصيه .. ياحياتيي .. طيب ليش جايبينها للمدرسه هذي .. صصح صح ابلا سحر قالت هذي المدرسه لل .. بعدين تذكرت .. يعني اناا ! .. رمت الاوراق ووقفت التسجيل .. لا لا وين .. اكيد كاسبين فيها اجر وجايبينها هنا .. لازم اقابل سحروه*
جت بتطلع بس تذكرت الوقت انها الفجر شافت الساعه 6 وعقدت حواجبها لان الدروس بتبدا .. راحت اخذت شور ولبست واخذت الكام*
بس مانوت تروح للصف ^^*
راحت لدرج الطوارئ بتشوف ليش شوق ماتحظر الحصص بس ماكانت فيه شوق حطت الكام بمكان ماتشوفه شوق وبدت التسجيل وراحت*
وهي رايحه لقت البنت اللي كفختها امس*
البنت : هي انتي*
رهف طناش*
البنت : اكلمك*
رهف تناظرها بوجه بدون تعابير*
البنت : ليش امس طقيتيني*
رهف ماحركت ساكن*
البنت ارتبكت : اااا .. اتكلم انا*
رهف نفس الححال*
البنت خافت وراحت*
رهف كملت طريقها وهي مطلع لسانها : والله اني سكبه*
ناظرت الساعه وهي متاخره وراحت ركض للصف
ها اكمل ! **
( دريت آنتس رسآمه بس لمين ترسمين ! )*
بعد الدرس اللي كان يتكلم عن الفرق بين الصراحه والوقاحه رهف لحقت سحر*
رهف تركض وتصرخ : استاااذه*
سحر وقفت فجاه بدون ماتلتفت ورهف كانت بتصدمها بس لفت وصبخت بالجدار ><*
سحر : شفيك تصارخين*
رهف تاخذ انفاسها وهي تنفض عن مريولها الغبار : ايه شبقول .. حكت راسها .. ايه انتي قلتي هذي المدرسه غير*
سحر : اي*
رهف : طيب امممم كيف اقول*
سحر عقدت حواجبها : فيه شي*
رهف : لا بسس اممم .. شبكت يدينها .. لآحظت كم شي بالمدرسه*
سحر قربت لها : ايش لاحظتي*
رهف : عدد البنات قلييل .. وو المناهج تختلف .. حتى حسيت اني داخله بقسم علم نفس على هالمناهج .. ووو لاحظت على كم بنت اشياء*
سحر : ايش لاحظتي عالبنات*
رهف بدت تتكلم بجديه اكثر : البنت اللي انتحرت .. ووو شو… ماحبت تقول عن شوق .. ويعني كذا
سحر اخذت نفس : رهف حطي ببالك هالكلام .. انتي الوحيده السليمه هنا*
وراحت*
رهف متنحه : الوحيده سليمه هنا ! .. سليمه من ايش طيب .. لازم اعرف .. تذكرت الكام وراحت*
راحت بتشوف شوق فيه او لا .. لقتها وراحت لها*
جلست تتكلم شوي ونفس المره اللي راحت شوق ناظرت ساعتها وراحت باستعجال*
رهف اخذت الكام وراحت للروم وفتحت التسجيل*
قدمت لين شافت شوق تجي ترسم وكانت شوق ترسم وتاشر لشخص برا وكانها كانها تقول روح يمين وروح يسار بعدين ترسم وبنص التسجيل شوق قامت وراحت تركض لبرا*
بعدين رجعت وهي مغيره ملابسها بس مارسمت جابت كرسي وجلست تناظر برا ولا تحركت بعدين قامت وبنفس الوقت جت رهف
رهف وقفت التسجيل وجلست تفكر لمين تاشر شوق وبكلام سحر*
وغفت ششوي ،*
جآ وقت الغدآء وهي نايمه وقامت والباب يطق*
رهف وهي تحك عينها فتحت : ميين*
شوق ابتسمت : انا*
رهف وخرت يدها وبعدين رجعتها : اي حياك شوق ادخلي*
شوق : لا وين ادخلي .. ماراح تتغدين*
رهف : ها كم الساعه*
شوق : 2 الظهر*
رهف : اي اسبقيني وانا ببدل ملابسي واجي*
شوق : اوكي*
رهف دخلت اخذت شور سريع ولبست وطلعت من دون ماتنشف شعرها .. متى نشفته اصلا*
كانت لابسه جكيت اسود وبلوزه بيظا وشكلها رسمي شوي بس خربتها ولبست شورت ابيض .. مدري شيبي بس حلو عليها وشعرها رطب مانشف*
