كيفكم حبيباتي
ان شالله تكونو بالف خير
حبيت أقدم سفرتي معاكم بالمسابقة …بس طبعا مشاركتي خارج المنافسة
وهي للتشجيع فقط والمشاركة معكم ياعسولات …
عملت غدااا رومنسي…..بعكس المتعارف عليه العشاءالرومنسي
كانت سفرة بسيطة وفيها شغلات مفيدة بنفس الوقت
نبدا اول شي بالشكل النهائي للسفرة من جميع الجهات كالعادة خخخ
هلق بنجي للتفاصيل
كب كيك الدجاج
قطعت التوست بدل الدوائر مستطيلات وحطيتهم باوراق البلاسيه
عملت خلطة دجاج مع الخضار…فليفلة وفطر وبقدونس ممكن تضيفي مايونيز لو حبيبتي
رشي عليها جبنة مودزريلا مبشورة ..ودخليها الفرن للتحمير
اليالنجي والتبولة الطريقة موجودة على هاد الرابط
شوربة خضار
اقلي بصلة بشوية زيت…حطي الخضار يلي بتختاريها وانا حطيت جزر وبطاطا وفليفلة…قليهم شوي
بعدها حطي ماء وخليهم يغلوا اضيفي البهارات وظرف شوربة شعيرية
بعد ما تستوي حطي رشة بقدونس
نسيت اصورها عن قرب
حلا التراميسو
اخدت الطريقة من الغالية زهور الشام…هل المرة عملتها بالكاسات
وهون بتلاقوا الطريقة
حلا التراميسو بصوره
كمان قطعت شمام …(قاقون بالسوري) على شكل قارب…وحطيت فيه شوية فواكه تين ودراق واناناس وموز
والعصير عصير تفاح جاهز…
هي كانت سفرتي 
بانتظار سفركم القادمة والمميزة ؛؛ وحظ طيب اتمناه للجميع
بالتوفيق
اكلات كلها روووعه تسلم ايدك حبيبتى
وسفره دايمة ان شاء الله
تحياتى
اعطينا شوي من شطارتك ههههه
الله يعطيكي العافية يارب
والله كلك ذوق…لو بيصحلي افتح مطعم ياريت بس شو يلي بدو يقنع زوجي ….ههههههه
اجيتي على الوجع …….هههه يلااا خلينا على نطاق البيت عم نفجر هل المواهب >صدقت حالها< خخخخخخخ
يسلمو على المرور الحلو والتقييم الغالي ياعسل
ان شالله ما بنعدم هل الطلة يا قمر
هاد بعض مما عندكم….
كلك زوء فرحتيني بمرورك ياعسل
تسلم يدك وصحتين على قلبك
