[/URL]G]
حدث بالفعل فى مصر
سيدة تبيع شبت وبقدونس على ظهر قفص مقلوب على اﻷرض .. وجهها به منحنيات من آثار تعرضها للشمس .. كنت انتظر صديقى في السيارة بجوارها وسمعت هذا الحوار بينها وبين بائعة أخرى.
-الواد سابلي البيت وهج.. عايز حنفية فلوس.. عشان قلتله يابني بقالي 4 شهور ماجبتش الدواء.. عايزة اجيبه مرة قبل ما اتكوم جنبك ونجوع إحنا اﻷثنين.. شوح فيا ومشي ومدخلش البيت بقاله 3 أيام..
-يا لهوي ياختي الواحد يربي ويكبر وفي الاخر يترمي.. ربنا معاكي يام عبده إن شاء الله بجيلك هيروح فين يعني..
المهم قررت انزل اشتري منها اي حاجة.. وأدردش.. سألتها: مش محتاجة حاجة يا أمي؟
قالتلي تسلم مستورة.. ورفضت تاخد أكتر من ثمن البقدونس.. أصل مافيش حاجة توجع قد واحد فقير وعفيف.. بس قلت هاحاول برضو..
قلتلها طيب يا حاجة أنا سمعتك وأنت بتتكلمي عن الدوا بصراحة وعايز اجيبهولك.. ممكن اسمه؟ بصت في اﻷرض.. مزيج من العفة والإحتياج والفرحة والحياء.. ست عظيمة الحقيقة..
قالتلي والنبي يا بنى ماعرف اسمه هو دواء السكر ب22.5 وحبوبه صفراء كده..
قلت خلاص هاحاول اوصله.. رحت الصيدلية وسألت الدكتور هل في كذا كذا قالي يعني اسمه ايه؟ قلتله هو لسيدة غالبا مابتعرفش تقرا فمتعرفش اسمه.. الدكتور فضل يدور على الكمبيوتر ووصل له في الاخر.. وبدل علبتين لقيته مديلي شنطة فيها الدواء.. سألته كام؟
قاللي ده هدية مني ليها.. وقول لها أول الدواء مايخلص هتاخده من عندي ببلاش.. ربنا يكرمك.. وكتب لي كارت في ظهره "يصرف لحامل هذا الكارت الدواء كذا بالمجان" .
الست كانت بتبكي وهي ماسكة الدواء ابو 22.5!! والكارت!
هو ده المعنى الحقيقي لــــ اﻹحسان
عارف … لما تكون مش عارف تفرح بأم مكافحة ولا ست قنوعة وراضية ولا دكتور طيب جميل ولا بربك الكريم الرحيم ؟
.. الخير موجود في البلد دي وفي كل بلاد المسلمين مهما كنا مش شايفين
تفاءلوا واحسنوا
وتحية للصيادلة الصالحين المحترمين
شير في الخير
مما راق لي
ينقل للقسم المناسب
فعلا الخير موجود بالدنيا
جزاكي الله خيرا ع القصه
الهادفه
|
المشاركة الأصلية كتبت بواسطة نورراية
 يعطيك العافية حبيبتي
ينقل للقسم المناسب |
تسلميلي ياعمري
شكرا لمرورك الطيب
|
المشاركة الأصلية كتبت بواسطة لولا*24
ماشاءالله تبارك الرحمن
فعلا الخير موجود بالدنيا جزاكي الله خيرا ع القصه الهادفه |
مشكوره عالمرور العطر
لاتحرمينا طلتك يالغاليه
شكرا لكي اختي عايدة
واحلى تقييم لعيونك
ربي مايحرمني طلتك
وشكرا عالتقييم ياقمر المنتدى
