قصيده اعجبتني للشاعر ((خالد بن سكران))
واتمنى انها تحوز علي رضاكم000000
بديت بسم الله عظيم الشان محصـي الكائنـات
سامع دبيب النمل في ليلـه سماهـا سرمـدي
مرسل مزون الوسم من فوق الرياح الساريـات
بأمره يسيل السيـل بالـوادي ويتـلاه أبـردي
سبحانه اللـي عالـمٍ سـر الأمـور الخافيـات
اللي جميع الخلق تركع له بصـدق وتسجـدي
ومن بعد ذكر الله هجوس الشعر تبدع رائعـات
أبيات شعر مرصّعه بالماس بحـروف أبجـدي
هجوس شعري والقوافـي للمعانـي خاضعـات
لامن زهمت الفكر جاه القاف يركـض ويعـدي
البارحه كنـي علـى روس الجبـال النايفـات
وكن المزون العاتيه من فوق راسـي ترعـدي
وكني وحيد ولاقويت أنـزل أطـوال الراسيـات
الموت يشّر لي بيديه وعـزم حالـي مجهـدي
ماهوب بسباب الخشوف المترفـات الناعمـات
اللي عليهـن شاعـر القيفـان دايـم يقصـدي
اللي خذن(عنتر) و (قيس أبن الملوّح) في شتات
ومن بعدهم (روميو) على (جوليت) حاله يزهدي
أنا همومي كبر ضلع(طويق) وجبال (السـرات)
أزريت أعدّل ميلهـا وأسعـد بنومـي ورقـدي
لاخاب ظنّك في رجـالٍ كنـك تحسبهـم ثقـات
مرخص لهم غالي حلالـك بالزمـان الأسـودي
مخلص برفقتهـم ومجهـد بالعلـوم الغانمـات
كريم سبلا في عطاهـم كاسـبٍ قـول أبعـدي
تفرح بلقياهـم ولـو هبّـت عليـك الذاريـات
وتضيق لاضاقوا وعينك من رضاهـم تسعـدي
هداج تيماء ماقصـر مـدّك عـدودك مرويـات
من ياردك وقت الضما صـدّر بحملـه يحمـدي
يمنـاك للعليـا معوّدهـا وكسـب الطـايـلات
ماشحّت اليمنى بفعل الطيـب طيبـك يشهـدي
واليوم باعوا خوّتك برخيـص دون مجامـلات
الكل منهم عن فعول الطيـب صـد ويجحـدي
كنـك غريـبٍ بينهـم مالـك فعـولٍ ثابتـات
وأنت الذي وقت الشدايـد نـار زنـدك توقـدي
ربعٍ ورى الدنيا تسير وهمّهـا جمـع أريـالات
لازاد راس المال عن سلـم المراجـل تبعـدي
مامنهم اللي صان رفقة صاحبه قبـل الفـوات
يوم الشداد يميل من فوق الجمل قبـل إيغـدي
مات الحيـاء فيهـم ولا ظنّـي يعـوّد للحيـاة
من عقب ملبسهم ثيـاب العـز ملبسهـم ردي
قفّت ركايبهم عن الروض الخضـر للممحـلات
وطاحت عمايمهم علـى خـدٍ طويـلٍ جرهـدي
قولٍ صحيـح مثبّتـه ماجـات فيـه مزايـدات
مانيب مثل اللي ليا سولـف بهرجـه يسـردي
هذا وصلي الله علـى محمـد نبـي المعجـزات
أعداد من صلي وصـام وطـاف مكـه يعبـدي
وسلامتكم
ويسلموووووووووووووووووتقبلي مروري
علــىـ اختــــياركـ .
لهـــــذا الشــــــــاعر .
لاعدمــــناكـ .
أختــــكـ / إحســــــــاسـ طفلــــهـ .
تـســــــلـــــــمي ..
عـــــــمة جــــــــوني
إحســــــــاسـ طفلــــهـ
بنـــت الــوادي
الجــمان2
اشــــــــــــكركم عـــلي المـــرور الطيـــب والمشــــرف فـــي صـــفحتـــي
اثلــج صــدري
تحيـــاتي@@
ننتظر جديدك يالغلا
دمتي بحفظ الله ورعااايته
رينـــــــــــاد
ريــنــاد
يعــطيــج ااالعــافــيه عــلي ااالمــرور
ولـــو الرد جـــاء مــــتأخـــر
عــمـــومـــاشـــــــــــــاكره تــواجدك فــي متــصفحــي
تحــياتي لــك
