مرحبااااااا عزيزاتي الحسنوات ….شحالكم ………حابة اطرح عليكم موضوع بس هو ……
موضوع محرج بعض الشيء لكن لازم ننبه عليه الزوجات … و خااااصةً العراااايس …
مثل ما قريتوا بالعنوان …عند باب الحمام … يتحطم كل معنى للأنوووووثة!!! انتبهي ياعروس !! يعي شنو ؟؟؟ يعني الزوج أو المعرس يالغالية متعود ما يشوف منك الا كل حلو … اللبس الذرب … و الصوت الناعم … و الريحة الطيبة الخنينة
فلا تخلينه يغير رايه … لما تكونين داخل الحمام و اهو برا و قريب !!!
* خل ناخذها من ناحية الصوت … طبعا صوتك عند الزوج برا الحمام ناااااعم و ذررررب و يقطر أنووووثة !!!! لكن من يتعدى الموضوع باب الحمام نسمع مآسي طاط و طوووط (((عذراً من البنات الذربين ))) و أصواااات تفشششل !!!
و عند الغرغرة ((يعني بتنظفين حنجرتك الماسية … لا يصير كل الصوت ((غرغرغرغر …فيييط ….اححححخخخخخممممم ….تفففف))<<<و لضمان نظافة أكثر تكرر العملية … و يااا رجل اللي قاعد برا و يسمع هالسيمفونيات
و شوالحل ؟؟؟
الحل يا قلبي … اذا شفتي نفسك داخلة على عمليات كبيرة بالحمام فتحي الدش على آخره … أو علي صوت أقرب تلفزيون أو راديو يم حمامك عشان تضيع الصقلة !! أو قضبي روحك لين يطلع زوجك من البيت … أضمن
* و نا خذها من ناحية الريحة … متعود عليك الغالي ما يشم منك الا ريحة البخور و دهن العود و العطورات الفرنسية … و ما يتخيل انه يشم منك ريحة مو زينة … فلا تخلينة ينصدم بالواقع المرير و يدخل عقبك الحمام و انتي ماخذه راحتك
الحل …الحل يا طويلة العمر … قبل ما تدخلين حمامك و انتي ناوية على شر داخل … افتحي الشفاط (المروحة ) و شبي من هالشموع المعطرة .. أكثر ما كثر الله بالجمعيات … و ريحتها تهبل … أو العطورات اللي ما تبينهم أو مليتي منهم أو السامبلز حطيهم بسلة داخل الحمام … و رشرشي منهم قبل و بعد …
* أما من ناحية الملابس … دايما يشوفك باللبس الحلو المرتب النظيف … و تلقين لققق !!! و من نا حيتي ان أقبح منظر للملابس
اهو (( الصررر……..)) أقصد لباسك الداخلي و هو مغسل و منشور بالحمام … صراحة يحطم معاني الأنوثه و الحيا تحطيم !!
الحل … اذا كان ولا بد … غسليه … و علقيه بره مع الهدوم … و لا تخليه بالحمام أبدا …
معك حق ونص موضوعك حلو مره وكثير يعانو منه ومو عارفين وش يسوون وافكارك بتساعدهم ان شاء الله وانا اولهم تحياتي مشكووره على التنبيه
|
المشاركة الأصلية كتبت بواسطة سهليه
 معك حق ونص موضوعك حلو مره وكثير يعانو منه ومو عارفين وش يسوون وافكارك بتساعدهم ان شاء الله وانا اولهم تحياتي |
نورتني يا قمر وخدي فكرة الي في موضوع يا جميل
موضوع جميل وطرحك مسلي جداً
الدخول للحمام بجميع فعالياته ..مخجل…آني اشوف الواحد ياخذ راحته ويخرج مرفوع الرأس
