السلام عليكم
كيف الحال صبايا ان شاء الله بخير..
المهم .. مالي بالطويله
عمري 22 متزوجه صار لي سنه وشهرين
حامل في نص السابع والحمدالله
السالفه ومافيها، انا عندي خدامه مريحتني وااجد من نواحي كثيره من طباخ ونظافه وترتيب وكل شي تتوقعونه .. يعني جد تبرد الخاطر وين الحين نحصل وحده تنظف وتطبخ وترتب بيت دورين وتعرف تمسك البيبي.. وانا ولله الحمد خايفه الله فيها وماقصر معاها، والاهم انها تحبني وتخاف علي 
المشكله مب اهناا
اهل زوجي بيسافرون علاج لامه برى ،عندهم خدامتين وحده مالت طبخ والثانيه تقدرون تقولون مالت تنظيف يمشي ححاله ،وللامانه ماكملو سنه يعني مايقدرون يسافرون ،المهم انهم كلمو زوجي يبون خدامتي ..وعلى طول وافق !!!!!
للامانه انا انقههررت طيب وانا شنو موقعي بالضبط ..
انا حاليا ادرس صيفي لاني متاخره سنتين ومعتذره كورس…
وحامل بنص السابع واحتمال يكون معاي طلق مبكر وسكر حمل للعلم انا منومه حاليا بالمستشفى ل هالسبب..
هم احتمال يسافرون في نص 8 او اخره وانا في نص 9 بدش التاسع
وبيكون دوام علي ،ولدي اخليه عند من لما اكون بالاربعين !
انا ما اراح ااتمن عليه الا اذا كان عند امي او خدامتي هذي ،ماقدر اقطه عند اي خدامه خصوصا ماتعرف بعد بخصوص البزران 
امي فديتها ماراح تقصر عندها خدامتين بس ولا وحده فيهم تعرف للبزران
وهي اصلا دوام وخواتي دوام وماعندي الا خاله وحده ودوام وعيال ومدارس
امانه الحين شقولهم ولا شلون افهمهم
انا والله لو اني مب حامل ولا فيني علله كان والله من العين هذي قبل هذي
بس انا ما ابيهم يفهموني غلط وتستوي حساسيات وانا علاقتي الحمدالله وياهم زينه
شسوي افيدووني بلييز
وخلي لهم الخدامه وعلي قولتج بلا ما تسوي حساسيات احسن لج
شوفي
اتصلي علي مركز خدم وتكون راعيه بزران وجذي يعني اختارينها بعنايه , وانتي بعد الله يهداج المفروض طبعا البيبي من اول يوم ل ال40 يكون يمبج وفي حضنج بلا ما تخليه ويا الخدمات !
مثل ما قلت لج اتصلي علي المكتب وان شاءالله فالج طييييب ومووووووووووووووفقه
والله يقومج بالسلامة
احسن الحل
يارب يكون بيتن اقرب من بيتكن
موفقة يا غالية
ما تكبري الموضوع وان شاء الله بتفرج
جاي علينا عيد وكل عام والجميع بخير
فيكي تفهمي زوجك موقفك شوي شوي
او تتحملي وما تكبري الموضوع وشوفيلك ناني للبيبي والله بيعينك
وان شاء الله خير
انت ما تعصبي ولا تزعلي حالك ما تنسي انك حاااامل ,,
رمضان كريم
غرور ياقلبي اكيد اول شي بيكون وياي في حضني
بس انا اتكلم من ناحية الدوام اذا ابتدا وجي اخاف عليه من الحين
مشكله.. امه بتسافر وبناتها كللهم وياها بيفضى البيت ياقلبي
ريف حبيبتي انا والله لو وضعي عادي.. بالعكس ماهمني تقعد او تروح انا احب خداماتي مثل ماينفعوني ينفعون غيري
الناس للناس وانا اختج ♡
بس انا ماعجبني شلون مكلمينه من شهرين ووافق وحطني قدام الامر الواقع بعد انا زوجته، للامانه هي الي بتنفعني وتريحني مب هو =(
حتى ماعطاني مجال شلون افكر وﻻ شسوي بالضبط تعرفون الي ماكان في بالي شي وصدمني بالموضوع ..
حتى ماعرفت شلون ارد عدل يعني بطريقه ذربه انربط لساني..تعرفون هالمواقف اظن .
