السلام عليكم خواتي 
وربي مالي الا الله ثم انتم ضايقه علي دنياي وبقوه من زوجي كرهني بنفسي وبعيشتي ، اناني ولا يفكر الا بنفسه ..
تزوجت من 8 شهور واللحين حامل الحمدلله ، اكتشفت قبل اربع شهور ان زوجي يكلم وحده غيري 
وكلام حب وغرام ولا خلى كلمه حلوه ماقالها لها
وانا ارسله احبك ورسايل حب ومطنشني مع انه يقووول انه يحبني ولا ادري صدقه من كذبه
فتحت الواتس اب حقه وليتني م فتحته كلام حب وغرام ويوم سالته بوقتها على طول انكر قال هذا صديقي وانا وياه نستهبل ، م دخل مزاجي كلامه ابدا يحسبني م اعرف افرق بين اسلوب الولد والبنت واااضح اسلوب بنت ماهو ولد
مسكته وصارحته وجلست ابكي لدرجة اني ضفيت اغراضي قلت مالي جلسه عندك تكذب علي وتخوني بعد
قال لي بقولك على كل شى بسلا تروحين عند اهلك قلت اوك ابغى اعرف الصدق قال انه يعرفها من زمان من قبل ثلاث سنين ويوم خطبني انقطعت العلاقه واللحين هي اللي رجعتها
وانه علاقتها مالها يوم واحد راجعه جلس يعتذر لي ويوعدني ويحلف لي انه م تنعاد ، صدقته وجلست ببيتي وتعوذت من الشيطان وخليت الليله تعدي على خير ..
المهم صرت احس اني م اثق به مع اني احبه وربي
ويوم صار امس فتحت الواتس اب وهو نايم الشك مازال موجود بقلبي
لقيتها مرسله له كيفك !!
وهو رد عليها مين انت !! لانه حاذف رقمها عقب هي اسكتت انا شكيت ان هذا هو الرقم اخذته وحطيته بالنمبر بوك طلع لي اسم بنت دقيت عليها صوتها بنت م صددددقت دخلت عليها بالواتس حقي وناديتها بالاسم اللي لقيته بالنمبر بوك ردت هلا والله
يعني اكيد هي بنت ،،
قلت لازم اتفاهم معه
اول م جاء من الدوام وريح انا مسكته وطبيعيه ولا وضحت ان في شى ، عقب م ارتاح وتقهوى جبت جواله وقلت له بوريك شى ، سحب الجوال وهزاني وقالي مرا ثانيه لا تمدين ايدك عليه 
هزاني وسبني لين قال بس كلامه جرحني
وربي منغثه اكتب لكم وانا مرا حررره بقلبي خسارة الحب اللي عطيته والخوف والاهتمام هذي اخرتها
مت من الصياح لاني شفته مخزن رقم وحده مسميها اسم انجليزي غير مفهوم وتاكدت انها بنت بكذا طريقهة
بجد الرجال مالهم امان ..
الله يخليكم نزلوا موضوعي باسرع وقت ممكن هو اللحين م يكلمني ولا انا اكلمه
علموني شسوي واسفه على الاطاله اختكم مكسورة ..
شوفي هذا علاج ناجح بإذن الله صلي قيام الليل وانتي ساجده ادعي اللهم الواحد الاحد الفرد الصمد الذي لم يلد ولم يولد ولم يكن له كفوا احد اللهم صل على سيدنا محمد وعلى ال محمد كما صليت على ابراهيم وعلى ال ابراهيم انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم انك حميدمجيد يارب يارب يارب سخر زوجي واهديه وحنن قلبه علي يارب اهديني يارب وادعي باللي تبي بعدين قولي ربنا اتنا في الدنيا حسنه وفي الاخرة حسنه وقنا عذاب النار وصل اللهم على سيدنا محمد وعلى اله وصحبه اجمعين
بس انتبهي لاتهدمين بيتك بيدك صعب تكوني جالسه بين الحريم ويقولون هذي المطلقه
واذا نويتي على شي استخري والله يكتبلك اللي فيه خير
88888 استغفرالله88888
الان ليس عندي وقت ..لكن اطلب منك عدم العجلة في مثل هذه الامور
ويجب ان تتصرفي بحكمة بهدوء لكي تكسبي ..
لي رجعة ان شاء الله .. موفقة
كل الرجال كيذا
زوجك مو اول ولا اخر واحد يسوي كيدا
طنشييه تجاهلييييه
لا تراقبي جوالهه
خليه يموت من القهر من تطنيشگ له
رح تجي فترة ويترك هالخرابيط
مو زين الزعل عشان حملك
انتبهي
لساتك عرووس ماتميتي السنه يسوي كذا!!! بنات الناس مو لعبه عنده
انتي ازعلي ولاترضين لين مايقطع علاقاته
واذا مايبي قولي البيت اللي جيت منه برجعله معززه مكرمه ولااجلس عندك انا ماجيت من عند اهلي عشان تخوني مع بنات الناس وانا صاينتك وصاينه عرضك
خليه يعقل ويفكر زين
والله يطمن قلبك وطبعآ لاتنسين الدعاء بآخر الليل موفقه ان شاء الله
ويحصل في خواته نفس اللي يسويه ويمكن يحصل في زوجته يعني انت بديت انت تحمل
ولا يترك عنه ذي السوالف ربي راح يستره ويصون عرضه
