مسا الخير حبيباتي
انا قبل هالمرة نزلت موضوع عم قول فيه انو بعد مانضفت من الدورة بأربع أيام رجع نزل دم واستمر سبعة ايام متل الدورة وانا اول الشي قلقت بعدين طنشت الموضوع وقلت يمكن هديك المرة ماكانت دورة وهي هيه الدورة الحقيقية
بس بعد مانضفت بتلات ايام يعني مبارح رجع نزل دم متل دم الدورة هون انا قلقت كتير ورحت عالدكتورة اليوم
اول الشي شكت الدكتورة انو يكون في حمل خارج الرحم وحللت طلع مافي والحمد الله بعدا قالتلي صاير معك خربطة هرمونات لهيك اجت تلات مرات بالشهر وكتبتلي ع منظم
بس المفاجأة اكتشفت الدكتورة انو عندي تكيس مبايض 
مع العلم انو هي الدكتورة اول مرة بروح لعندا والدكاترة يلي كنت روح لعندن قبلا ولا وحدة قالتلي معك تكيس
يعني معقول الوحدة مايكون عندا تكيس وفجأة يصير ولا الدكاترة يلي كنت روح لعندن ماكانو عرفانين بالتكيس ?? وكتبتلي ع حب سلوفاج وانا بعرف هالحب بينحف
وانا خايفة انحف اكتر من ما انا نحيفة
طيب وهاد التكيس صعب علاجو … يعني رح طول اكتر من هيك لاحمل
يختلف الكيس عن التكيس الكيس ممكن يصير فجاة ويروح عﻻجه بسيط لكن
التكيس المببض نفسه يتكيس وعﻻجه يطول
بالتوفيق وياربي تحملي قريبا
ان شالله مايطول كتير لاني مليييييت
ربي يرزقج الذريه الصالحه عاجلا غير اجل
الف سلامة عليكي ياعسل
اما عشان تنظيم الهرمونات فيكي تشربي ميرامية او مردقوش بعد ماتطهري لحد اليوم ١٣ للدورة عشان لو صار حمل ان شاءالله ماينزل
اتوكلي ع الله وكتري استغفار والله كريم
شكرا كتير لردك
لحتى ترتاحي اكثر
وان شاء الله مافيكي شي
وحتى لو كان عندك تكيس صدقيني يصير حمل مع وجوده لانه الحمل رزق من الله وروح مكتوبلها تنوجد على هالدنيا من خلال رحمك ان شاء الله بالقريب العاجل