طلعت تدور شوق بالكراسي لقتها جالسه ومنزله راسها*
رهف : شووق*
شوق ناظرتها باستغراب : مين انتي ؟*
رهف : شفيك انا رهف*
شوق قامت : تعرفيني !*
رهف : ايه شفيك*
شوق راحت : شتبين مني انتي*
رهف عقدت حواجبها : شفيها هذي .. بعدين تذكرت وطقت جبهتها وقالت بصوت عالي .. ااي انفصام الشـ…
سحر بهدوء : قصري صوتك*
رهف تفاجاة من وجود سحر وانتبهت لكلمتها : اسفه*
سحر : بعدين ليش لبسك كذا وشعرك مبلول*
رهف حاست شعرها بيدها بملل : مافيني حيل انشفه*
سحر : وملابسك*
رهف تناظر لبسها : شفيها*
سحر : خليك مرتبه شوي*
رهف تذكرت كلامها : ايي صح .. شقصدك باني الوحيده سليمه هنا*
سحر همست وهي تروح : ولا شي*
رهف عقدت شفايفها : شسالفتها ذي*
جلست عالكرسي وشبكت السماعات وجلست تدندن مع اغنيه قانون كيفك – اصاله*
وقاطعتها شوق جت لها وهي مغيره ملابسها وجلست دون ماتتتكلم*
رهف انتبهت وبعدت السماعات : هلا شوق*
شوق بهمس : هلا*
رهف ابتسمت وماحبت تساللها عن اللي صار*
شوق تنهدت : اسفه على اللي صار قبل شوي*
رهف ابتسمت وقالت بمرح عشان ماتظايق شوق : لا عادي .. ابرسمك عدلي خشتك*
شوق ضحكت : يالله*
رهف مسويه رساامه وتحوس بالورقه يوم خلصت ورتها شوق وهي مو لم شوق ابد*
شوق ابتسمت وهي تكتم ضحكتها : والله عندك حس فني .. وقفت .. شرايك اعلمك الرسم !
رهف طيرت حواجبها : والله*
شوق مسكت يد رهف : اي اي تعالي*
رهف استانست وراحت مع شوق .. بس هالمره للروم شوق*
رهف اول مادخلت شافت رسمات معلقه كثير لشوق*
رهف : كل هذولي رسماتك*
شوق : اي*
رهف : ماشالله عليك والله رسامه .. لفت لشوق .. شاركتي بمسابقات ؟*
شوق : ايه شاركت بوحده اول مابديت ارسم بس مافزت وماشاركت بعدين*
رهف : لا لازم تشاركين والله بتفوزين*
شوق ابتسمت*
رهف راحت لشوق اللي كانت جالسه ترتب الفرش والالوان*
رهف : الحين شلون تعرفين الالوان وتفرقين بينهم*
شوق : فيه انواع للاوان .. فيه جواش واكليريك وبيبو والوان زيتيه والوان كونتيه*
رهف مسكت قلم اسود وشكله كانه طباشير : وهذا ايش*
شوق : هذا قلم فحم .. انتبهي لا يلطخك .. فيه منه انواع ودرجات بعد *
رهف : وبايش تستعملينه*
شوق : هذا درجته غامقه قوه يعني تقدين ترسمين فيه الاشياء السودا قوه والظل*
رهف تنهدت وابتسمت : بدري علي
شوق : لا مو بدري راح اعلمك ان شاء الله*
رهف : طيب ومين رسامك المفضل*
شوق : ستيف ميلر*
رهف : مين هذا*
رهف : والله بطل*
شوق فتحت جوالها وورت رهف خلفيتها اللي كانت رسمه لستيف : شوفي هذي وحده من رسماته*
رهف فتحت خشتها وماعلقت*
شوق ابتسمت : شوفي الرسمه اللي هناك .. اخذت منه حركت الموج وقلدتها*
رهف ناظرت المكان اللي تاشر له شوق : صح علييك .. ظبطتيها*
شوق ابتسمت*
بخلي رهف تتكلم عن نفسها*
رهف .. اليوم وانا بغرفه شوق ماكنت اناظر اللوحات مثل مااوهمتها كان فيه شي غريب لافت انتباهي وهذا بعد دليل على انفصام شخصيتها .. اللي يشوف غرفتها بدون مايدقق بيتاكد انها رسامه وتحب الرسم بس فييه شي اللي يشوفه يقول انها تكره ابو جد الرسم .. كان فيه زاويه بالغرفه فيه لوحات مرسوم عليهم بس مكسرات وفرش مرميات .. يمكن سوت كذا بلحظه عصبيه بس لازم اعرف *
نهايه الجزء ..
