صارت مشاكل بيني وبين زوجي والسبب أهلي وأهله
وكتبت الموضوع هنا ونصحوني بعض العضوات بالطلاق
وطلبت الطلاق وحاول زوجي يجيب لجنة إصلاح بيننا
وأنا عاندت وطلبت الطلاق لأن سالفة الطلاق في راسي
نسيت كل شيء حلو فيه يوم بدأت أكتب الموضوع ويوم طلبت الطلاق
وطلقني طلقة واحدة بعد ما صارت مشكلة بينه وبين أخوي
لأن أخوي سبه وقاله البنت ما تبيك وبعدين أبوي وأهلي زعلوا على أخوي وأخوي ندم
وطلقني وبعد أسبوع شعرت بالوحشة وبيت أهلي مو مثل زمان
وزوجي والله كان يحبني ويسامحني كثير بس الشيطان لعب علي
وأهله الشياطين أكيد عاجبهم الوضع
وأنا والله حنيت له وحنيت لأيام حلوة كانت معه
ونفسي أرجع بس كيف أبدأ وأهله وشياطينه من طرف
وأهلي وشياطيني من طرف
|
المشاركة الأصلية كتبت بواسطة مشكلتي
 ونصحوني بعض العضوات بالطلاق
|
انتي وين عقلك يوم نصحوك بالطلاق وطاوعتي العضوات الي نصحوك بالطلاق
هالي قالوا لك تطلقي مو متزوجات اغلبهم
وبعدين ماحد راح ينفعك
كل وحده راح تتزوج بالنهايه وانتي خلك ببيت اهلك
ومره ثانيه علشان تشغلين عقلك
انتي الي عايشه مع زوجك مو احنا
يعني انتي الي تعرفين قلبه اذا تعرفين ان يحبك لهدرجه المفروض وافقتي عالصالح
ابغض الحلال عند الله الطلاق
خلاص رسلي له او كلميه افضل
وقولي له كل الي بقلبج
انج متندمه ومفتقدته
وحاسه بالندم
لازم تتحركين قبل ماتخلص العده وبعدين تتندمين
حبيبتي اللي زينو لج الطلاق ونصحوج فيه
خليهم الحين يعطونج من حلولهم العبقرية عشان تردين لريلج !!!!
او خلي اخوج او حد من اهلج يتوسط لج عنده
موفقة
استغفر الله العظيم الذي لا إله إلا هو الحي القيوم و أتوب إليه 
الله يهديك ويهدي هالاخوات …وفعلا أنا أقول ان هنا مشكلة في موقع مشكلة ..أنا مسسجلة بهالموقع من قريب ودائما ما اقراء مشكلة زوجية الا وأجد من الردود من تنصح بالطلاق والحرمه منا لو تبي تطلق كان ما جاءت تطلب منكم شيئ لاكن هي تريد حل …الله المستعان .
