صديقتي الوحيده بس اختربت علي اقدر اصلحها ولا لا -تم الاجابة 2024.

صديقتي الوحيده بس اختربت علي اقدر اصلحها ولا لا

السلام عليكم
انا صراحة متضايقه
انا من زمان ادور صديقه وكذا يعني
ومن 10 شهور او اكثر لقيت صديقه
كانت مره تحبني وانا احبها ونسولف ونستهبل
كنت مرة فرحانه فيها لانها اول صديقه حسيتها تصاحبني بصدق لان صديقاتي كلهم تركوني اول ما تخرجنا حتى مايكلموني وان كلمتهم يتهربون مني ماعلينا منهم الحين
طيب هذي صديقتي واجد تغيرت
صارت فجأه ماتعطيني وجه ولما اجي لها تصرفني بس احيانا كانت تجيني بس لما تحتاجني وانا ارد عليها لاني احبها واعزها من كل قلبي بس هي صارت ماتحبني
ايش اسوي انا الحين
اتركها ولا احاول اخليها تحبني مثل اول وكيف اخليها ترجع تحبني
طيب انتوا لو كنتم مكاني ويش راح تسوون للعلم ماعندي صديقات يالله هي حصلتها
والحين كثير صار زمان عنها وحتى مافقدتني واذكر كانت كثير تجرحني بس اسكت اخاف اخسرها
علموني كيف بتركها ان تركتها صعبه انسى ايامي الي عشتها وياها
بس انا مو عارفه ايش اسوي امس كنت اصيح بسببها
بعد ماعزيتها وحبيتها من كل قلبي هي تسوي فيني كذا ليه
حطو نفسكم مكاني وعلموني ويش بتسوون عشان اسوي مثلكم

لا إله إلا الله محمد رسول الله

عاتبيها و أسأليها ما الذى غيرك من ناحيتى ؟!!!
و لو وجدتيها تضرك أكثر مما تنفعك
فاتركيها و قولى
" إنا لله و إنا إليه راجعون "
اللهم أجرنى فى مصيبتى و اخلف لى خيراً منها
عسى أن يعوضك الله سبحانه و تعالى بأفضل منها

هذي يااختي صديقة مصالح وقت خلصت مصلحتها سحبت وماادم ماتبيك خلاص اتركيها والله يعوضك

الله يعينك خيتو ويعوضك بصديقات صالحات
بس تبين صدز انتي بعد غلطانه مهما كان مفروض ماتبالغين بحبك واهتمامك لها هالشي ينفر ناس ويخليهم يملونك بسرعه هي مجرد صديقه اعتبريها جزء من حياتك موب حياتك كلها وشفتي نهايته ملت منك
خيتو اذ صديقتك خلوقه وزينه معك مانصحك تقطعين علاقتك معها يقال العوض ولاالقطيعه
عاد انتي سالي عنها بين فتره وفتره تواصلي معها بشكل متباعد شوي كود انها ملانه منك احين خله عطيها جوها لما تهداء نفسها شوي بعدين هي من نفسها بترد احسن عن قبل ذا اذ باقي شاريتك
بعد شي طبيعي ان العلاقات تصاب بفتور بين فتره وفتره الزبده خلها براحته

اما سالفة لك 10شهور تدورين صديقه موب لذي الدرجه الصداقه تجي لوحده انتي ادعي الله ييسر لك صديقات صالحات يعينوك دين ودنياه
بعد لاتبالغين مثل ماقلت لك اعتبري الصداقه جزء من حياتك موب حياتك كله واعطيهم اهتمام وحبيهم بشكل متزن وطبيعي موب مرا تبالغين
ثم خلك انسانه مستقله ذاتيا اسعدي نفسك بنفسك نمي مهاراتك اقري كتب شوفي اشياء تسعدك تواصلي مع اهلك واقارب بستمرار ترى هالشي يقوي يطور شخصيتك
والله يبارك بحياتك ان شاء الله

ممكن صديقتك عارفه كم انتي بتحبيها ومتعلقه فيها فبلشت تتكبر ، من رأي ما تكترثي او تبيني شي وطنشيها شوي ، بتخافي اذا عاتبتيها تتكبر اكثر ، اذا بتحبك رح ترجعلك ….

إسأليها عن السبب. يمكن انتي ضايقتيها في شي بدون قصد

اختي انتي بحاجة الصديقات بس لاتخلين حااجتك اي احد يستغلها مثل هالصديقه اللي مدري كيف تقولين عنها صديقه لاتسالين كيف ترجعينها زي اول تغيرت بدون سبب فيه اقوى من كذا .!! بس لانك تحبينها تحاولين تتجاهلين اللي سوته بس الاشخاص اللي يتغيرون مستحيل يرجعون لو رجعوا بيتغيرون للاسف مو هذي الصديقه الحقيقيه اللي تدورين عليهآ افضل لك لو انا مكانك آتركهآ مبآشره واذا تبغى هي ترجع تكلمني واذا رجعت بتكلم معها برسميه ألكرآمه فوق كل شيء تصرفك وانتي تفكرين كيف ترجعينها زي اول ؟ لانك بحاجه صديقات بس ؟ سبب سخيف كرامتك اهم يااختي اما النسيان الانسان والناس كلها كلمات من النسيان فيه ناس ماتواا اهلهم ماتوا ناس غالين على قلوبهم موت مو تغيروا مااتوا حطيها بين قوسين وقدروا يكملون حياتهم الحياه ماتوقف على احد سواء زعلتي او فرحتي او بكيتي الحياه مابتوقف ولا بيتغير فيها اي شيء ولا بتجيك المعجزه من السماء تعودي على انك تنسين الاشخاص اللي مايستاهلون مثل هالبنت وادعي ربك دايماا واستغفري كثير وحاولي لاتفكرين فيها وانتي مو وحيده يكفي خالقك معك تصدقين انا عمري 17 سنه وصرت طالبه ثانويه وللحين مالقيت الصديقه المناسبه كلهم يتغيرون بس انا مااهتم لهم ولا آعتبرهم كل شيء بحيآتي والحمدلله وحيده ومتامله الاقي الانسانه اللي تستاهل بس اني اذل نفسي او احاول اتحمل تصرفات وحده وتصريفاتهاا بس عشاني وحيده .! والله مو سبب مستاهل عشآن تخسرين كرآمتك عشآنه ولو هي ضحت بشيء عشآنك بنقول آوك حاولي تتمسكين فيهآ بس هي تصرفك يعني مآتبيك وانتي متمسكه فيهآ الاحسن لك اتركيها والله يعوضك خير وخلي لك صديقآت صدآقآت عآبره حطي ببالك انها صداقات عابره ولاتتمسكين ب ولا وحده خليهم صديقآت درآسه بس وينتهي كل شيء لاعاد تتمسكين ب احد

موفقهه

أنسيها ي عمري ما تستحقج , والي مايباج انتي بعد ما تبينه كرامتج وعزه نفسج اهم منها اكيد , وبعدين اشغلي نفسج وبتنسيها ومره ثانيه لا تقدرين حد واجد , اي حد وله حدوووود في عمرج !
والله يرزقج الصديقه الي تستاهلج وتعزج ان شاءالله