بسم الله الرحمن الرحيم
أنا عضوه أود أنا أسرد مشكلتي وأكتبها وأنا أبكي بكاء يفطر له القلب متزوجه عمري تقريبا 29 سنه عندي ولد عمره 5 سنوات وبنت سنه و5 شهور تزوجت قبل 5 سنوات ًزوجي السنه الخامسه انتقلنا للرياض في بيت مستقل انا الحين عند أهلي تقريبا شهرين زعلانه ولدي عند ابوه لانه يدرس روضه اهلي بالدمام واهل زوجي بالرياض وبيتي نفس عمارة اهل زوجي
المشكله اكيد مافيه بيت مايخلو من المشاكل وانا من النوع اللي ما اشكي لاحد لاهلي او اهله اذا صار مشكله او شي عشان ماتتوسع الامور ويصير ضرب واصبر انا طيبه وعلى نياتي وشخصيتي مو مره مع زوجي عشان اكون واضحه معكم اخر مشكله انا الله يهديني صلحت شي مدري كيف سويته بس السبب زوجي حقوقي الزوجيه ولا شي منها حتي هاجرني من زمان بالفراش واي شي من حقي كزوجه من ناحية الحب والدلع والضم وكل شي مافيه شي ايش عذره اني ما اسمع كلامه واني ما اصير انثى قدامه وانحف واصير دلوعه وانا ساكته قمت مدري ايش اسميه فراغ ديني او عاطفي مدري كنت محمله برنامج التانقو وانتو تعرفون تجي اضافات وتنقبل انتو عارفين طريقة هذا البرنامج عادي ادخل واشوف وامسحها مايصير شي بش اخر مره طلع كان ويكند ماتوقعت يرجع رجع عشان الغبار دخل علي وانا منسدحه والجوال بيدي انا اللي شككته بنفسي قمت وسكرت الجوال وقمت قال هاتي الجوال تذكرت اللي فيه واو صارت ماساه ابكي واطلبه الجوال رافض مرررررره وضربني عشاني قاومته ما الومه يقول ليش كل هذا عشان جوال انا خفت اللي فيه شًي مو طبيعي انا ماعرفت اتصرف غبيه تخيلوا اتصل على عمي وابوي يسمعهم الصياح وانه طلبني الجوال وانا رفضت وجت عمتي اخذت العيال واخذ الجوال ودخل الحمام وفتحه كنت اسولف سواليف عاديه بس كل شي كذب اسمي ومعلومات بس اطقق بس والله وقراها وطلع وجاء وانا جالسه مع عمتي بالصاله قال شفتي شفتي وقال لعمتي لا اشوفها هنا اخذت اغراضي ورحت لاهل زوجي بعدين واليوم الثاني جاء ابوي واخذني عادي من البيت والجوال والشريحه عندهم والحين عندهم وانا ابي اذا جاء عمي اتفاهم واهلي متوعدين ااذا جاء عمك افضحي زوجك باللي تعرفينه كيف اعالج الغلط بالغلط مايصلح ايش رايكم احس قصرت في حق زوجي بس ايش رايكم دلوني ايش اسوي
أتمنى والله المساعده
مايلمون الموضوع ويحلونه بحكمه
يحرضونك ع زوجك والمصيبه انتي
بنفسك معترفه انك غلطانه ومقصره
الحل قولي لهم انا غلطت مع زوجي
وابي اتفاهم معه بدون اي مشادات
منهم يعني فهميهم انك انتي الغلطانه
حتى لو كانت له مواقف سيئه معك
واهلك مستغلينها وحده بوحده
حركتك قويه وراح تفقدي ثقة زوجك
ابتعدي عن الحركات هذه اثاره الشك
في نفس زوجك….ماذا استفدتي من حركتك؟؟؟؟
بس قدر الله وماشاء فعل ماعاد ينفع شي الحين مقهورين عشان ماجابو ولدي يقولون يبون يصلحون حفله له تخرج من الروضه
قلت لهم يقولون لا طلعي بلاوي زوجك كلها مايصلح انا غلطت وكنت لامباليه مع زوجي
اعرف والله بس كيف احل الامور
اهلي يبون يربطون مشكلتي هذي بالمشاكل الاولى وانه ليش ماستر علي ليش يتصل على ابوي وقت المشكله وقت الصياح وترى امي وابوي وعمي وعمتي يدرون بالسبب
