انا كنت اول امبارح كتبت لكم اني وقعت الفجر في الحمام وخايفه على البيبي لما روحت المستشفى الصبح قالولي الضغط عالي والسكر يعتبر شوية عالي وعملوا التراساوند على البيبي وقالولي ان الميه حوالين البيبي كتيره دخلت للدكتورة اتخضت وشافت بنفسها قالتلي ايوه كتيره وحجزوني في المستشفى وجابولي دكتور سكر وضغط وعطوني ادويه انا باقي 4 ايام وادخل الاسبوه 36 لسه
الدكتورة قالتلي تعالي الاسبوع الجاي نطمن لو الضغط لسه عالي بولدك لو مش عالي قوي واتظبط بالعلاج والسكر بننتتظر اول الاسبوع 37 ونولدك
ممنوع العلاقة مع الزوج وممنوع الحركة والوقوف ولو لا قدر الله نزلت الميه اجري على المستشفى او دم برضه قلتلهم طيب وليه الهم ده احجزوني لغاية الولاده قالولي مينفعش وعملوا تخطيط للجنين الحمدلله كويس
بس خايفه قووووووي من موضوع زيادة الميه ايه خطورتها على البيبي طمنوني وعرفوني الله يكرمكم احسن مرعوبة وخاصة اني صاحية دلوقتي عندنا في ابو ظبي 7 ونص مش حاسة بالحركة خالص مش عارفة هو مريح ولا في ايه مش عارفة ومقدرش اكل شيكولاته او حاجة حلوه علشان اخليه يتحرك
بالله عليكم طمنوووووووني وادعولي
