بسم الله الرحمن الرحيم
كيفكم أخواتي ان شاءالله بخير
انا عندي لكم موضوع انا مااشوفه مهم بس يقهرني أحيانا خاصة إذا كنا عند الناس
سالفتي يا طويلات العمر
مرت خال زوجي
هي اكبر مني ب3 سنوات حافضه القران وملتزمه ماشاءالله عليها بس أنا أشوفها إنها غاويه شر وتفريق بين الناس بس مشكلتها معاي (زوجي)
ما ادري ايش تقصد في كلامها قبل فتره طلعنا الشاليهات وزوجها الي هو خال زوجي كان جالس عند باب الكبينه وجاء زوجي وجلس جنبه المهم الحرمه غارت على زوجها وصارت عندنا فوق تصارخ وتبكي والله والله والله كنت اصلي العشاءجتني وقالتلي الحقي زوجك جالس اسفل يطالع في البنات وقالت يوم جيتوا ماكان لابس شماغ والحين لبسه علشان يشوفونه البنات انا خلصت من صلاتي وقلتلها اصلا لو زوجي مالبس شماغه كان انا لبسته( احب البنات يطالعون في زوجي) طلعت الكلمه مني غصب من القهر وبعدين اتصل على زوجي وقال يالله نركب( لنش) في البحر رحنا انا وياه بس قالنا الحارس انه مقفل علشان الدنيا ليل
انا قلتها
بعدين راحت عند جدة زوجي معصبه وتصارخ ليش فلان بيركب مع زوجته (اللنش) والله قهرتني وجدة زوجي تسال زوجي ليش بتركب انت وزوجتك
المهم طنشتها وعدت الأيام جتنا مناسبه وأنا مارحت وهي راحت هي تحكيني ان كل الحريم يسألون عني يحسبونها أنا يابنات والله ما سكتت كل ماتشوفني تقولي الحريم يسألوني إنتي مرت(…….) يعني زوجي
المهم مره إتقابلنا مع هذولي الناس وإتعرفنا على بعض شوي جتني وقالت الحريم يسألون أنا مرت فلان يعني هي مرت زوجي طنشتها لاكن قهرتني رجعتلها بعد شوي وقلتلها الناس يوم رحتيلهم اول نسيوكي علشان كذا يحسبوكي انا
والله كل ماجلست تقولي زوجي جبلي زوجي اشترالي زوجي وداني طفشتني بزوجها رغم ان زوجها اكبر منها ب20 سنه لانها هي الثانيه
مشكلتي ان الزعل يبان في وجهي اذا جابت سالفة زوجي اقهر احس ان نفسها في زوجي والله قاهرتني احيانا اطنشها بس تفضل تردد يحسبوني مرت زوجك وهذي العباره تقتلني
مدري كيف اتعامل معها الله يهدها طفشتني
يسلمو يا ذات الدم الخفيف
و بتستمتع لما يظهر القهر و الزعل على وجهك
حاولى تجنب أى مناسبة تجمعك بها
و حاولى لا يظهر عليك الزعل أو الغيظ ….. و يا سلام لو تردى عليها رد يغيظها هى كمان
انا متملكه طيب حماتي تكلمني بالعيد هي جابت ولد توها.. تقولي زوجك كلمني ويبارك لي وانو يترجاها تسمي فيه وجلست تحكي سوالف بصراحه مااتوقع انها حصلت كلهاااااااااا تأليف بس تبغى توصلي ترى زوجك داااااااايم يكلمني ويهتم فيني على انو مايجوز تكلمه او تسولف معه بس هي تبي تقهرني على انها اكبر مني يمكن بـ12 سنه ويمكن اكثر لكن عاااااااااادي جلست اضحك ومافكرت بكلامها لازم غيرت الحريم هذي ماااحد مرتاح منها
انتي حصني زوجك وتحصني واشربي من وراها وانتبهي منهاااا والله يوفقك ويخلي زوجك لك ويبعدك عن شر الحاسدين يااااااارب
وحاولي ماتجيبي طاري زوجك عندها وذا هي تكلمت غيري ابو جد الموضوووع
ولو انا منك مااعطيها لا وجهه ولا قفى
وبعدين وين خلق القران الكريم لان حافظ القران الكريم يتخلق بخلقه
وهذا من هجر القران لانها لم تلتزم باوامه ونواهيه الله يبلغنا حفضه والعمل به على الوجه الذي يرضاه عنا
ويرزقني واياكم تلاوته اناء الليل واطراف النهار
وعليك بتذكيرها بالقران وانه سياتي حجه لها ام عليها وان الامر جدا خطير بالنسبه لها
لانها حافظه لكتاب الله
والله يهديها ويدلها طريق الرشاد
