شوفوا بى يا بنات انا كل اما اشوف واحدة شعرها تقيل وحلوا ازعل واقول يارب ابقى كده
مع انى شعرى كان تقيل بس بعد الحمل والولادة كذا مرة والصبغات بقى ضعيف وخفيف
وكمان بنتى الصغيرة شعرها خفيف جدا
ولما نزلت اجازة وشوفت اخوات جوزى وكان شعرهم وحش جدا بعد الرجيم ولقيته بقى تحفة وتقيل وطويل سالتهم
انتوا عملتم ايه اكيد بتاخدم فيتامينات
فقالولى احنا بنعمل كل اسبوع التوم فى شعرنا
طبعا انا قولت مش هينفع اعمله عشان جوزى ميودنيش على امى طبعا 
بسبب ريحته القوية
وقولتلهم يا خسارة ده ريحته وحشة
قالولى لا فى واحدة بتعملهولنا وبنجيبه فى ازايز اسبرايه وبنرشه فى فروة الراس لمدة 3 ساعات وبنحط بعد 2 ساعتين منه زيت السمسم كدهان و
بعدين نغسله ونسيبه ينشف شويه ونحط عليه السر التانى اللى هو السدر مع السيون
ونسيبه ينشف وبعدين نحط مسحة من زيرو فريز
وفعلا جربته انا وبنتى وفؤجئت بنتيجة رهيببببببببببببة
بس انا استنيت عليها 2 شهرين والحمد لله بقيت احسن بكتير لدرجة ان شعرى طول عن الاول بكتير واتفرد وبنتى شعرها نبت من جوه مكان الفراغات
وقولت اقول لاخواتى لقيتهم بيستخدموه وقالولى روعة
انا عايزة اللى تجرب
تدعيلى لان النتيجة جميلة جدا جدا وعن تجربة شخصية
وانا فى الخدمة لاى استفسارات
كنت عايزة انزلكم صور الازايز الاسبراى بتاعة التوم والسيروم والسدر وصورة الكورس كله بس مش عارفة
ولو عايزينى اكمل هحاول انزلهم
