عندي مشكله و ادري كيف احلها م راح اطول بدخل ف صلب الموضوع ..
انا بنت ادرس ثانويه بالصف11 اي ثاني ثنوي 16 سنه..
و خلاص كبرت م صرت صغيره و العاده الحين ف اهلنا انهم يحجزوا البنات من هذا السن وبعدين خير يمكن يتزوجوا بعد الدراسة مباشرة و يمكن خطبه بس ؟؟
المشكله انا احب ولد خالي و هو بعد يحبني و عرفت من اخواته الي هن بنات خالي تواصلت معه بالرسائل فتره سنه و نص تقريبا و تعرفنا ع بعض اكثر و اكثر قررنا الزواج بعد م اخلص دراستي لأن هو اكبر مني ب 5 سنوات يعني بيكون مكون نفسه و مجمع المهر و السيارة و البيت و غيره بس بعد فتره حضرت محاضره دينيه و عرفت ان الي نسويه حرام و م يجوز انقطعنا سنه و 7 شهور م تواصلنا نهائيا
بعدها جات خالتي و الي هي اقرب خالاتي و تريد تحجزني لولدها و هذا الموضوع صاير من اسبوع بس فاتحتني خالتي انا شخصيا بالموضوع و الصدمه انها تعرف كل شي عني و عن ولد خالي و فوق كذا تريدني لولدها اننصدمت بالفعل بس م عرفت ايش اسوي م رديت لها خبر قلتلها اريد وقت افكر ولدها م في مثله اخلاق و دين و ايمان و بار بوالديه و يزور اهله باستمرار ابدا م يحب سوالف البنات عمره م راسل اي بنت ف حياته حتى انا مره راسلته من فون امي و كان رافض يراسلني بس كان موضوع دراسه لا اكثر يعني الوفاء طبعه و متأكده لو عشت معه بكون سعيده
ف هذا الأسبوع انا حاولت اني احب ولد خالتي و انسا ولد خالي لأن ولد خالي احبه رغم كثر عيوبه اخلاقه ما شاء الله بس الدين م محافظ عليه و لا يصلي الصلوات ف وقتها و مهمل كثير و المصيبه انه يراسل بنات و كنا دائما نتهاوش بسبه هذا الشي ازعل و ابكي و مدري شو …بس احبه
لما راجعت نفسي و قرأت ف النت كيف يكون الزوج الصالح الي وصانا به الرسول عليه افضل الصلاة و السلام شفت ان ولد خالتي مطابق لهذا الزوج فقررت اني انسا ولد خالي و بالفعل حبيت ولد خالتي بس م نسيت ولد خالي وقلت راح انساه مع الوقت وهو مثل اخ لا اكثر ….
و اليوم اخت ولد خالي فاتحتني بنفس الموضوع انهم يريدوا يحجزوني وانا خلاص حبيت ولد خالتي و ع فكره رديت خبر لبنات خالتي اني موافقه ع اخوهن … م
عرفت ايش اقولها اذا عرف راح ينكسر خاطره و يتعذب بسببي ايش اسوي يا بنات خبروني ايش الحل ؟؟؟
من اختار ؟؟
انا م رحت اي مكان و حكيت مشكلتي غير عندكم عند اخواتي ف أرجووووكم ردوا علي بأسرع و قت اخواتي …
تحياتي …
بس اذا تريدي رأي اختاري ولد خالتك هذا الي وصاه الرسول عليه افضل و ازكى التسليم
يصير انك تحبيه بعد الزواج و تبنوا علاقات مع بعضكم كزوجين …
ولا تبتلي بزوج عاصي لله و بعد يراسل نساء غيرك و ع فكره راح تزيد الغيره بعد الزواج
و هذا صعب عليك فكري بعقلك و قلبك مو بس قلبك حبيبتي هذا زواج و راح يكون طوول العمر …
اتمنى اكون افدتك ف حاجه …
ويؤدي صلاة بوقته بلا حب بلا خرابيط الي تتكلمين عنها البنت وش تبي اكثر من كذاه
وابن خالك انسيها لأن مثل ما راسلك راح يراسل غيرك كمان
واستخيري وبعدين قرري
موفقة
