والمجربه منذ زمن
اليكم الموضوع
فوائد المشاط للشعر وهى منع تساقط الشعر وتغذيته وتطويله وحل جميع مشاكله
بس هو غالى حبتين وكمان مش ضامنين اللى هنشتريه ده اصلى ولا مغشوش(الدنيا معتش فيها امان يا اوختشى)
المهم احنا بأذن واحد أحد هنعمل اجدعها مشاط وهنخلى شعرنا للركب
بس واحدة واحدة كده هنقول هنجيب ايه ونشوفه بالصور عشان نبقى فاهمين
بسم الله
1_ وده الاساس بتاعنا الحنــــــــــــــــــــة :الحنة الكويسة بيبقى لونها اخضر
2_روزمارى : غنى عن التعريف وفوايده كمان
هنجيبه وهنطحنه لحد مايبقى باودر
3_ المرمية :تطول وتعطى الشعر لونه الاصلى ولمعة
وهنشتريها
وهنطحنها زى ماتفقنا
4_حبة البركة : بركة للصحة وللشعر والبشرة مطحون بردو
5_وده الاهم والاهم السدر : بيطول الشعر جداااا
6_ واللى فوايده روعه للشعر والاخوات السوريات عارفين يأكدو الكلام ده هو الزعـــــــتـــــــــر
وهنطحنه طبعا
7- ورد مجفف
واكيد لو عندك اى اعشاب تانية مفيده للشعر ممكن تضفيها زى :
القرنفل….حلو جدا للشعر …..الخردل ..تحفة ……السنامكى …للقشرة والتساقط..بردقوش ….جميل
حلبة …بتنعم جدا بس الريحة مش تمام …انا بضفها فى الخلطة بتاعتنا دى
والمكونات دى كلها رخيصة جدا من العطار ماعدا السدر غالى شوية
كده نبقى عملنا احلى مشاط لشعرنا …نجى للتحضير بقى
هنجيب اربع معالق كبيرة حنة ومعلقة من كل عشب مطحون عندنا من اللى قلنا عليهم
وطبعا ممكن تزودى الكميات حسب حجم شعرك
هنخلطهم مع بعض ونضيف عليهم معلقة من اى زيت مفيد عندنا
انا بستخدم بردهان املا كلمة تحفةةةةةة قليلة عليه
واللى مبتحبش ريحة الاعشاب فى زيت دابر املا للتبريد وبيعمل طراوة للشعر
كأنك غسلة شعرك بمعجون الاسنان وريحتة نفاذة
_هنحط عالاعشاب معلقة او اتنين من الزيت المفضل حتى لو زيت زتون حلو برضو
ونزود ماية لحد ماتبقى شبه سايله ونسيبه يخمر 6 ساعات عالاقل
وبعد كده نبدأ نفرده على شعرنا كله من الفروة للاطراف
وننام بيه ونغسله الصبح بمايه بس من غير شامبو
واحد تحب تزود من عندها زبادى عشان يطرى الشعر مايونيز الحاجات دى هى مفيدة اه بس متفضلش عالشغر اكتر من ساااااااااعة والا ممكن تعمل حساسية وحبوب وبدل مانكحلها نعميها
وملاحظة تانيه هنعملها كل اسبوع ومتستنيش اى نتيجة غير بعد رابع مرة
يعنى بعد شهر ان شاء الله
منقول للافاده 
بتمنى تشاركيني بأفكارك ساعدوني بنات الله يكرمكم
