السلام عليكم ورحمة الله وبركاته
>>><<<
انا متزوجه من سنتين والان حامل
مشكلتي تكمن في زوجي
هومدمن دخان و لايصلي من بداية زواجنا كنت انا اللي اقوله صل يقوم يصلي بالبيت بس على شاني قلت له 
لكن مع مرور الايام صرت لما اقوله صل يقول طيب طيب ويغير سالفه الين مااسكت
ودايم كنت اخوفه من النار وانصحه لكن لاحياة لمن تنادي
ويمكن تقولو لي جربي معاه الهجر
هو اصلا باااااارد
مايجيني الا مره اومرتين بالكثير بالشهر
وما يجيني الا وانا متلهفه عليه 
يعني لو امتنعت عنه انا اللي باتضرر مو هو
اسمحو لي على الجراءه بس حبيت اوضح لكم ان هذا الحل صعب
انا ماقلت لاهلي لان لو قلت لهم اخاف تكبر المشكله
وبعدين هو اخلاقه عاليه ويحترمني ويحترم اهلي ويحبني
هو ماعليه كلام بس مشكلته الصلاة
ادري بتقولون بعد سنتين تدورين حل
والله داريه اني متأخره وبقوه لكن من بعد ماصرت اتهاون بالصلاة
ماكنت كذا بس تأثرت منه هالشي
وانا اللي كنت محافظه
على فكره عمري 19 وهو 25سنه احيانا استحي انصحه بماانه اكبر مني
الخلاصه هل اقول المشكله لابوي
مع العلم ان ابوي رجل حكيم يعرف يتصرف بالمشاكل
لما تصير مشكله بالعايله يرجعوا لابوي يحلها
هل اقول له؟؟ ولا هالشي المفروض اخبيه؟؟
انا في حيره من امري ردو علي جزاكم الله خير 
قولي لأبوك يتصرف لان الصلاه مو شي هين عشان يتهاون فيها
لاتسكتين عالموضوع ولا تأجلين..
اتمنى اكون افدتك.. 
الله يعينك اختي ادعي بصلاتك ربي يهدي لك …
ودي
