مرحبا صديقاتي العزيزات على قلبي في منتدى سيدتي
انا اليوم ابيكم تساعدوني في مشكلة صديقتي الغالية وبدخل في المشكله على طول
صديقتي العزيزة تعمكل معلمة في وزارة التربية والتعليم ، المهم عندنا في البحرين ان شهر 6 يعطون المعلمة راتب لثلاثة شهور الي اهم 6 و7 و8 يعني راتب الاجازة الصيفية ، المهم صديقتي العزيزة ما راح يبقى من راتبها الا مبلغ 2500 ريال لانها راح تدفع الديون الي عليها .
المهم الشهر الي فات كان عيد ميلاد زواجهم وقامت سوت لزوجها مفاجاة بحيث انها خلته يوديها الي محل الاحذية الرياضية وخلته يختار وقالت له هذا الحذاء عشان اخوي وشرت له بعد عطر لكوست المهم في يوم المناسبة اعطته حتى انه تفاجا من تصرفها وفرح واااايد ، ولما سالته وين هديتي قال لها انا الحين ما عندي فلوس لما تتعدل احوالي هاي الشهرين راح اجيب لج احلى هدية ، المهم ننتقل للموقف الثاني واهو ان عيد ميلاد زوجها راح يكون بداية شهر 7 ولما سالته شنو الهدية الي تبغاها قال لها ابي تلفون جديد ب1000 ريال تخيلوووووا وقال لها سوي لي مثل المرة الي فاتت وديني اشتريه على ذوقي ، صديقتي سالته وانا وين هديتي قال لها لما ابيع سيارتي بشتري لج هديتج مالت عيد زواجنا ،
المهم صديقتي انقهرت وااايد مع العلم انه يبيها تاخذ اغراض لبيبي الي في الطريق من راتبها.
فكرت صديقتي في الموضوع وقالت له انا ما راح اقدر اشتري لك تلفون بهاي السعر فالافضل ان هديتك تكون لمصلحة بيتنا واهو انها بدل ما تشتري تلفون ب1000 ريال راح تأثث حجرة الجلوس الي في بيتهم لان ما فيها ولا شي يعني مثلا راح تشتري كراسي بنفس السعر خصوصا ان راح يزورونها ضيووووف بعد ولادتها القريبة ، تدرون شنو قال لها
طلع انسان نوعا ما استغلالي قال لها يعني ما راح تاخذين لي تلفون مع العلم ان عنده تلفون ، وقال لها ما يحتاج تشترين اثاث اشتري اغراض للبيبي الي في الطريق ، قالت له لااااااااااااااااااااااااااااااااااااااااااااااااا اااااااااااااا
انت الي راح تشتري اغراض للبيبي وانا اثاث ، وتقول الحين اهو منقهر عليها لانها وقفت استغلاله لها مع العلم ان الشهر الي فات خذت له الهدية الي اهي الحذاء والعطر 420 ريال ، واهي موب بخلانه عليه بس لان ما راح يظل من راتبها الا 2500 ريال وهاي المبلغ بتحتاجه لمدة ثلاثة شهور وطبعا لا تنسون انها راح تشيل منه على الاقل 1500 للاثاث
الحين من فيهم الغلطان
اتمنى الاجاااابة وتحيااااتي
وبما انه ماجاب لها هدية في مناسبه مهمه مايستاهل أي شي
وان شاء الله تقوم بالسلامه
يساعده على زوجه اذا كانت هذه بدايت زواجهم اذا كانه اول طفل
طبعا هو الغلطان اكييييييد يستغلها ماديا وبقوة
بلاش نقول هدايا لا يشتري لها هديه بس يخليها في حالها ويوفي امور البيت والبيبي
اهي مش ملزومة باثاث البيت ولا بتجهيز البيبي وتوضح له انها اذا قامت بهذه الاعمال لانها تحبة وليس اجبار عليها
نصيحتي لها اذا ارادت ان تقدم له هديه تكون بسيطه وعلى قدر ماتستطيع اي تكون رمزيه لا باسعار غاليه تضع ميزانيه 100 او 200 في المقابل حضرته لم يقدم لها شئ في ذكرى زواجهم يعني هيا ماقصرت معاه في مناسبه
ايضا انصحيها لا يتكل على مالها ولايستغلها ابدا تبدا الامور بسيطه ثم يسحب منها بطاقه الصراف بحجه انها لاتعلم كيف تصرف المال
هذا مجهودها هيا تفرح نفسها وتدللها المال نعمة لانقمه
و خليها تستمتع بمالها طالما هو مو قادر يمتعها ماديا.
وين البقية الحلوين؟
