السلام عليكم ..
راح أحاول أكتب موضوعي بوضوح وأتمنى من الأخوات يقولو رأيهم ..
في البداية حابه أقولكم أني الحمد لله ممكله ليا تقريبا خمسة شهور وزوجي دخل عليا وأحنا لسا ماسوينا الفرح .. المهم زوجي مره مره حساس ومايحب يزورني عند أهلي وأبواي زودها ومره قاله قدام جارنا أنت ايش جايبك اليوم عندنا !! من بعدها ماصار يجي الإ إذا ترجيته هادا أول شي ،، وثاني مشكله أنه مره وأنا في الدوام جيت بطلع وأروح أراجع في في بنك قريب من الشغل وكله حريم كلمته أعطيه خبر قام قال لأ ماتروحي سألته لي لأ قال كدا مو لازم بعدين قال قلتي لأهلك قلت لأ ماله داعي أهلي ماراح يتفهمو أنت كفايا وقلتله مو مشكله راح أتصل وأخذ موافقتهم المهم أهلي وافقو رجعت أتصلتبه قام رجع وقال طيب أنا راح أقول لأخوكي أنا أنقهرت منه وقلت أنا ماعليا في أخويا أهم شي أمي وأبويا وأخويا ماني خايفه منه << حضرته يخوفني بأخويا المهم بعدها أبو الشباب زعل وبالقوه راضيته وقلت الحمد لله مع أني ماني غلطانه
بس رجع قبل أسبوع زعل عشان قلتله أنا بكره رايحه الدوام مع سواق لموزين ( قال ماشاء الله أخذتي رقم اللموزين لما وصلكم مره من السوق وراح تروحي بدون ماتسأليني إذا كنت أعرف سواق ومو من طريفي ) تخيلو زعلان عشان هادا الشي أنا عارفه من الأول أنه ماعنده مانع أركب مع سواق بس اللي مزعله أني ماسألته أذا يعرف رقم سواق !!!
راح يجنني قلتله أنا أسفه مع اني ماني شايفه اني غلط
قال أنا راح ءأدبك وأعاقبك على اللي سويتيه وراح أكلم أهلي يكلمو أهلك قلتله مايحتاج الموضوع يكبروهادا الشي بيني وبينك بس رفض وقال كمان راح أقول لأخوكي << رجعنا على أخويا مره ثانيه يقول هو اللي راح يعرف يتصرف أهلك ماراح يسوو شي ,, تعبني ماني عارفه ايش اسوي معاه ،، وكمان زوجي إنتقادي درجه أولى دايما ينتقد جسمي مع اني مو دبه بس جسمي رويان بس حلو حتى كلامي صار يخاصمني عليه يعني مثلا لو شي ماسمعته أو مافهمت منه ( أقول كيف مافهمت ؟) مرررررررره يكره كلمة كيف يقول أنها حقت شوارع لو أخته قالتها كان اعطاها كف !!
أحبه وأرتاح لما يكون جنبي بس عليه طلعات هبله ،، ليه يومين مايكلمني ومايرد على اتصالاتي وحتى رسايلي مايعبرني ولا يسأل فيا !!
قولولي أيش أسوي معاه << لا تقولو طنشيه وأثقلي عليه ولما يتصل لا تردي << ماااااااااااأقدر أسوي كدا أبدا حاولت مية مره بس ماقدرت ،، مشكلتي لما أحب أضعف 
أرجوكم ردو عليا ولا تطنشوني ،، محتاجتكم
و كلام الأخوات السابقات كله صحيح وخذي بنصائحهن لا تقولين ما أقدر أطنش وأثقل إلا طنشي وأثقل بس بحدود لا تطولينها وترى ما أضعفنا إلا الحب والله اللي كذا أوله ينعاف تاليه .. وهذا ماهو تحريض عليه ولكنه تنبيه لتحزمي أمرك وتعوديه على احترامك وتقبل رأيك ،، اليوم يقول عن التاكسي بكرة بيقولك لا تداومين <<جربنا الحياة قبلك حبيبتي
الله يوفقك ويسخره لك ويجعلك قرة لعينه فلا يرى من النساء غيرك .. تحياتي
جنوبيه فله .. اللي فهمتيه صح هادا اللي صار
بجد يأحلى ناس عندي تسلمون على ردودكم والحمد لله أني ماطلعت غلطانه بشي بس الله يسامحه
لاتنسوا تدعولي ربي يشعلل نار الحب بقلبه ويخليه يتجنن عليا ويشوفني بعيونه ملكه ويحفظه ليا يارب
آآآآآآآآمين
بس السموحه منك اختي زوجك مسترخصنك
يعني شايف انك راميه نفسك عليه والدليل انك بكل سهوله سلمتيله حالك
صحيح انه زوجك بس الثقل زين
بكرا لو فكر يتركك كيف يتكون حياتك ومصيرك- مافكرتي
مافكرتي ليه هو يعاملك بكل هالجفا
الله يهديك ويهديه واتمنى تثقلي عليه وعجلوا بالفرح
