السﻻم عليكم ورحمة الله
انا مطلقه من 5 سنوات عندي ولد 12 سنه وبنت 11 والصغيره 8 سنوات
طلقني زوجي بسبب مشاكل وانا صبرت عليه من بداية الزواج وحاولت اصلح الموضوع بس مافي فايده اخر شي طلقني تحملت تربية العيال ودراستهم كله من راتبي واهم يعطيهم شهر وعشره ﻻ تزوج بعد ماطلقني وصار عنده ولدين امه قريبة امي تقول من سنه صار بينه وبين زوجته مشاكل واهي بس تزورنا تبدا تتكلم فيه يوم السبت كلم ابوي يبي يردني انا متردده كثيره اذا برد له عشان العيال بس لانهم يبون يعيشون مع ابوهم بس انا ماانسى الضرب والكﻻم اللي كان يجي منه ماادري تغير وﻻﻻ واهو الحين عنده زوجه وعيال ايش الحل تعبت من التفكير
وقد تكون فترة طيش ويعقل الواحد
وأكيد عرف إن مالحب إلا للحبيب الأول
يمكن ندم على فراقك
بصراحة الأفضل الأولاد يكون لهم أسرة وأب أم
ومن الافضل الاطفال يعيشون بين اب وام
وأطفالك حرام يعيشون دون والدهم
رح يتاثرون كتير كتير بكبرهم
خذيها نصيحه من مجربّه
الله يوفقّك
أن كان ظالمك فاكيد أنك تحسبتي عليه وسلط الله عليه زوجة تاخذ حقك .
1-لكن قبل لاتستخيرين أسألي أحد ثقة ماهي أم زوجك طبعا , عن علاقته بزوجته وسبب مشاكلهم وهل كان يضربها وان الطرف الأكبر في المشاكل فمعناها ماتغير أسلوب الضرب عنده .
أما إذا كانت زوجته سليطة اللسان فهذا عقاب له من الله بسبب ظلمه لك وعرف بعدها قيمتك .
2-ايضا تأكدي أنه مارجعك عشان راتبك , عشان تساعدينه في مصاريف لأن لو كان هذا احد أسباب ترجيعك فمااظن الحياة معاه راح تستمر وراح ترجع المشاكل أكبر من قبل.
3-اكيد كان فيه صفات سيئة أنتي تعرفينها تأكدوا هل استقام وتغير للأفضل صار فيه إنضباط في سلوكه وأمور أنتي تعرفينها أكثر منا .
لو تغير معناها فعلا رجعك عشان حس أنه كان ظالمك ووده يرجعك عشان يعوضك وتبدون من جديد .
لاتستعجلين أعطي لنفسك مسااحة كبيرة تفكرين فيها هل تقدرين ترجعين له ومعاك شريكة يعني نصف زوج وهل شخصيتك تغيرت وصارت أقوى بحيث تقدرين تتخطين أي مشكلة تصير وتقدرين تأخذين حقوقك وتدافعين نفسك .
لو شفتي أنك مرتاحة للرجوع فمافيه أفضل من أن عيالك يعيشون بينك وبين ابوهم وواضح انهم يحبونه , عشان يشعرون بالامان والا ستقرار النفسي .
لكن نصيحة أخذي ممانع فترة لما تتأكدين من حياتك معاه .
ولاتنسين الإستخارة فالله أعلم بالخيرة منا .
الله يكتب لك الخير ويصرف عنك الشر .
حبيبتي ارجعيله بشروطك الصارمة لانه احق بردك اليه وكمان بينكم اطفال اكيد اذا عاش في مشاكل مع زوجته الثانية بيكون اتغير كتير وحن لأيامك..
